മേ​ലാ​റ്റൂ​ർ: മേ​ലാ​റ്റൂ​ർ ഗ്രാ​മ​പ​ഞ്ചാ​യ​ത്ത് മി​നി സ്റ്റേ​ഡി​യം വ​ള​പ്പി​ലെ മാ​ലി​ന്യ സം​ഭ​ര​ണ കേ​ന്ദ്ര​ത്തി​ൽ (എം​സി​എ​ഫ്) വ​ൻ തീ​പി​ടി​ത്തം. ഇ​ന്ന​ലെ ഉ​ച്ച​യ്ക്ക് 2.15നാ​ണ് സം​ഭ​വം. തു​ട​ർ​ന്ന് പെ​രി​ന്ത​ൽ​മ​ണ്ണ, തി​രു​വാ​ലി, മ​ഞ്ചേ​രി എ​ന്നി​വി​ട​ങ്ങ​ളി​ലെ അ​ഗ്നി​ര​ക്ഷാ നി​ല​യ​ത്തി​ൽ നി​ന്നു​ള്ള നാ​ല് ഫ​യ​ർ എ​ൻ​ജി​നു​ക​ൾ ഉ​പ​യോ​ഗി​ച്ച് ഏ​റെ നേ​ര​ത്തെ ശ്ര​മ​ത്തി​നൊ​ടു​വി​ലാ​ണ് തീ​യ​ണ​ച്ച​ത്.

തീ​പി​ടി​ത്ത​ത്തി​ന്‍റെ കാ​ര​ണം വ്യ​ക്ത​മ​ല്ല. 15 ട​ണ്ണോ​ളം മാ​ലി​ന്യ​ങ്ങ​ൾ ക​ത്തി​ന​ശി​ച്ചി​ട്ടു​ണ്ട്. സം​ഭ​വം ന​ട​ക്കു​ന്പോ​ൾ ഹ​രി​ത​ക​ർ​മ സേ​നാം​ഗ​ങ്ങ​ൾ പു​റ​ത്തെ ജോ​ലി​യി​ലാ​യി​രു​ന്ന​താ​നാ​ൽ ദു​ര​ന്ത​മൊ​ഴി​വാ​യി. പ്ലാ​സ്റ്റി​ക് ഉ​ൾ​പ്പെ​ടെ​യു​ള്ള മു​ഴു​വ​ൻ വ​സ്തു​ക്ക​ളി​ലും സ​മീ​പ​ത്തെ തെ​ങ്ങി​ലും തീ​പി​ടി​ച്ച​ത് ആ​ശ​ങ്ക പ​ര​ത്തി. യൂ​സ​ർ​ഫീ​യാ​യി ല​ഭി​ച്ച 93000 രൂ​പ, ത​യ്യ​ൽ മെ​ഷീ​ൻ, ടാ​ങ്ക് ഫാ​ൻ, അ​ല​മാ​ര തു​ട​ങ്ങി​യ​വ​യും ക​ത്തി ന​ശി​ച്ചു.
അ​തേ​സ​മ​യം അ​ജൈ​വ മാ​ലി​ന്യ ശേ​ഖ​ര​ണ​കേ​ന്ദ്രം സാ​മൂ​ഹി​ക വി​രു​ദ്ധ​ർ തീ​യി​ട്ട​താ​യി സം​ശ​യി​ക്കു​ന്ന​താ​യും വി​ഷ​യ​ത്തി​ൽ സ​മ​ഗ്ര അ​ന്വേ​ഷ​ണം വേ​ണ​മെ​ന്നും സി​പി​എം മേ​ലാ​റ്റൂ​ർ ലോ​ക്ക​ൽ ക​മ്മി​റ്റി ആ​വ​ശ്യ​പ്പെ​ട്ടു.

ഹ​രി​ത​ക​ർ​മ സേ​നാം​ഗ​ങ്ങ​ൾ വീ​ടു​ക​ളി​ൽ നി​ന്ന് ശേ​ഖ​രി​ച്ച അ​ജൈ​വ പാ​ഴ്വ​സ്തു​ക്ക​ളും ത​രം​തി​രി​ച്ച് വി​ൽ​പ്പ​ന​ക്കാ​യി മാ​റ്റി​വ​ച്ച സാ​ധ​ന സാ​മ​ഗ്രി​ക​ളും യൂ​സ​ർ ഫീ​യാ​യി ല​ഭി​ച്ച സം​ഖ്യ​യും ഹ​രി​ത​ക​ർ​മ സേ​ന​യു​ടെ ബാ​ഗും മൊ​ബൈ​ലും ഉ​ൾ​പ്പെ​ടെ അ​വ​രു​ടെ എ​ട്ടു വ​ർ​ഷ​ത്തെ റി​ക്കാ​ർ​ഡു​ക​ളും ക​ത്തി ന​ശി​ച്ചി​രി​ക്കു​ക​യാ​ണ്. അ​ന്വേ​ഷ​ണം ന​ട​ത്തി കു​റ്റ​ക്കാ​ർ​ക്കെ​തി​രേ ന​ട​പ​ടി സ്വീ​ക​രി​ക്ക​ണ​മെ​ന്നും ക​ത്തി​ന​ശി​ച്ച മാ​ലി​ന്യ​ങ്ങ​ൾ ഒ​ഴി​വാ​ക്കു​ന്ന​തി​നു​ള്ള ന​ട​പ​ടി സ്വീ​ക​രി​ക്ക​ണ​മെ​ന്നും സി​പി​എം ലോ​ക്ക​ൽ ക​മ്മി​റ്റി ആ​വ​ശ്യ​പ്പെ​ട്ടു.

ഏ​രി​യ ക​മ്മി​റ്റി മെ​ന്പ​ർ വി.​കെ. റൗ​ഫ്, ലോ​ക്ക​ൽ സെ​ക്ര​ട്ട​റി കെ.​കെ. സി​ദീ​ഖ്, ലോ​ക്ക​ൽ ക​മ്മി​റ്റി മെ​ന്പ​ർ​മാ​രാ​യ വി.​ഇ.​ശ​ശി​ധ​ര​ൻ, കെ.​സു​ഗു​ണ പ്ര​കാ​ശ്, എം. ​സൈ​ത​ല​വി, ശ്രീ​ലേ​ഖ, കെ.​എ​ച്ച് ഹേ​മ​ന്ത് എ​ന്നി​വ​ർ സം​സാ​രി​ച്ചു.