മറ്റുള്ളവർ ബംഗളൂരു, ഹൈദരാബാദ് എന്നിവിടങ്ങളിൽ നിന്നുള്ളവരാണ്. ഇറാനിൽ വിദേശികളിൽനിന്ന് അവയവം നൽകുന്നതിനും സ്വീകരിക്കുന്നതിനും ഏറെ ഉദാരമായ നിയമ വ്യവസ്ഥയാണുള്ളത്. അതുകൊണ്ടുതന്നെ സാബിറിനെ കൂടാതെ നിരവധി ഏജന്റുമാർ അവയവക്കടത്ത് സംഘത്തിലുണ്ടാകാനിടയുണ്ട്.
ഇറാനിൽ പല ആശുപത്രികളും കേന്ദ്രീകരിച്ചുള്ള സംഘം തന്നെയുണ്ടാകുമെന്നാണു പോലീസ് കരുതുന്നത്. രാജ്യാന്തര ബന്ധമുള്ള കേസിൽ എൻഐഎ ഉദ്യോഗസ്ഥർ സാബിറിനെ ചോദ്യം ചെയ്തെങ്കിലും കേസ് ഏറ്റെടുക്കുന്നതിനുള്ള നടപടികൾ സ്വീകരിച്ചിട്ടില്ല. പ്രതിയെ കസ്റ്റഡിയിൽ ലഭിച്ച് ചോദ്യംചെയ്യുന്നതിനൊപ്പം ഹൈദരാബാദിലേക്കും ബംഗളൂരുവിലേക്കും അന്വേഷണം വ്യാപിപ്പിക്കും.