ഐ​തി​ഹ്യ​വും പ്രേ​ത​ക​ഥ​ക​ളും ശാ​സ്ത്ര​വു​മെ​ല്ലാം കൂ​ടി​ക്കു​ഴ​ഞ്ഞു കി​ട​ക്കു​ന്ന ഒ​രു പ്ര​കൃ​തി പ്ര​തി​ഭാ​സ​മാ​ണ് "അ​ലേ​യ ഗോ​സ്റ്റ് ലൈ​റ്റ്സ്’ അ​ഥ​വാ ബം​ഗാ​ള്‍ ലൈ​റ്റ്സ്. ച​തു​പ്പു​നി​റ​ഞ്ഞ ത​ണ്ണീ​ര്‍​ത്ത​ട​ങ്ങ​ള്‍​ങ്ങ​ളു​ടെ മു​ക​ള്‍​പ്പ​ര​പ്പി​ല്‍ കാ​ണു​ന്ന​തി​നാ​ല്‍ മാ​ര്‍​ഷ് ഗോ​സ്റ്റ് ലൈ​റ്റ് എ​ന്ന പേ​രും ഇ​തി​നു​ണ്ട്. പേ​രു സൂ​ചി​പ്പി​ക്കു​ന്ന​തു പോ​ലെ ബം​ഗാ​ളി​ലെ സു​ന്ദ​ര്‍​ബ​ന്‍ ഡെ​ല്‍​റ്റ പ്ര​ദേ​ശ​ങ്ങ​ളി​ലാ​ണ് ബം​ഗാ​ള്‍ ലൈ​റ്റ്സ് ദൃ​ശ്യ​മാ​കു​ന്ന​ത

ബം​ഗാ​ളി​ലെ ഗ്രാ​മീ​ണ ജീ​വി​ത​വും സം​സ്കാ​ര​വു​മാ​യി അ​ലേ​യ ലൈ​റ്റ്സി​ന് നൂ​റ്റാ​ണ്ടു​ക​ളു​ടെ ബ​ന്ധ​മാ​ണു​ള്ള​ത്. മേ​ല്‍​പ്പ​റ​ഞ്ഞ പ്ര​ദേ​ശ​ങ്ങ​ളി​ല്‍ രാ​ത്രി​കാ​ല​ങ്ങ​ളി​ല്‍ ദൃ​ശ്യ​മാ​കു​ന്ന ഈ ​അ​ജ്ഞാ​ത വെ​ളി​ച്ച​ത്തി​ന്‍റെ രൂ​പ​ത്തി​ലും സ്വ​ഭാ​വ​ത്തി​ലു​മു​ള്ള അ​സ്ഥി​ര​ത ഇ​തി​ന് കൂ​ടു​ത​ല്‍ ദു​രൂ​ഹ​ത സ​മ്മാ​നി​ക്കു​ന്നു.

ചി​ല​പ്പോ​ള്‍ നി​ശ്ച​ല​മാ​യി നി​ല്‍​ക്കു​ന്ന വെ​ളി​ച്ചം ചി​ല​പ്പോ​ള്‍ വെ​ള്ള​ത്തി​നു​മു​ക​ളി​ല്‍ തു​ള്ളി​ക്ക​ളി​ക്കു​ന്ന​താ​യും മ​റ്റു​ചി​ല​പ്പോ​ള്‍ മി​ന്നി​മ​റ​യു​ന്ന പ്ര​കാ​ശ ഗോ​ള​ങ്ങ​ളാ​യും കാ​ണ​പ്പെ​ടു​ന്നു.

