പെ​രി​ന്ത​ൽ​മ​ണ്ണ: കു​ടും​ബ​ശ്രീ സി​ഡി​എ​സ് അം​ഗ​ങ്ങ​ളു​ടെ പ്ര​തി​മാ​സ യാ​ത്രാ ബ​ത്ത ചു​രു​ങ്ങി​യ​ത് ആ​യി​രം രൂ​പ​യെ​ങ്കി​ലു​മാ​ക്കി വ​ർ​ധി​പ്പി​ക്ക​ണ​മെ​ന്ന് ന​ജീ​ബ് കാ​ന്ത​പു​രം എം​എ​ൽ​എ നി​യ​മ​സ​ഭ​യി​ൽ സ​ബ്മി​ഷ​നി​ലൂ​ടെ ആ​വ​ശ്യ​പ്പെ​ട്ടു.

സി​ഡി​എ​സ് അം​ഗ​ങ്ങ​ൾ​ക്ക് യാ​ത്രാ ബ​ത്ത​യാ​യി ന​ൽ​കി​യി​രു​ന്ന​ത് നൂ​റു രൂ​പ​യാ​യി​രു​ന്നു. ഇ​ത് മു​ട​ങ്ങി​യി​ട്ട് 14 മാ​സ​മാ​യി. മാ​സ​ത്തി​ൽ മൂ​ന്നും നാ​ലും യോ​ഗ​ങ്ങ​ളി​ൽ പ​ങ്കെ​ടു​ക്കു​ന്ന​വ​രാ​ണ് സി​ഡി​എ​സ് അം​ഗ​ങ്ങ​ൾ. യോ​ഗ​ങ്ങ​ൾ​ക്ക് പോ​കു​ന്ന​തി​നു​ള്ള ബ​സ് ചാ​ർ​ജ് പോ​ലും സ​ർ​ക്കാ​ർ ന​ൽ​കു​ന്നി​ല്ല. ഇ​തെ​ല്ലാം സ്വ​ന്തം പോ​ക്ക​റ്റി​ൽ നി​ന്നെ​ടു​ത്താ​ണ് അ​വ​ർ യോ​ഗ​ങ്ങ​ൾ​ക്ക് പോ​കു​ന്ന​ത്.

ധ​ന​കാ​ര്യ മ​ന്ത്രി മു​ന്പ് ബ​ജ​റ്റ് പ്ര​സം​ഗ​ത്തി​ൽ സി​ഡി​എ​സ് അം​ഗ​ങ്ങ​ളു​ടെ യാ​ത്രാ ബ​ത്ത 500 രൂ​പ​യാ​ക്കി വ​ർ​ധി​പ്പി​ക്കു​മെ​ന്ന് പ​റ​ഞ്ഞി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ സി​ഡി​എ​സ് അം​ഗ​ങ്ങ​ളു​ടെ യാ​ത്രാ​ബ​ത്ത 500 രൂ​പ​യാ​ക്കി വ​ർ​ധി​പ്പി​ച്ച​താ​യും ഇ​ത് 2022 ജ​നു​വ​രി മാ​സം മു​ത​ൽ മു​ൻ​കാ​ല പ്രാ​ബ​ല്യ​ത്തോ​ടെ ന​ൽ​കു​മെ​ന്നും ത​ദ്ദേ​ശ​വ​കു​പ്പ് മ​ന്ത്രി​യും പ്ര​ഖ്യാ​പി​ച്ചി​രു​ന്നു. ഇ​ക്കാ​ര്യ​ത്തി​ൽ ത​ദ്ദേ​ശ വ​കു​പ്പ് ക​ഴി​ഞ്ഞ​വ​ർ​ഷം സ​ർ​ക്കു​ല​ർ പു​റ​ത്തി​റ​ക്കി​യി​രു​ന്നു. സം​സ്ഥാ​ന​ത്ത് 18367 കു​ടും​ബ​ശ്രീ സി​ഡി​എ​സ് അം​ഗ​ങ്ങ​ളാ​ണു​ള്ള​ത്. കു​ടും​ബ​ശ്രീ സി​ഡി​എ​സ് അം​ഗ​ങ്ങ​ളു​ടെ ന്യാ​യ​മാ​യ ആ​വ​ശ്യ​ങ്ങ​ളോ​ട് സ​ർ​ക്കാ​ർ മു​ഖം തി​രി​ക്ക​രു​തെ​ന്നും എം​എ​ൽ​എ പ​റ​ഞ്ഞു.