ച​ങ്ങ​നാ​ശേ​രി: അ​പ്ര​തീ​ക്ഷി​ത നി​മി​ഷ​ത്തി​ല്‍ ഫ്രാ​ന്‍സി​സ് മാർപാ​പ്പ വീ​ഡി​യോ​ കോ​ളി​ല്‍ വി​ളി​ച്ചു സം​സാ​രി​ക്കു​ക​യും പ്രാ​ര്‍ഥി​ക്കു​ക​യും ചെ​യ്ത​തി​ന്‍റെ ആ​ഹ്ലാ​ദ​ത്തി​ലാ​ണ് ച​ങ്ങ​നാ​ശേ​രി വ​ട​ക്കേ​ക്ക​ര ക​ല്ലു​ക​ളം ശോ​ശാ​മ്മ ആ​ന്‍റ​ണി.

മം​ഗോ​ളി​യ യാ​ത്ര​യ്ക്കി​ട​യി​ലാ​ണ് മാ​ര്‍പാ​പ്പ വ​ട​ക്കേ​ക്ക​ര​യി​ലു​ള്ള ക​ല്ലു​ക​ളം വീ​ട്ടി​ലേ​ക്കു വി​ളി​ച്ച് തൊ​ണ്ണൂ​റ്റി​മൂ​ന്നു​കാ​രി​യാ​യ ശോ​ശാ​മ്മ​ച്ചി​യോ​ട് സ്‌​നേ​ഹാ​ന്വേ​ഷ​ണം അ​റി​യി​ക്കു​ക​യും ആ​ശീര്‍വാ​ദം ന​ല്‍കു​ക​യും ചെ​യ്ത​ത്. ത​ന്‍റെ ഭാ​രി​ച്ച ഉ​ത്ത​ര​വാ​ദി​ത്വം നി​റ​വേ​റ്റാ​ന്‍ ത​നി​ക്കു​വേ​ണ്ടി പ്രാ​ര്‍ഥി​ക്ക​ണ​മെ​ന്ന് ഫ്രാ​ന്‍സി​സ് പാ​പ്പാ വി​ന​യ​പൂ​ര്‍വം സം​സാ​രി​ച്ച​ത് ഏ​റ്റ​വും വ​ലി​യ സ​ന്തോ​ഷ​വും ദൈ​വാ​നുഗ്ര​ഹ​ത്തി​ന്‍റെ നി​മി​ഷ​വു​മാ​യി ശോ​ശാ​മ്മ ഓ​ര്‍ക്കു​ന്നു. മാ​ര്‍പാ​പ്പ​യ്ക്കു​വേ​ണ്ടി പ്രാ​ര്‍ഥി​ക്കു​ന്നു​ണ്ടെ​ന്നും പാ​പ്പാ​യ്ക്കു ടാ​റ്റാ ന​ല്‍കി​യെ​ന്നും ശോ​ശാ​മ്മ കൂ​ട്ടി​ച്ചേ​ര്‍ത്തു.

‌ശോ​ശാ​മ്മ​യു​ടെ മ​ക​ള്‍ ലീ​ലാ​മ്മ​യു​ടെ മ​ക​ന്‍ മോ​ണ്‍. ജോ​ര്‍ജ് കൂ​വ​ക്കാ​ട്ട് ക​ഴി​ഞ്ഞ മൂ​ന്നു​വ​ര്‍ഷ​മാ​യി വ​ത്തി​ക്കാ​ന്‍ കേ​ന്ദ്ര​ കാ​ര്യാ​ല​യ​ത്തി​ലാ​ണ് പ്ര​വ​ര്‍ത്തി​ക്കു​ന്ന​ത്. ഫ്രാ​ന്‍സി​സ് പാ​പ്പാ​യു​ടെ ഇ​റ്റ​ലി​ക്കു പു​റ​ത്തു​ള്ള വി​ദേ​ശ യാ​ത്ര​ക​ളു​ടെ കോ​-ഓ​ര്‍ഡി​നേ​റ്റിം​ഗ് ചു​മ​ത​ല മോ​ണ്‍. ജോ​ര്‍ജ് കൂ​വ​ക്കാ​ട്ടി​നാ​ണ്. കൂ​വ​ക്കാ​ട്ട​ച്ച​ന്‍ ത​ന്‍റെ വ​ല്യ​മ്മ​ച്ചി​യു​ടെ സ്‌​നേ​ഹവാ​ത്സ​ല്യ​ങ്ങ​ളെ​ക്കു​റി​ച്ചു​ള്ള കാ​ര്യ​ങ്ങ​ള്‍ ഫ്രാ​ന്‍സി​സ് പാ​പ്പാ​യോ​ട് പ​ല​ത​വ​ണ പ​റ​ഞ്ഞി​ട്ടു​ണ്ട്. ഫ്രാ​ന്‍സി​സ് പാ​പ്പാ​യോ​ടൊ​പ്പം മോ​ണ്‍. കൂ​വ​ക്കാ​ട്ട് കാ​ന​ഡ യാ​ത്ര ന​ട​ത്തു​ന്ന സ​മ​യ​ത്ത് ശോ​ശാ​മ്മ​യ്ക്ക് കോ​വി​ഡ് ബാ​ധി​ച്ച് ചെ​ത്തി​പ്പു​ഴ ആ​ശു​പ​ത്രി ഐ​സി​യു​വി​ല്‍ പ്ര​വേ​ശി​പ്പി​ച്ചു. വി​വ​രം കൂ​വ​ക്കാ​ട്ട​ച്ച​ന്‍ സ​ങ്ക​ട​ത്തോ​ടെ ഫ്രാ​ന്‍സി​സ് മാർ പാ​പ്പയെ അ​റി​യി​ച്ചു.