ഗ​തി​കി​ട്ടാ​തെ അ​ല​യു​ന്ന ആ​ത്മാ​ക്ക​ളും മീ​ന്‍​പി​ടി​ത്ത​ക്കാ​രു​ടെ പ്രേ​ത​ങ്ങ​ളു​മാ​ണ് പ്ര​കാ​ശ​രൂ​പ​ത്തി​ലെ​ത്തു​ന്ന​തെ​ന്നാ​ണ് ത​ദ്ദേ​ശീ​യ​രാ​യ ബം​ഗാ​ളി​ക​ളു​ടെ വി​ശ്വാ​സം. നി​ര​വ​ധി മ​ത്സ്യ​ത്തൊ​ഴി​ലാ​ളി​ക​ള്‍ ച​തു​പ്പി​ല്‍ മു​ങ്ങി​മ​രി​ച്ച​തും അ​വ​രെ കൃ​ത്യ​മാ​യി സം​സ്ക​രി​ച്ചി​ട്ടി​ല്ലാ​ത്ത​തും അ​ങ്ങ​നെ വി​ശ്വ​സി​ക്കാ​ന്‍ ഇ​വ​രെ പ്രേ​രി​പ്പി​ക്കു​ന്നു.

ഇ​തി​നോ​ട​നു​ബ​ന്ധി​ച്ച നി​ര​വ​ധി വി​ശ്വാ​സ​ങ്ങ​ളും അ​ന്ധ​വി​ശ്വാ​സ​ങ്ങ​ളും പ്ര​ദേ​ശ​ത്ത് നി​ല​നി​ല്‍​ക്കു​ന്നു​ണ്ട്. രാ​ത്രി​യി​ല്‍ പ്ര​കാ​ശ​രൂ​പ​ത്തി​ലെ​ത്തു​ന്ന പ്രേ​ത​ങ്ങ​ള്‍ മീ​ൻ​പി​ടി​ത്ത​ക്കാ​രെ​യും യാ​ത്ര​ക്കാ​രെ​യും ആ​ക​ര്‍​ഷി​ച്ച് അ​വ​രു​ടെ വ​ഴി​തെ​റ്റി​ച്ച് വെ​ള്ള​ക്കെ​ട്ടു​ക​ളു​ള്ള ശ​വ​ക്കു​ഴി​ക​ളി​ലേ​ക്ക് ന​യി​ക്കു​ക​യോ അ​വ​രു​ടെ മ​നോ​നി​ല തെ​റ്റി​ക്കു​ക​യോ ചെ​യ്യു​ന്നു​വെ​ന്നു വി​ശ്വ​സി​ക്കു​ന്ന ധാ​രാ​ളം പേ​ര്‍ ഇ​വി​ടെ​യു​ണ്ട്.

അ​തേ​സ​മ​യം ഇ​തി​നു വി​പ​രീ​ത​മാ​യ വി​ശ്വാ​സം പേ​റു​ന്ന​വ​രെ​യും കാ​ണാം. ഇ​വി​ടെ​യു​ള്ള​ത് ന​ല്ല​വ​രാ​യ ആ​ത്മാ​ക്ക​ളാ​ണെ​ന്നും, ആ​ളു​ക​ള്‍ ആ​പ​ത്തി​ല്‍ പെ​ടാ​തെ ശ​രി​യാ​യ വ​ഴി​കാ​ണി​ക്കാ​നാ​ണ് രാ​ത്രി​കാ​ല​ങ്ങ​ളി​ല്‍ ഇ​വ​ര്‍ പ്ര​ത്യ​ക്ഷ​പ്പെ​ടു​ന്ന​തെ​ന്നു​മാ​ണ് ഇ​ത്ത​ര​ക്കാ​ര്‍ വി​ശ്വ​സി​ക്കു​ന്ന​ത്.

