കൊ​ടി​യ​ത്തൂ​ർ: പ​ഞ്ചാ​യ​ത്ത് പ്ര​സി​ഡ​ന്‍റ്, സെ​ക്ര​ട്ട​റി, കു​ടും​ബാ​രോ​ഗ്യ കേ​ന്ദ്രം മെ​ഡി​ക്ക​ൽ ഓ​ഫീ​സ​ർ, കൃ​ഷി ഓ​ഫീ​സ​ർ തു​ട​ങ്ങി പ​ഞ്ചാ​യ​ത്തി​ലെ പ്ര​ധാ​ന സ്ഥാ​ന​ങ്ങ​ളി​ലെ​ല്ലാം വ​നി​ത​ക​ൾ നേ​തൃ​ത്വം വ​ഹി​ക്കു​ന്ന കൊ​ടി​യ​ത്തൂ​രി​ൽ ഇ​ത്ത​വ​ണ​ത്തെ വ​നി​ത ദി​നാ​ച​ര​ണ​വും വേ​റി​ട്ട​താ​കും.

ഇ​തി​ന്‍റെ ഭാ​ഗ​മാ​യു​ള്ള വി​വി​ധ പ്ര​വ​ർ​ത്ത​ന​ങ്ങ​ൾ​ക്ക് വ​നി​ത ദി​ന​മാ​യ മാ​ർ​ച്ച് എ​ട്ടി​ന് മു​ന്നാ​ഴ്ച മു​മ്പ് ത​ന്നെ തു​ട​ക്കം കു​റി​ക്കു​ക​യും ചെ​യ്തു. വ​നി​ത​ക​ളു​ടെ തൊ​ഴി​ലി​ട സ​ന്ദ​ർ​ശ​നം, വ​നി​ത​ക​ൾ​ക്കാ​യി നി​യ​മ​പ​ഠ​ന ക്ലാ​സ്, സി​ഗ്നേ​ച്ച​ർ കാ​ന്പ​യി​ൻ, വ​നി​ത സം​ര​ഭ​ക സം​ഗ​മം, പാ​ലി​യേ​റ്റീ​വ് ഹോം ​കെ​യ​ർ, വ​നി​ത സൗ​ഹൃ​ദ വേ​ദി സ​ന്ദ​ർ​ശ​നം, തീം ​പ്ര​സ​ന്‍റേ​ഷ​ൻ തു​ട​ങ്ങി​യ പ​രി​പാ​ടി​ക​ളാ​ണ് വ​രും ദി​വ​സ​ങ്ങ​ളി​ൽ ന​ട​ക്കു​ക.

പ​ഞ്ചാ​യ​ത്ത് ജാ​ഗ്ര​ത സ​മി​തി​യു​ടേ​യും മു​ക്കം ജ​ന​മൈ​ത്രി പോ​ലീ​സി​ന്‍റെ​യും നേ​തൃ​ത്വ​ത്തി​ൽ വ​നി​ത​ക​ളു​ടെ തൊ​ഴി​ലി​ട സ​ന്ദ​ർ​ശ​ന​ത്തി​ന് ക​ഴി​ഞ്ഞ ദി​വ​സം കൊ​ടി​യ​ത്തൂ​ർ ജി​എം​യു​പി സ്കൂ​ളി​ൽ തു​ട​ക്ക​മാ​യി. പ​ഞ്ചാ​യ​ത്ത് പ്ര​സി​ഡ​ന്‍റ് ദി​വ്യ ഷി​ബു, വി​ക​സ​ന സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​പേ​ഴ്സ​ൺ ആ​യി​ഷ ചേ​ല​പ്പു​റ​ത്ത്, മു​ൻ പ്ര​സി​ഡ​ന്‍റ് വി. ​ഷം​ലൂ​ല​ത്ത്, പ​ഞ്ചാ​യ​ത്തം​ഗം കെ.​ജി സീ​ന​ത്ത് തു​ട​ങ്ങി​യ​വ​രു​ടെ നേ​തൃ​ത്വ​ത്തി​ലാ​യി​രു​ന്നു സ​ന്ദ​ർ​ശ​നം.

പ​ഞ്ചാ​യ​ത്തി​ലെ വി​വി​ധ സ്ഥാ​പ​ന​ങ്ങ​ളി​ലെ​ത്തി വ​നി​ത​ക​ളെ നേ​രി​ട്ട് ക​ണ്ട് അ​വ​ർ​ക്ക് പ​റ​യാ​നു​ള്ള​ത് കേ​ട്ടാ​ണ് സം​ഘം തി​രി​ച്ചു പോ​വു​ന്ന​ത്. ആ​സൂ​ത്ര​ണം ചെ​യ്ത മ​റ്റു പ​രി​പാ​ടി​ക​ൾ വ​രും ദി​വ​സ​ങ്ങ​ളി​ൽ ന​ട​ക്കു​മെ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് ദി​വ്യ ഷി​ബു അ​റി​യി​ച്ചു.