പന്ന്യാൽ: സെന്റ് ജൂഡ് ക്നാനായ കത്തോലിക്ക ദേവാലയത്തിൽ വിശുദ്ധ യൂദാശ്ലീഹായുടെ തിരുനാളിന് തുടക്കമായി. വികാരി ഫാ. ജോമി ജോസഫ് പതീപ്പറന്പിൽ കൊടിയേറ്റി. ഒന്പതു ദിവസം നീണ്ടുനിൽക്കുന്ന തിരുനാളിൽ നൊവേനയും കൊന്തപ്പത്തും മറ്റു തിരുക്കർമങ്ങളും ഉണ്ടായിരിക്കും.
നവംബർ ഒന്ന്, രണ്ട് തീയതികളിലാണ് പ്രധാന തിരുനാൾ. ഒന്നിന് വൈകുന്നേരം 4.30 ന് നടക്കുന്ന തിരുനാൾ കുർബാനയ്ക്ക് ഫാ. തോമസ് വട്ടക്കാട്ടിൽ കാർമികത്വം വഹിക്കും. ഏഴിന് കൂട്ടുമുഖം കുരിശുപള്ളിയിൽ ഫാ. ബിബിൻ അഞ്ചന്പിൽ ലദീഞ്ഞിന് കാർമികത്വം വഹിക്കും. തുടർന്ന് പള്ളിയിലേക്ക് മെഴുകുതിരി പ്രദക്ഷിണം .
രാത്രി 8.45 ന് പള്ളിയിൽ ഫാ. സജി മെത്താനത്ത് തിരുനാൾ സന്ദേശം നൽകും. 9.15 ന് ഫാ. ടോമി പട്ടുമാക്കിൽ പരിശുദ്ധ കുർബാനയുടെ ആശീർവാദം നൽകും. തുടർന്ന് വാദ്യമേളങ്ങളും ഡിസ്പ്ലെയും നടക്കും. രണ്ടിന് രാവിലെ 10 ന് നടക്കുന്ന റാസ കുർബാനയ്ക്ക് ഫാ. സിലിജോ ആവണിക്കുന്നേൽ കാർമികത്വം വഹിക്കും.
ഫാ. മാത്യു വട്ടുകുളങ്ങര, ഫാ. സജി മേക്കാട്ടേൽ, ഫാ. ഷെബിൻ ആനിമൂട്ടിൽ എന്നിവർ സഹകാർമികരാകും. ഫാ. ജിബിൽ കുഴിവേലിൽ തിരുനാൾ സന്ദേശം നൽകും. ഉച്ചക്ക് 12 ന് തിരുനാൾ പ്രദക്ഷിണം. ഫാ. ജിതിൻ ചേത്തലിൽ നേതൃത്വം നൽകും. 12.50 ന് ഫാ. ബേബി കട്ടിയാങ്കൽ പരിശുദ്ധ ആശീർവാദം നൽകും. തുടർന്ന് ഊട്ടുനേർച്ചയോടെ തിരുനാൾ സമാപിക്കും.
Tags : nattuvishesham local news