കോ​ഴി​ക്കോ​ട്: കി​ഫ്ബി ഫ​ണ്ടി​ല്‍ ഉ​ള്‍​പ്പെ​ടു​ത്തി ന​വീ​ക​രി​ക്കു​ന്ന കോ​ഴി​ക്കോ​ട് - ബാ​ലു​ശേ​രി റോ​ഡി​ന്‍റെ ഭൂ​മി ഏ​റ്റെ​ടു​ക്ക​ലി​ന്‍റെ അ​വ​സാ​ന ഘ​ട്ട ന​ട​പ​ടി​യാ​യി 19(1) നോ​ട്ടി​ഫി​ക്കേ​ഷ​ന്‍ പ്ര​സി​ദ്ധീ​ക​രി​ച്ച​താ​യി വ​നം​മ​ന്ത്രി എ.​കെ.​ശ​ശീ​ന്ദ്ര​ന്‍ അ​റി​യി​ച്ചു.

കാ​ര​പ്പ​റ​മ്പ് മു​ത​ല്‍ ബാ​ലു​ശേ​രിമു​ക്ക് വ​രെ 20.32 കി​ലോ മീ​റ്റ​ര്‍ നീ​ളം വ​രു​ന്ന റോ​ഡി​ല്‍ കാ​ര​പ്പ​റ​മ്പ് മു​ത​ല്‍ ക​ക്കോ​ടി പാ​ലം വ​രെ നാ​ല് വ​രി പാ​ത​യും ക​ക്കോ​ടി​പാ​ലം മു​ത​ല്‍ ബാ​ലു​ശേ​രി മു​ക്ക് വ​രെ ര​ണ്ടു വ​രി പാ​ത​യു​മാ​ണ് വി​ഭാ​വ​നം ചെ​യ്തി​ട്ടു​ള്ള​ത്. റോ​ഡി​ന്‍റെ ഭൂ​മി ഏ​റ്റെ​ടു​ക്ക​ലി​ന്റെ ചെ​ല​വി​നാ​യി 152.6 കോ​ടി രൂ​പ സ്പെ​ഷ​ല്‍ ത​ഹ​സി​ല്‍​ദാ​ര്‍​ക്ക് (എ​ല്‍.​എ കി​ഫ്ബി) ന​ല്‍​കി​യി​ട്ടു​ണ്ട്.

19 (1) വി​ജ്ഞാ​പ​നം പ്ര​സി​ദ്ധീ​ക​രി​ച്ച​തി​ന്‍റെ അ​ടി​സ്ഥാ​ന​ത്തി​ല്‍ ഇ​ന്ന​ലെ തി​രു​വ​ന​ന്ത​പു​ര​ത്ത് വ​നം​മ​ന്ത്രി​യു​ടെ ചേം​ബ​റി​ല്‍ ഉ​ന്ന​ത​ത​ല യോ​ഗം ചേ​ര്‍​ന്നു. ഭൂ​മി ഏ​റ്റെ​ടു​ക്ക​ലി​ന്റെ ഭാ​ഗ​മാ​യു​ള്ള ന​ഷ്ട​പ​രി​ഹാ​രം (1024 പേ​ര്‍​ക്ക്) ന​ല്‍​കു​ന്ന​ത് വേ​ഗ​ത്തി​ലാ​ക്കാ​ന്‍ വേ​ണ്ട ന​ട​പ​ടി​ക​ള്‍ സ്വീ​ക​രി​ക്കാ​ന്‍ യോ​ഗ​ത്തി​ല്‍ തീ​രു​മാ​നി​ച്ചു.

റോ​ഡി​ന്‍റെ നി​ര്‍​മാ​ണ പ്ര​വ​ര്‍​ത്തി​ക​ള്‍ ത്വ​രി​ത​ഗ​തി​യി​ലാ​ക്കു​ന്ന​ത് സം​ബ​ന്ധി​ച്ച കാ​ര്യ​ങ്ങ​ള്‍ ച​ര്‍​ച്ച ചെ​യ്യു​ന്ന​തി​ന് മാ​ര്‍​ച്ച് ഒ​ന്നി​ന് വ​നംമ​ന്ത്രി​യു​ടെ അ​ധ്യ​ക്ഷ​ത​യി​ല്‍ കോ​ഴി​ക്കോ​ട് ക​ള​ക്ട​റേ​റ്റി​ല്‍ യോ​ഗം ചേ​രും.

റോ​ഡ് നി​ര്‍​മാ​ണ​ത്തി​നാ​യി ഏ​ക​ദേ​ശം 125 കോ​ടി രൂ​പ​യു​ടെ ഡിപിആ​ര്‍ ത​യാ​റാ​ക്കി കി​ഫ്ബി​യ്ക്ക് സ​മ​ര്‍​പ്പി​ച്ചി​ട്ടു​ണ്ട്. ഇ​ത് കൂ​ടാ​തെ കോ​ഴി​ക്കോ​ട് - ബാ​ലു​ശേ​രി റോ​ഡി​ല്‍ ക​ക്കോ​ടി​യി​ല്‍ പു​തി​യ പാ​ലം നി​ര്‍​മി​ക്കു​ന്ന​തി​ന് ഭൂ​മി ഏ​റ്റെ​ടു​ക്ക​ല്‍ ഉ​ള്‍​പ്പെ​ടെ 13 കോ​ടി രൂ​പ​യു​ടെ ഡിപിആ​റും സ​മ​ര്‍​പ്പി​ച്ചി​ട്ടു​ണ്ട്.