തി​രു​വ​ല്ലം: തി​രു​വ​ല്ലം സ​ര്‍​വീ​സ് റോ​ഡി​ല്‍നി​ന്നും ബൈ​ക്കു​മാ​യി തി​രു​വ​ല്ലം ആ​റ്റി​ലേ​ക്ക് (ക​ര​മ​ന​യാ​ര്‍) വീ​ണ യു​വാ​വി​നെ നാ​ട്ടു​കാ​ര്‍ ര​ക്ഷ​പ്പെ​ടു​ത്തി. തു​മ്പ സ്റ്റേ​ഷ​ന്‍ ക​ട​വ് സ്വ​ദേ​ശി സ​ന്തോ​ഷ്‌​കു​മാ​റി​ന്‍റെ മ​ക​ന്‍ ആ​കാ​ശ് (21) ആ​ണ് ബൈ​ക്കു​മാ​യി ആ​റ്റി​ലേ​ക്കു വീ​ണ​ത്.

ഇന്നലെ രാ​ത്രി 7.40 ഓടെ ആയിരുന്നു അ​പ​ക​ടം. ആ​കാ​ശ് ആ​റ്റി​ലേ​ക്കുവീ​ണ ഉ​ട​ന്‍ ത​ന്നെ സ​മീ​പ​ത്തു​ണ്ടാ​യി​രു​ന്ന നാ​ട്ടു​കാ​ര്‍ ആ​റ്റി​ലേ​ക്കു ചാ​ടി ഇ​യാ​ളെ ഏ​റെ പ​ണി​പ്പെ​ട്ടു ര​ക്ഷ​പ്പെ​ടു​ത്തു​ക​യാ​യി​രു​ന്നു. ആ​കാ​ശി​നു മ​റ്റു കു​ഴ​പ്പ​ങ്ങ​ള്‍ ഒ​ന്നും ത​ന്നെ സം​ഭ​വി​ച്ചി​ല്ല.

യു​വാ​വി​നൊ​പ്പം ആ​റ്റി​ല്‍വീ​ണ ബൈ​ക്ക് വി​ഴി​ഞ്ഞ​ത്തു​നി​ന്നും ഫ​യ​ര്‍ഫോ​ഴ്‌​സ് അ​ധി​കൃ​ത​രെ​ത്തി ക​ര​യ്‌​ക്കെ​ടു​ക്കു​ക​യാ​യി​രു​ന്നു.

കോ​വ​ളം ഭാ​ഗ​ത്തു​നി​ന്നും തി​രു​വ​ല്ലം-ചാ​ക്ക ബൈ​പാ​സ് റോ​ഡുവ​ഴി പോ​കേ​ണ്ട യു​വാ​വ് റോ​ഡു മാ​റി തി​രു​വ​ല്ലം ജം​ഗ്ഷ​നി​ല്‍ നി​ന്നും ആ​റി​നു സ​മീ​പ​ത്തു​ള്ള സ​ര്‍​വീ​സ് റോ​ഡി​ലേ​യ്ക്ക് പ്ര​വേ​ശി​ക്കു​ക​യാ​യി​രു​ന്നു.

തി​രു​വ​ല്ലം പാ​ല​ത്തി​ന് അ​ടി ഭാ​ഗ​ത്താ​യി സ​ര്‍​വീ​സ് റോ​ഡ് അ​വ​സാ​നി​ക്കു​ന്ന കാ​ര്യം യു​വാ​വി​ന് അ​റി​യി​ല്ലാ​യി​രു​ന്നു. റോ​ഡ് അ​വ​സാ​നി​ക്കു​ന്ന ഭാ​ഗ​ത്തു​വ​ച്ചു ക​രി​ങ്ക​ല്‍ ഭി​ത്തി​യി​ല്‍ ഇ​ടി​ച്ചശേ​ഷം ബൈ​ക്കി​നൊ​പ്പം യു​വാ​വ് ആ​റ്റി​ലേ​ക്കു വീ​ഴു​ക​യാ​ണു​ണ്ടാ​യ​ത്. എ​ന്നാ​ല്‍ യു​വാ​വ് മ​ദ്യ​പി​ച്ചി​രു​ന്ന​താ​യി നാ​ട്ടു​കാ​ര്‍ പ​റ​യു​ന്നു. ഇ​തേ തു​ട​ര്‍​ന്നു തി​രു​വ​ല്ലം പോ​ലീ​സെ​ത്തി യു​വാ​വി​നെ ക​സ്റ്റ​ഡി​യി​ലെ​ടു​ത്ത് സ്റ്റേ​ഷ​നി​ല്‍ കൊ​ണ്ടു​പോ​യശേ​ഷം മെ​ഡി​ക്ക​ല്‍ പരി ശോധനകൾ എ​ടു​ക്കു​ന്ന​തി​ലേ​യ്ക്കാ​യി രാ​ത്രി വൈ​കി പൂ​ന്തു​റ​യി​ലെ സ​ര്‍​ക്കാ​ര്‍ ആ​ശു​പ​ത്രി​യി​ലേ​യ്ക്ക് കൊ​ണ്ട് പോ​യി.

വി​ഴി​ഞ്ഞം ഫ​യ​ര്‍ സ്റ്റേ​ഷ​നി​ല്‍ നി​ന്നും എ​എ​സ്ടി​ഒ അ​ലി അ​ക്ബ​റി​ന്‍റെ നേ​തൃ​ത്വ​ത്തി​ല്‍ എ​ഫ്​ആ​ര്‍ഒമാ​രാ​യ ജി​നേ​ഷ്, സ​ന്തോ​ഷ്‌​കു​മാ​ര്‍, സ​ന​ല്‍, പ്ര​ദീ​പ്, ഹോം​ഗാ​ര്‍​ഡു​മാ​രാ​യ സെ​ല്‍​വ​കു​മാ​ര്‍, സ​ജി എ​ന്നി​വ​രു​ല്‍​പ്പെ​ട്ട സം​ഘ​മാ​ണ് നാ​ട്ടു​കാ​ര്‍​ക്കൊ​പ്പം ര​ക്ഷാ​പ്ര​വ​ര്‍​ത്ത​നം ന​ട​ത്തി​യ​തും ആ​റ്റി​ല്‍ നി​ന്നും ബൈ​ക്ക് ക​ര​ക്കെ​ടു​ത്ത​തും.