പെ​രി​ന്ത​ൽ​മ​ണ്ണ: താ​ഴെ​ക്കോ​ട് പി​ടി​എം ഹ​യ​ർ സെ​ക്ക​ൻ​ഡ​റി സ്കൂ​ളി​ലെ വി​ദ്യാ​ർ​ഥി​ക​ൾ ത​മ്മി​ലു​ണ്ടാ​യ സം​ഘ​ർ​ഷ​ത്തി​ൽ മൂ​ന്നു പേ​ർ​ക്കു കു​ത്തേ​റ്റു. പ​ത്താം ക്ലാ​സ് വി​ദ്യാ​ർ​ഥി​ക​ൾ​ക്കി​ട​യി​ലാ​ണു സം​ഘ​ർ​ഷ​മു​ണ്ടാ​യ​ത്.

പ​രി​ക്കേ​റ്റ ര​ണ്ടു പേ​രെ മ​ഞ്ചേ​രി മെ​ഡി​ക്ക​ൽ കോ​ള​ജാ​ശു​പ​ത്രി​യി​ലും ഒ​രാ​ളെ പെ​രി​ന്ത​ൽ​മ​ണ്ണ​യി​ലെ സ്വ​കാ​ര്യ ആ​ശു​പ​ത്രി​യി​ലും പ്ര​വേ​ശി​പ്പി​ച്ചു. ര​ണ്ടു പേ​ർ അ​ത്യാ​ഹി​ത വി​ഭാ​ഗ​ത്തി​ലാ​ണ്. മൂ​ന്നു പേ​രും അ​പ​ക​ട​നി​ല ത​ര​ണം ചെ​യ്തി​ട്ടു​ണ്ട്. ര​ണ്ടു വി​ദ്യാ​ർ​ഥി​ക​ളു​ടെ ത​ല​യ്ക്കും ഒ​രാ​ളു​ടെ ത​ല​യ്ക്കും കൈ​യ്ക്കു​മാ​ണു മൂ​ർ​ച്ച​യു​ള്ള ആ​യു​ധം​കൊ​ണ്ട് കു​ത്തി​പ്പ​രി​ക്കേ​ൽ​പ്പി​ച്ച​ത്.

ഇ​ന്ന​ലെ പ​ത്താം ക്ലാ​സ് പ​രീ​ക്ഷ ക​ഴി​ഞ്ഞ് രാ​വി​ലെ പ​തി​നൊ​ന്ന​ര​യോ​ടെ​യാ​ണ് സം​ഘ​ർ​ഷം ഉ​ട​ലെ​ടു​ത്ത​ത്. മ​ല​യാ​ളം മീ​ഡി​യ​ത്തി​ലെ മൂ​ന്നു വി​ദ്യാ​ർ​ഥി​ക​ൾ ഇം​ഗ്ലീ​ഷ് മീ​ഡി​യം വി​ദ്യാ​ർ​ഥി​ക​ളു​ടെ അ​ടു​ത്തെ​ത്തി ത​ർ​ക്ക​ത്തി​ലേ​ർ​പ്പെ​ടു​ക​യാ​യി​രു​ന്നു. പെ​ട്ടെ​ന്ന് മ​ല​യാ​ളം മീ​ഡി​യ​ത്തി​ലെ ഒ​രു വി​ദ്യാ​ർ​ഥി മൂ​ന്നു പേ​രെ കു​ത്തി​പ്പ​രി​ക്കേ​ൽ​പ്പി​ച്ചു.


ആ​ക്ര​മി​ച്ച വി​ദ്യാ​ർ​ഥി നി​ല​വി​ൽ സ​സ്പെ​ൻ​ഷ​നി​ലാ​യി​രു​ന്നു. പ​രീ​ക്ഷ​യെ​ഴു​താ​ൻ മാ​ത്ര​മാ​യി​രു​ന്നു ഈ ​വി​ദ്യാ​ർ​ഥി​ക്ക് അ​നു​മ​തി. നേ​ര​ത്തേ ഒ​ന്പ​തി​ൽ പ​ഠി​ക്കു​ന്പോ​ൾ സ്കൂ​ളി​ൽ പ്ര​ശ്ന​മു​ണ്ടാ​ക്കി​യ​ത് അ​ധ്യാ​പ​ക​ർ വീ​ട്ടി​ൽ അ​റി​യി​ച്ച​തി​നെ​ത്തു​ട​ർ​ന്ന് ര​ക്ഷി​താ​ക്ക​ളെ​ത്തി സ്വ​മേ​ധ​യാ ടി​സി വാ​ങ്ങി പോ​യ​താ​ണ്.

എ​ന്നാ​ൽ മ​റ്റ് സ്കൂ​ളു​ക​ളി​ൽ പ്ര​വേ​ശ​നം ല​ഭി​ക്കാ​തെ വ​ന്ന​തോ​ടെ തി​രി​കെ ഇ​തേ സ്കൂ​ളി​ലെ​ത്തി. ഇ​നി ഇ​ത്ത​ര​മൊ​രു സാ​ഹ​ച​ര്യം ഉ​ണ്ടാ​ക്കി​ല്ലെ​ന്ന മ​തി​യാ​യ ഉ​റ​പ്പു ന​ൽ​കി​യ​തോ​ടെ തി​രി​ച്ചെ​ടു​ക്കു​ക​യാ​യി​രു​ന്നു. അ​ധ്യാ​പ​ക​രു​ടെ നേ​തൃ​ത്വ​ത്തി​ൽ കൗ​ണ്‍​സ​ലിം​ഗും ല​ഭ്യ​മാ​ക്കി​യി​രു​ന്നു.

അ​തേ​സ​മ​യം സ്കൂ​ളി​ൽ മു​ന്പും ഇം​ഗ്ലീ​ഷ്-​മ​ല​യാ​ളം മീ​ഡി​യം വി​ദ്യാ​ർ​ഥി​ക​ൾ ത​മ്മി​ൽ സം​ഘ​ർ​ഷ​മു​ണ്ടാ​യി​ട്ടു​ണ്ട്. കു​ത്തി​യ വി​ദ്യാ​ർ​ഥി​യെ​യും ഒ​പ്പ​മു​ണ്ടാ​യി​രു​ന്ന മ​റ്റു ര​ണ്ടു പേ​രെ​യും പെ​രി​ന്ത​ൽ​മ​ണ്ണ പോ​ലീ​സ് ജു​വ​നൈ​ൽ ജ​സ്റ്റീ​സ് ബോ​ർ​ഡി​നു മു​ന്പാ​കെ ഹാ​ജ​രാ​ക്കി.