നാ​ദാ​പു​രം: എ​ട​ച്ചേ​രി പ​ഞ്ചാ​യ​ത്തി​ലെ വി​വി​ധ വാ​ർ​ഡു​ക​ളി​ൽ കാ​ട്ടു​പ​ന്നി ശ​ല്യം രൂ​ക്ഷ​മാ​കു​ന്നു. നി​ര​വ​ധി ക​ർ​ഷ​ക​രു​ടെ തെ​ങ്ങി​ൻ തൈ​ക​ൾ ഉ​ൾ​പ്പെ​ടെ​യു​ള്ള വി​ള​ക​ൾ കാ​ട്ടു​പ​ന്നി​ക​ൾ ന​ശി​പ്പി​ച്ചു. പ​തി​ന​ഞ്ചാം വാ​ർ​ഡി​ലെ ചാ​ലി​ൽ യാ​സ​ർ, കു​ഴി​വ​യി​ൽ രാ​ജീ​വ​ൻ എ​ന്നി​വ​രു​ടെ അ​ത്യു​ത്​പാ​ദ​ന ശേ​ഷി​യു​ള്ള നി​ര​വ​ധി ഗം​ഗാ​ബോ​ണ്ടം തൈ​ക​ളാ​ണ് കാ​ട്ടു​പ​ന്നി​ക​ൾ കു​ത്തി​മ​ല​ർ​ത്തി ന​ശി​പ്പി​ച്ച​ത്.

ഏ​താ​ണ്ട് ര​ണ്ട് വ​ർ​ഷ​ങ്ങ​ൾ​ക്കു മു​മ്പാ​ണ് ഇ​രു​വ​രും ചേ​ർ​ന്ന് 300 രൂ​പ​യി​ല​ധി​കം വി​ല​യു​ള്ള 50 ഓ​ളം കു​ള്ള​ൻ തൈ​ക​ൾ വാ​ങ്ങി ന​ട്ടു​പി​ടി​പ്പി​ച്ച​ത്. ഏ​താ​ണ്ട് എ​ല്ലാ തെ​ങ്ങു​ക​ളും കു​ല​ച്ച സ​മ​യ​ത്താ​ണ് പ​ന്നി​ക​ൾ കൂ​ട്ട​ത്തോ​ടെ എ​ത്തി ഇ​വ ന​ശി​പ്പി​ച്ച​ത്. കു​ല​ച്ചു വ​രാ​റാ​യ തൈ​ക​ളു​ടെ കൂ​മ്പ​ട​ക്കം ഒ​ടി​ച്ചു​മാ​റ്റി​യ നി​ല​യി​ലാ​ണ്. വാ​ഴ​ക​ളും വ്യാ​പ​ക​മാ​യി ന​ശി​പ്പി​ച്ചി​ട്ടു​ണ്ട്.

ക​ളി​യാംവെ​ള്ളി ക​നാ​ലി​നോ​ട് ചേ​ർ​ന്ന് നി​ൽ​ക്കു​ന്ന കൈ​ക​ണ്ട​ങ്ങ​ളി​ലാ​ണ് ഏ​റ്റ​വും കൂ​ടു​ത​ൽ പ​ന്നി​ക​ളു​ടെ ആ​ക്ര​മ​ണം നേ​രി​ടു​ന്ന​ത്. ക​നാ​ൽ തീ​ര​ത്തു നി​ന്നു മാ​റി നി​റ​യെ വീ​ടു​ക​ൾ നി​ല​നി​ൽ​ക്കു​ന്ന പ​റ​മ്പു​ക​ളി​ലും പ​ന്നി​ക​ൾ രാ​ത്രി​കാ​ല​ങ്ങ​ളി​ൽ എ​ത്തി പ​ച്ച​ക്ക​റി ഉ​ൾ​പ്പെ​ടെ​യു​ള്ള കൃ​ഷി​ക​ളും ന​ശി​പ്പി​ക്കു​ന്നു​ണ്ട്.

