കോ​ട​ഞ്ചേ​രി: 32,10,49,446 രൂ​പ വ​ര​വും 31,17,57,209 രൂ​പ ചെ​ല​വും നീ​ക്കി ബാ​ക്കി 92,92,237 രൂ​പ​യും പ്ര​തീ​ക്ഷി​ക്കു​ന്ന കോ​ട​ഞ്ചേ​രി പ​ഞ്ചാ​യ​ത്തി​ന്‍റെ 2025 -26 വാ​ർ​ഷി​ക ബ​ജ​റ്റ് അ​വ​ത​രി​പ്പി​ച്ചു.
ആ​ശാ​വ​ർ​ക്ക​ർ​മാ​ർ​ക്ക് അ​ധി​ക ധ​ന​സ​ഹാ​യ​മാ​യി 1000 രൂ​പ വീ​തം പ്ര​തി​മാ​സം ന​ൽ​കു​വാ​നും
ഗ്രാ​മീ​ണ ടൂ​റി​സം പ്രോ​ത്സാ​ഹ​ന​ത്തി​ന്‍റെ ഭാ​ഗ​മാ​യി തേ​വ​ർ മ​ല​യി​ൽ ജി​ല്ലാ പ​ഞ്ചാ​യ​ത്തു​മാ​യി സ​ഹ​ക​രി​ച്ച് സം​യു​ക്ത പ​ദ്ധ​തി​യാ​യി പ​ഞ്ചാ​യ​ത്ത് വി​ഹി​ത​മാ​യി പ​ത്തു​ല​ക്ഷം രൂ​പ​യും ഉ​ൾ​പ്പെ​ടു​ത്തി.

20 ല​ക്ഷം രൂ​പ​യു​ടെ വാ​ച്ച് ട​വ​ർ നി​ർ​മി​ക്കും. കൂ​ടാ​തെ ര​ണ്ട് കോ​ടി രൂ​പ മു​ത​ൽ മു​ട​ക്കി​ൽ പ​ത​ങ്ക​യ​ത്ത് ഡെ​സ്റ്റി​നേ​ഷ​ൻ ചാ​ല​ഞ്ചി​ൽ ഉ​ൾ​പ്പെ​ടു​ത്തി തൂ​ക്കു​പാ​ല​വും ടേ​ക്ക് എ ​ബ്രേ​ക്കും നി​ർ​മി​ക്കും.

വ​ന്യ​മൃ​ഗ ശ​ല്യം പ​രി​ഹ​രി​ക്കു​ന്ന​തി​നാ​യി ആ​വ​ശ്യ​പ്പെ​ടു​ന്ന മു​ഴു​വ​ൻ ക​ർ​ഷ​ക​ർ​ക്കും സോ​ളാ​ർ ഫെ​ൻ​സിം​ഗ് പ​ദ്ധ​തി ന​ട​പ്പി​ലാ​ക്കാ​ൻ 15 ല​ക്ഷം രൂ​പ വ​ക​യി​രു​ത്തി.കാ​ർ​ഷി​ക മേ​ഖ​ല​യു​ടെ പു​ന​ർ​ജീ​വ​ന​ത്തി​നാ​യി 17 പ​ദ്ധ​തി​ക​ളി​ലാ​യി 17068100 രൂ​പ​യും ക്ഷീ​ര മേ​ഖ​ല​യ്ക്കും മൃ​ഗ​സം​ര​ക്ഷ​ണ​ത്തി​നു​മാ​യി ഉ​ൽ​പാ​ദ​ന മേ​ഖ​ല​യി​ൽ 21093476 രൂ​പ​യും പ​ഞ്ചാ​യ​ത്തി​നെ ഭി​ന്ന​ശേ​ഷി സൗ​ഹൃ​ദ​മാ​ക്കു​ന്ന​തി​ന്‍റെ ഭാ​ഗ​മാ​യി 38 ല​ക്ഷം രൂ​പ​യും വ​നി​ത​ക​ളു​ടെ സ്വ​യം സം​രം​ഭ​ങ്ങ​ൾ​ക്കാ​യി 10 ല​ക്ഷം രൂ​പ​യും വ​നി​ത​ക​ളു​ടെ​യും കു​ട്ടി​ക​ളു​ടെ​യും വി​വി​ധ ക്ഷേ​മ പ​ദ്ധ​തി​ക​ൾ​ക്കാ​യി 54 ല​ക്ഷം രൂ​പ​യും വ​ക​യി​രു​ത്തി.

തെ​യ്യ​പ്പാ​റ, നൂ​റാം​തോ​ട് ഗ്രൗ​ണ്ടു​ക​ൾ നി​ർ​മാ​ണ പ്ര​വ​ർ​ത്തി​ക​ൾ പൂ​ർ​ത്തീ​ക​രി​ച്ച് യു​വ​ജ​ന ക്ല​ബു​ക​ൾ​ക്ക് കൈ​മാ​റാ​ൻ ആ​വ​ശ്യ​മാ​യ 20 ല​ക്ഷം രൂ​പ​യും വ​ക​യി​രു​ത്തി​യി​ട്ടു​ണ്ട്. പ​ഞ്ചാ​യ​ത്ത് പ്ര​സി​ഡ​ന്‍റ് അ​ല​ക്സ് തോ​മ​സ് ചെ​മ്പ​ക​ശേ​രി​യു​ടെ അ​ധ്യ​ക്ഷ​ത​യി​ൽ വൈ​സ് പ്ര​സി​ഡ​ന്‍റ് ജ​മീ​ല അ​സീ​സ് ബ​ജ​റ്റ് അ​വ​ത​രി​പ്പി​ച്ചു.

ക്ഷേ​മ​കാ​ര്യ സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​പേ​ഴ്സ​ൺ സൂ​സ​ൻ വ​ർ​ഗീ​സ്, ജോ​ർ​ജു​കു​ട്ടി വി​ള​ക്കു​ന്നേ​ൽ, ഷാ​ജി മു​ട്ട​ത്ത്, റി​യാ​ന​സ് സു​ബൈ​ർ, ബി​ന്ദു ജോ​ർ​ജ്, റീ​ന സാ​ബു, സി​സി​ലി ജേ​ക്ക​ബ്, ലീ​ലാ​മ്മ ക​ണ്ട​ത്തി​ൽ എ​ന്നി​വ​രു​ടെ നി​ർ​ദേ​ശ​ങ്ങ​ൾ കൂ​ടി ഉ​ൾ​പ്പെ​ടു​ത്തി അ​ന്തി​മ ബ​ജ​റ്റി​ന് അം​ഗീ​കാ​രം ന​ൽ​കി.