ഡിസിഎൽ മുരിക്കാശേരി മേഖല ഉദ്ഘാടനം ചെയ്തു
മുരിക്കാശേരി: ദീപിക ബാലസഖ്യത്തിന്റെ മുരിക്കാശ്ശേരി മേഖല രൂപീകരണവും പ്രവർത്തനോദ്ഘാടനവും മുരിക്കാശ്ശേരി സെന്റ് മേരീസ് ഹയർ സെക്കൻഡറി സ്കൂളിൽ നടന്നു സ്കൂൾ അസിസ്റ്റൻറ് മാനേജർ റവ. ഫാദർ സേവ്യർ മേക്കാട്ട് അധ്യക്ഷത വഹിച്ച യോഗത്തിൽ കൊച്ചേട്ടൻ ഫാ. റോയി കണ്ണൻ ചിറ മേഖലാ പ്രവർത്തനങ്ങൾ ഉദ്ഘാടനം ചെയ്തു.
ദീപിക ബാലസഖ്യം, അതിന്റെ വ്യത്യസ്തതയാർന്ന പ്രവർത്തനങ്ങളിലൂടെ, വിദ്യാർത്ഥികളുടെ വ്യക്തിത്വ രൂപീകരണത്തിലും മൂല്യബോധനത്തിലും വഹിക്കുന്ന നിസ്തുലമായ പങ്ക് കൊച്ചേട്ടൻ ഊന്നിപ്പറഞ്ഞു. ഡി.സി.എൽ പ്രവിശ്യ കോ-ഓർഡിനേറ്റർ ജോർജുകുട്ടി എം. വി മുഖ്യപ്രഭാഷണം നടത്തി.
മേഖല ഓർഗനൈസർ സിസ്റ്റർ തെരേസ് ജോർജ് ആശംസകളർപ്പിച്ചു. സ്കൂൾ ഹെഡ്മിസ്ട്രസ് ജിജിമോൾ മാത്യു സ്വാഗതമർപ്പിച്ച യോഗത്തിൽ സ്റ്റാഫ് സെക്രട്ടറി സിബി ജോസഫ് കൃതജ്ഞതയർപ്പിച്ചു. ശാഖ ഡയറക്ടർമാരായ ബോബി തോമസ്, ജിനു മരിയ എന്നിവർ പരിപാടികൾക്ക് നേതൃത്വം നൽകി.
ശാഖ പ്രവർത്തനോദ്ഘാടനം ചങ്ങനാശ്ശേരി: സെന്റ് ആൻസ് ഗേൾസ് ഹൈസ്കൂളിൽ ഡിസിഎൽ പ്രവർത്തനോദ്ഘാടനം നടന്നു. സ്കൂൾ ഹെഡ്മിസ്ട്രസ് സിസ്റ്റർ അൻസാ എഫ്സിസി അധ്യക്ഷത വഹിച്ച . ഡിസിഎൽ കേന്ദ്രസമിതി അംഗം ആൻസി മേരി ജോൺ ഉദ്ഘാടനം നിർവഹിച്ചു. ചങ്ങനാശ്ശേരി മേഖലാ ഓർഗനൈസർ ജോഷി കൊല്ലാപുരം മുഖ്യ സന്ദേശം നൽകി.