എ​ന്തൊ​ക്കെ​യാ​യാ​ലും ഒ​രു അ​ദ്ഭു​ത​ക്കാ​ഴ്ച ത​ന്നെ​യാ​ണ് ബം​ഗാ​ള്‍ ലൈ​റ്റ്സ്. എ​ന്നാ​ല്‍ ഈ ​പ്ര​തി​ഭാ​സം ബം​ഗാ​ളി​ല്‍ മാ​ത്ര​മ​ല്ല ലോ​ക​ത്തി​ന്‍റെ മ​റ്റു ചി​ല​യി​ട​ങ്ങ​ളി​ലും കാ​ണ​പ്പെ​ടാ​റു​ണ്ട്, അ​തും നൂ​റ്റാ​ണ്ടു​ക​ളാ​യി. "വി​ല്ലോ ദി ​വി​സ്പ്’ എ​ന്നാ​ണ് സ​മാ​ന​മാ​യ പ്ര​തി​ഭാ​സ​ത്തെ യു​കെ​യി​ല്‍ വി​ളി​ക്കു​ന്ന​ത്. "ജാ​ക് ഒ ​ലാ​ന്‍റേ​ണ്‍’ എ​ന്ന പേ​രി​ലാ​ണ് അ​യ​ര്‍​ല​ന്‍​ഡി​ല്‍ അ​റി​യ​പ്പെ​ടു​ന്ന​ത്. "ഇ​ഗ്നി​സ് ഫാ​റ്റൂ​സ്’ എ​ന്ന് ലാ​റ്റി​ന്‍ അ​മേ​രി​ക്ക​ന്‍ രാ​ജ്യ​ങ്ങ​ളി​ലും യൂ​റോ​പ്പി​ന്‍റെ ചി​ല ഭാ​ഗ​ങ്ങ​ളി​ലും വി​ളി​ക്ക​പ്പെ​ടു​ന്നു. താ​യ്്‌​ല​ന്‍​ഡു​കാ​ര്‍​ക്ക് ഇ​ത് "നാ​ഗ ഫ​യ​ര്‍​ബോ​ള്‍​സ്’​ആ​ണ്.

കാ​ലാ​ന്ത​ര​ത്തി​ല്‍ ഐ​തി​ഹ്യ​ങ്ങ​ള്‍​ക്ക​പ്പു​റം യു​ക്തി​പ​ര​മാ​യ ശാ​സ്ത്ര​വി​ശ​ക​ല​ന​ങ്ങ​ള്‍ ഈ ​പ്ര​തി​ഭാ​സ​ത്തെ​പ്പ​റ്റി​യു​ണ്ടാ​യി. ച​തു​പ്പു​നി​ല​ത്തി​ല്‍ നി​ന്നു​യ​രു​ന്ന വാ​ത​ക​ങ്ങ​ള്‍​ക്ക് തീ ​പി​ടി​ക്കു​ന്ന​താ​ണ് ഇ​ങ്ങ​നെ​യൊ​രു പ്ര​തി​ഭാ​സ​ത്തി​ന് കാ​ര​ണ​മെ​ന്ന് ചി​ല ശാ​സ്ത്ര​കാ​ര​ന്മാ​ര്‍ ക​ണ്ടെ​ത്തു​ക​യാ​യി​രു​ന്നു.

പ്ര​ധാ​ന​മാ​യും സ​സ്യ​ജ​ന്തു​ജാ​ല​ങ്ങ​ളു​ടെ അ​വ​ശി​ഷ്ട​ങ്ങ​ള്‍ ഓ​ക്സി​ജ​ന്‍ കു​റ​വു​ള്ള മ​ണ്ണി​ല്‍​ക്കി​ട​ന്ന് അ​ഴു​കു​മ്പോ​ള്‍ മീ​ഥെ​യ്ന്‍, ഫോ​സ്ഫീ​ന്‍, ഡൈ​ഫോ​സ്ഫെ​യ്ന്‍ തു​ട​ങ്ങി​യ വാ​ത​ക​ങ്ങ​ള്‍ പു​റ​ത്തേ​ക്കു വ​രി​ക​യും, അ​ത് ഓ​ക്സി​ജ​നു​മാ​യി ചേ​ര്‍​ന്ന് ക​ത്തു​ന്ന​തി​ന്‍റെ ഫ​ല​മാ​യി വി​വി​ധ വ​ര്‍​ണ​ത്തി​ലു​ള്ള തീ​യു​ണ്ടാ​വു​ക​യും ചെ​യ്യു​ന്നു. ‌