2022 ജൂ​ലൈ​യി​ലാ​യി​രു​ന്നു സം​ഭ​വം. ജൂ​ലൈ 26ന് ​വി​ശു​ദ്ധ അ​ന്ന പു​ണ്യ​വ​തി​യു​ടെ തി​രു​നാ​ള്‍ ദി​ന​ത്തി​ല്‍ വി​ശു​ദ്ധ​ കു​ര്‍ബാ​നയ്​ക്കു​ശേ​ഷം പാ​പ്പാ അ​ച്ച​നോ​ടു പ​റ​ഞ്ഞു. “ഞാ​ന്‍ വി​ശു​ദ്ധ​കു​ര്‍ബാ​ന മ​ധ്യേ താ​ങ്ക​ളു​ടെ വ​ല്യ​മ്മ​ച്ചി​ക്കു​വേ​ണ്ടി പ്രാ​ര്‍ഥി​ച്ചി​ട്ടു​ണ്ട്. സു​ഖ​പ്പെ​ട്ടു​കൊ​ള്ളും”. ഇ​തി​നു​ശേ​ഷം പാ​പ്പാ കൂ​വ​ക്കാ​ട്ട് അ​ച്ച​നോ​ട് ശോ​ശാ​മ്മ​യു​ടെ വി​വി​രം തി​ര​ക്കാ​റു​ണ്ടാ​യി​രു​ന്നു. ഇ​ങ്ങ​നെ​യി​രി​ക്കെ​യാ​ണ് മം​ഗോ​ളി​യാ യാ​ത്ര​യ്ക്കി​ട​യി​ല്‍ പാ​പ്പാ​യു​ടെ ആ​വ​ശ്യ​പ്ര​കാ​രം കൂ​വ​ക്കാ​ട്ട​ച്ച​ന്‍ ശോ​ശാ​മ്മ​യെ വീ​ഡി​യോ​ കോ​ളി​ല്‍ വി​ളി​ച്ചു ന​ല്‍കി​യ​ത്.

ഫ്രാ​ന്‍സി​സ് പാ​പ്പാ വി​ളി​ക്കു​മ്പോ​ള്‍ ശോ​ശാ​മ്മ​യു​ടെ മ​ക​നും ചെ​ത്തി​പ്പു​ഴ ആ​ശ്ര​മം പ്രി​യോ​റും തി​രു​ഹൃ​ദ​യ പ​ള്ളി വി​കാ​രി​യു​മാ​യ ഫാ. ​തോ​മ​സ് ക​ല്ലു​ക​ളം സി​എം​ഐ​യും മ​റ്റ് കു​ടും​ബാം​ഗ​ങ്ങ​ളും ​ശോശാ​മ്മ​യ്ക്കൊ​പ്പ​മു​ണ്ടാ​യി​രു​ന്നു. ഫ്രാ​ന്‍സി​സ് പാ​പ്പാ ഫോ​ണി​ല്‍ വി​ളി​ച്ച​ത് അ​വി​സ്മ​ര​ണീ​യ നി​മി​ഷ​മാ​ണെ​ന്ന് ഫാ. ​തോ​മ​സ് ക​ല്ലു​ക​ള​വും സ​ഹോ​ദ​ര​ങ്ങ​ളും പ​റ​ഞ്ഞു. ച​ങ്ങ​നാ​ശേ​രി അ​തി​രൂ​പ​താം​ഗ​വും മാ​മ്മൂ​ട് സ്വ​ദേ​ശി​യു​മാ​യ മോ​ണ്‍. ജോ​ര്‍ജ് കൂ​വ​ക്കാ​ട്ട് 14 വ​ര്‍ഷ​മാ​യി വ​ത്തി​ക്കാ​ന്‍ ന​യ​ത​ന്ത്ര കാ​ര്യാ​ല​യ​ത്തി​ലെ സേ​വ​ന​ത്തി​നു​ശേ​ഷ​മാ​ണ് വ​ത്തി​ക്കാ​ന്‍ കേ​ന്ദ്ര​ കാ​ര്യാ​ല​യ​ത്തി​ല്‍ എ​ത്തി​യ​ത്. ഇ​ള​യ​ മ​ക​ന്‍ സി​ബി​ച്ച​നും കു​ടും​ബ​ത്തി​നു​മൊ​പ്പ​മാ​ണ് ശോ​ശാ​മ്മ താ​മ​സി​ക്കു​ന്ന​ത്.