മാ​സ​ങ്ങ​ൾ​ക്കു മു​മ്പ് ഹോ​ട്ട​ൽ ജീ​വ​ന​ക്കാ​ര​നാ​യ യു​വാ​വി​ന് നേ​രെ പ​ന്നി ആ​ക്ര​മ​ണം ന​ട​ന്നി​രു​ന്നു. ഇ​തോ​ടു​കൂ​ടി പ​ന്നി​ക​ളെ കൊ​ല്ലാ​ൻ പ്ര​ത്യേ​കം ലൈ​സ​ൻ​സ് ഉ​ള്ള ആ​ളു​ക​ൾ പു​റ​മേ​രി പ​ഞ്ചാ​യ​ത്തി​ൽ നി​ന്നും എ​ത്തി വെ​ടി വ​ച്ചു കൊ​ല്ലാ​ൻ ശ്ര​മം ന​ട​ത്തി​യി​രു​ന്നു​വെ​ങ്കി​ലും പ​രാ​ജ​യ​പ്പെ​ടു​ക​യാ​ണ് ഉ​ണ്ടാ​യ​ത്.

പ​തി​ന​ഞ്ചാം വാ​ർ​ഡി​ന് പു​റ​മേ എ​ട​ച്ചേ​രി​യി​ലെ പ​തി​നാ​റാം വാ​ർ​ഡി​ലും പ​ന്നി ശ​ല്യം രൂ​ക്ഷ​മാ​യി നി​ല​നി​ൽ​ക്കു​ന്നു​ണ്ട്. ഇ​വി​ടെ​യു​ള്ള നി​ര​വ​ധി ക​ർ​ഷ​ക​രു​ടെ വ​യ​ലു​ക​ളി​ലും വീ​ട്ടു പ​റ​മ്പി​ലും വ​ള​ർ​ത്തു​ന്ന കാ​ർ​ഷി​ക ഉ​ത്പ​ന്ന​ങ്ങ​ളും പ​ന്നി​ക​ൾ ന​ശി​പ്പി​ച്ചു. അ​തേ​സ​മ​യം പ​ന്നി​ക​ളി​ൽ നി​ന്നും ത​ങ്ങ​ളു​ടെ കാ​ർ​ഷി​ക വി​ള​ക​ൾ സം​ര​ക്ഷി​ക്കാ​ൻ പ​ല​ത​ര​ത്തി​ലു​ള്ള വേ​ലി​ക​ൾ പ​ണി​തി​ട്ടു പോ​ലും ഇ​വ​യു​ടെ ശ​ല്യം ത​ട​യാ​ൻ സാ​ധി​ക്കു​ന്നി​ല്ലെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്.

ക​മ്പി​വേ​ലി​ക​ളു​ടെ അ​ടി ഭാ​ഗം ഇ​ള​ക്കി മാ​റ്റി​യാ​ണ് പ​ന്നി​ക​ൾ തൈ ​തെ​ങ്ങു​ക​ൾ ഉ​ൾ​പ്പെ​ടെ​യു​ള്ള​വ ന​ശി​പ്പി​ക്കു​ന്ന​തെ​ന്നും ക​ർ​ഷ​ക​ർ പ​റ​യു​ന്നു. ജീ​വ​നും സ്വ​ത്തി​നും ഭീ​ഷ​ണി​യാ​യ പ​ന്നി​ക്കൂ​ട്ട​ങ്ങ​ളെ ന​ശി​പ്പി​ക്കാ​ൻ ആ​വ​ശ്യ​മാ​യ ന​ട​പ​ടി​ക​ൾ പ​ഞ്ചാ​യ​ത്ത് അ​ധി​കൃ​ത​രു​ടെ ഭാ​ഗ​ത്തു​നി​ന്ന് എ​ത്ര​യും പെ​ട്ടെ​ന്ന് ഉ​ണ്ടാ​ക​ണ​മെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.