നി​ല​ന്പൂ​ർ: ക​ടു​ത്ത വേ​ന​ലി​ൽ കാ​ഞ്ഞി​ര​പ്പു​ഴ​യി​ലെ നീ​രൊ​ഴു​ക്ക് കു​റ​ഞ്ഞു. ഇ​തോ​ടെ ആ​ഢ്യ​ൻ​പാ​റ ചെ​റു​കി​ട ജ​ല​വൈ​ദ്യു​ത നി​ല​യ​ത്തി​ലെ ഉ​ത്പാ​ദ​നം നി​ർ​ത്തി​വ​ച്ചു. കാ​ഞ്ഞി​ര​പ്പു​ഴ​യി​ലെ നീ​രൊ​ഴു​ക്ക് കു​റ​ഞ്ഞ​തോ​ടെ ജി​ല്ല​യി​ലെ പ്ര​ധാ​ന ജ​ല ടൂ​റി​സം കേ​ന്ദ്ര​മാ​യ ആ​ഢ്യ​ൻ​പാ​റ ജ​ല ടൂ​റി​സം കേ​ന്ദ്ര​ത്തി​ലേ​ക്കു​ള്ള വി​നോ​ദ സ​ഞ്ചാ​രി​ക​ളു​ടെ എ​ണ്ണ​ത്തി​ലും വ​ലി​യ കു​റ​വു​ണ്ട്.

കാ​ഞ്ഞി​ര​പ്പു​ഴ​യി​ലെ വെ​ള്ള​ത്തെ ആ​ശ്ര​യി​ച്ചാ​ണ് ആ​ഢ്യ​ൻ​പാ​റ ജ​ല ടൂ​റി​സം കേ​ന്ദ്ര​ത്തി​ന്‍റെ​യും ചെ​റു​കി​ട ജ​ല​വൈ​ദ്യു​ത പ​ദ്ധ​തി​യു​ടെ​യും പ്ര​വ​ർ​ത്ത​ന​ങ്ങ​ൾ. നീ​രൊ​ഴു​ക്ക് ക്ര​മാ​തീ​ത​മാ​യി കു​റ​ഞ്ഞ​തോ​ടെ മ​ഴ​ക്കാ​ല​ത്ത് നി​റ​ഞ്ഞൊ​ഴു​കു​ന്ന കാ​ഞ്ഞി​ര​പ്പു​ഴ​യി​ൽ ഇ​പ്പോ​ൾ പാ​റ​ക്കെ​ട്ടു​ക​ൾ​ക്കി​ട​യി​ലെ ചെ​റി​യ നീ​ർ​ച്ചാ​ലു​ക​ൾ മാ​ത്ര​മാ​യി.

കാ​ഞ്ഞി​ര​പ്പു​ഴ​യി​ൽ നീ​രൊ​ഴു​ക്ക് കു​റ​ഞ്ഞ​ത് മ​തി​ൽ​മൂ​ല മു​ത​ൽ മൈ​ലാ​ടി വ​രെ​യു​ള്ള ഭാ​ഗ​ങ്ങ​ളി​ലെ ജ​ന​ങ്ങ​ൾ​ക്ക് പ്ര​യാ​സം സൃ​ഷ്ടി​ക്കും. ആ​ഢ്യ​ൻ​പാ​റ ചെ​റു​കി​ട ജ​ല​വൈ​ദ്യു​ത നി​ല​യ​ത്തി​ൽ നി​ന്ന് ക​ഴി​ഞ്ഞ ര​ണ്ട് വ​ർ​ഷം മി​ക​ച്ച രീ​തി​യി​ൽ വൈ​ദ്യു​തി ഉ​ത്പാ​ദി​പ്പി​ക്കാ​ൻ ക​ഴി​ഞ്ഞി​രു​ന്നു. വേ​ന​ൽ മ​ഴ ശ​ക്ത​മാ​യി ല​ഭി​ച്ചി​ല്ലെ​ങ്കി​ൽ വൈ​ദ്യു​തി ഉ​ത്പാ​ദ​നം പു​ന​രാ​രം​ഭി​ക്കാ​ൻ മാ​സ​ങ്ങ​ൾ കാ​ത്തി​രി​ക്കേ​ണ്ടി​വ​രും.

വേ​ന​ൽ ചൂ​ടി​ൽ നി​ന്ന് ആ​ശ്വാ​സം തേ​ടി വി​നോ​ദ​സ​ഞ്ചാ​രി​ക​ൾ എ​ത്തു​ന്ന​ത് കാ​ഞ്ഞി​ര​പ്പു​ഴ​യി​ൽ മു​ങ്ങി കു​ളി​ക്കാ​നാ​ണ്. അ​തി​നാ​ൽ ത​ന്നെ പു​ഴ​യി​ൽ ജ​ല​വി​താ​നം ഉ​യ​രേ​ണ്ട​തു​ണ്ട്. വേ​ന​ൽ മ​ഴ മാ​ത്ര​മാ​ണ് ഇ​നി​യു​ള്ള ഏ​ക ആ​ശ്ര​യം.