താ​മ​ര​ശേ​രി: ക​ഴി​ഞ്ഞ ആ​റു വ​ര്‍​ഷ​ക്കാ​ല​മാ​യി എ​യ്ഡ​ഡ് സ്‌​കൂ​ളി​ല്‍ ജോ​ലി നോ​ക്കി​യി​ട്ടും നി​യ​മ​നാം​ഗീ​കാ​രം ല​ഭി​ക്കാ​ത്ത​തി​ന്‍റെ മ​നോ​ദു:​ഖ​ത്തി​ല്‍ താ​മ​ര​ശേ​രി സ​ബ് ജി​ല്ല​യി​ലെ എ​ല്‍പി സ്‌​കൂ​ള്‍ അ​ധ്യാ​പി​ക അ​ലീ​ന ബി​ന്നി ആ​ത്മ​ഹ​ത്യ ചെ​യ്ത വി​ഷ​യ​ത്തി​ല്‍ സ​ര്‍​ക്കാ​ര്‍ ക​ണ്ണ​ട​ച്ച് ഇ​രു​ട്ടാ​ക്ക​രു​തെ​ന്ന് കേ​ര​ള എ​യി​ഡ​ഡ് ടീ​ച്ചേ​ഴ്‌​സ് അ​സോ​സി​യേ​ഷ​ന്‍ പ്ര​സ്താ​വ​ന​യി​ല്‍ ആ​വ​ശ്യ​പ്പെ​ട്ടു.

സം​സ്ഥാ​ന സ​ര്‍​ക്കാ​ര്‍ എ​യി​ഡ​ഡ് സ്‌​കൂ​ള്‍ നി​യ​മ​ന​ങ്ങ​ളെ അം​ഗീ​ക​രി​ക്കാ​ന്‍ മ​ടി​ക്കു​ക​യാ​ണ്. കേ​ര​ള എ​യ്ഡ​ഡ് ടീ​ച്ചേ​ഴ്‌​സ് അ​സോ​സി​യേ​ഷ​ന്‍ നി​ര​വ​ധി സ​മ​ര​ങ്ങ​ളാ​ണ് സെ​ക്ര​ട്ട​റി​യേ​റ്റ് പ​ടി​ക്ക​ലും ജി​ല്ലാ വി​ദ്യാ​ഭ്യാ​സ ഓ​ഫീ​സു​ക​ളി​ലും ഈ ​പ്ര​തി​സ​ന്ധി​ക്കെ​തി​രേ ന​ട​ത്തി​വ​രു​ന്ന​ത്.

വി​ദ്യാ​ഭ്യാ​സ​മ​ന്ത്രി​യെ​യും പൊ​തു വി​ദ്യാ​ഭ്യാ​സ സെ​ക്ര​ട്ട​റി​യെ​യും ഈ ​വി​ഷ​യം നി​ര​വ​ധി ത​വ​ണ ബോ​ധ്യ​പ്പെ​ടു​ത്തി​യി​ട്ടു​ള്ള​താ​ണ്. എ​ന്നാ​ല്‍ 2021 മു​ത​ലേ ഭി​ന്ന​ശേ​ഷി നി​യ​മ​ന​ത്തി​ന്‍റെ സാ​ങ്കേ​തി​ക​ത്വം പ​റ​ഞ്ഞും കോ​ട​തി​ക​ളി​ല്‍ ഭി​ന്ന​ശേ​ഷി വി​ഷ​യം വാ​ദി​ച്ചും ത​ത്ത്വ​ത്തി​ല്‍ അ​പ്ര​ഖ്യാ​പി​ത നി​യ​മ​ന നി​രോ​ധ​ന​മാ​ണ് എ​യ്ഡ​ഡ് സ്‌​കൂ​ളു​ക​ളി​ല്‍ ഏ​ര്‍​പ്പെ​ടു​ത്തി​യി​രി​ക്കു​ന്ന​ത്.