ഇ​ങ്ങ​നെ ച​തു​പ്പി​ന്‍റെ ഉ​പ​രി​ത​ല​ത്തോ​ടു​ചേ​ര്‍​ന്ന് ജ്വ​ലി​ക്കു​ന്ന അ​ഗ്നി​വാ​ത​ക​ങ്ങ​ളു​ടെ പു​റ​ന്ത​ള്ള​ലി​ലു​ണ്ടാ​കു​ന്ന ഏ​റ്റ​ക്കു​റ​ച്ചി​ല്‍​മൂ​ലം വി​വി​ധ ഭാ​വ​ങ്ങ​ള്‍ പ്ര​ക​ടി​പ്പി​ക്കു​ന്നു. ഇ​താ​ണ് ആ​ളു​ക​ള്‍ പ്രേ​ത​മാ​യി തെ​റ്റി​ദ്ധ​രി​ക്കു​ന്ന​തെ​ന്നാ​ണ് ക​ണ്ടെ​ത്ത​ല്‍.

ഇ​രു​പ​താം നൂ​റ്റാ​ണ്ടി​ന്‍റെ തു​ട​ക്ക​ത്തി​ലാ​ണ് ഈ ​പ്രേ​ത​ജ്വാ​ല​യെ​പ്പ​റ്റി​യു​ള്ള വി​വ​ര​ങ്ങ​ള്‍ പു​റ​ത്തു​വ​ന്നു​തു​ട​ങ്ങി​യ​ത്. ബ്രി​ട്ടീ​ഷ് പ​ര്യ​വേ​ഷ​ക​രും ശാ​സ്ത്ര​ജ്ഞ​രും ത​ങ്ങ​ളു​ടെ കു​റി​പ്പു​ക​ളി​ല്‍ ഇ​ക്കാ​ര്യം രേ​ഖ​പ്പെ​ടു​ത്തി​യി​രു​ന്നു. പ്ര​ദേ​ശ​ത്തു​ള്ള മ​ത്സ്യ​ത്തൊ​ഴി​ലാ​ളി​ക​ള്‍ ത​ല​മു​റ​ക​ളാ​യി ഈ ​വി​ചി​ത്ര പ്ര​കാ​ശ​ത്തെ​പ്പ​റ്റി അ​റി​വു​ള്ള​വ​രാ​ക​യാ​ല്‍ യു​വ​നാ​വി​ക​ര്‍​ക്ക് മു​ന്ന​റി​യി​പ്പാ​യി അ​വ​ര്‍ വാ​മൊ​ഴി​യാ​യി പൊ​ടി​പ്പും തൊ​ങ്ങ​ലും​വ​ച്ച് ഭീ​തി​ജ​ന​ക​മാ​യ ക​ഥ​ക​ള്‍ പ​ക​ര്‍​ന്നു​കൊ​ടു​ത്തു കൊ​ണ്ടി​രു​ന്നു.

ഇ​പ്പോ​ഴും ഈ ​പ്ര​തി​ഭാ​സം ഇ​വി​ടെ​യു​ണ്ട്. സ​ഞ്ചാ​രി​ക​ളും ഛായാ​ഗ്രാ​ഹ​ക​ന്മാ​രു​മ​ട​ക്കം ഈ ​അ​ജ്ഞാ​ത പ്ര​കാ​ശ​ത്തി​ന്‍റെ ദൃ​ശ്യ​ങ്ങ​ള്‍ പ​ക​ര്‍​ത്തി​യി​ട്ടു​മു​ണ്ട്. എ​ന്തൊ​ക്കെ ശാ​സ്ത്രീ​യ വി​ശ​ക​ല​ന​ങ്ങ​ള്‍ ന​ട​ത്തി​യാ​ലും ഇ​തു​മാ​യി ബ​ന്ധ​പ്പെ​ട്ട പ്രേ​ത​ക​ഥ​ക​ള്‍​ക്ക് ഇ​ന്നും പ​ഞ്ഞ​മി​ല്ല.

അ​ജി​ത് ജി. ​നാ​യ​ർ

Tags : sunday news