എ​യ്ഡ​ഡ് വി​ദ്യാ​ല​യ​ങ്ങ​ളോ​ടു​ള്ള സ​ര്‍​ക്കാ​ര്‍ നി​ല​പാ​ട് നി​ല​വി​ലെ കെഇആ​ര്‍ ച​ട്ട​ങ്ങ​ളു​ടെ ലം​ഘ​ന​മാ​ണ്. ഭി​ന്ന​ശേ​ഷി നി​യ​മ​ന​ത്തി​ന് കെ​എ​ടി​എ എ​തി​ര​ല്ല. എ​ന്നാ​ല്‍ ആ ​ന്യാ​യം പ​റ​ഞ്ഞ് മ​തി​യാ​യ വ്യ​വ​സ്ഥ​ക​ള്‍ പാ​ലി​ക്കു​ന്ന എ​യ്ഡ​ഡ് സ്‌​കൂ​ളു​ക​ളി​ലെ നി​യ​മ​നം നി​രോ​ധി​ക്കു​ന്ന സ​ര്‍​ക്കാ​ര്‍ നി​ല​പാ​ട് എ​യ്ഡ​ഡ് സ്ഥാ​പ​ന​ങ്ങ​ളോ​ടു​ള്ള സ​ര്‍​ക്കാ​രി​ന്‍റെ പൊ​തു സ​മീ​പ​ന​മാ​യേ കാ​ണാ​ന്‍ ക​ഴി​യുകയുള്ളു.

കേ​ര​ള​ത്തി​ന്‍റെ വി​ദ്യാ​ഭ്യാ​സ മു​ന്നേ​റ്റ​ത്തി​ന് മി​ക​ച്ച സം​ഭാ​വ​ന​ക​ള്‍ ന​ല്‍​കി​യ എ​യ്ഡഡ് സ്‌​കൂ​ള്‍ മാ​നേ​ജ്‌​മെ​ന്‍റുക​ളെ​യും ക്രൈ​സ്ത​വ​സ​ഭ​യെ​യും വെ​ട​ക്കാ​ക്കി ത​നി​ക്കാ​ക്കാ​മെ​ന്ന് സ​ര്‍​ക്കാ​ര്‍ ക​രു​ത​രു​ത്.

ഒ​രു അ​ധ്യാ​പി​ക നി​യ​മ​നാം​ഗീ​ക​രം ല​ഭി​ക്കാ​തെ ആ​ത്മ​ഹ​ത്യ ചെ​യ്ത​പ്പോ​ള്‍ അ​ത് ഒ​റ്റ​പ്പെ​ട്ട സം​ഭ​വ​മാ​യി ചി​ത്രീ​ക​രി​ച്ച് രൂ​പ​ത​യു​ടെ ത​ല​യി​ല്‍ കെ​ട്ടി​വ​യ്ക്കാ​ന്‍ ശ്ര​മി​ച്ചാ​ല്‍ അ​ത് പൊ​തു സ​മൂ​ഹം അം​ഗീ​ക​രി​ക്കി​ല്ല.

എ​യ്ഡ​ഡ് മാ​നേ​ജ്‌​മെ​ന്‍റുക​ളെ​യും ജീ​വ​ന​ക്കാ​രെ​യും ശ​ത്രു​പ​ക്ഷ​ത്ത് നി​ര്‍​ത്തു​ക​യ​ല്ല വേ​ണ്ട​ത്. ഇ​നി​യെ​ങ്കി​ലും സ​ര്‍​ക്കാ​ര്‍ ഈ ​പ്ര​ശ്‌​ന​ത്തി​ല്‍ ക​ണ്ണ് തു​റ​ക്ക​ണം. ഭി​ന്ന​ശേ​ഷി നി​യ​മ​ന പ്ര​തി​സ​ന്ധി പ​രി​ഹ​രി​ച്ച് എഇഒ, ഡിഇ​ഒ ത​ല​ങ്ങ​ളി​ല്‍ ത​ന്നെ നി​യ​മ​ന അം​ഗീ​കാ​രം ന​ല്‍​കാ​ന്‍ സ​ര്‍​ക്കാ​ര്‍ ത​യാ​റാ​ക​ണ​മെ​ന്ന് അ​സോ​സി​യേ​ഷ​ന്‍ സം​സ്ഥാ​ന ജ​ന​റ​ല്‍ സെ​ക്ര​ട്ട​റി എ.​വി. ഇ​ന്ദു​ലാ​ല്‍ ആ​വ​ശ്യ​പ്പെ​ട്ടു.