പാ​ല​ക്കാ​ട്: പി​രാ​യി​രി​യി​ല്‍ ഭാ​ര്യ​യു​ടെ മാ​താ​പി​താ​ക്ക​ളെ യു​വാ​വ് വെ​ട്ടി​ക്കൊ​ല്ലാ​ന്‍ ശ്ര​മി​ച്ച സം​ഭ​വ​ത്തി​ല്‍ പ്ര​തി​ക്കാ​യി പോ​ലീ​സ് അ​ന്വേ​ഷ​ണം ഊ​ര്‍​ജി​ത​മാ​ക്കി.

ക​ഴി​ഞ്ഞ ദി​വ​സ​മാ​ണ് മേ​പ്പ​റ​മ്പ് സ്വ​ദേ​ശി​യാ​യ റി​നോ​യ് ഭാ​ര്യ​വീ​ട്ടി​ലെ​ത്തി ഭാ​ര്യ​പി​താ​വ് ടെ​റി, മാ​താ​വ് മോ​ളി എ​ന്നി​വ​രെ വെ​ട്ടി​ക്കൊ​ല​പ്പെ​ടു​ത്താ​ൻ ശ്ര​മി​ച്ചെ​ന്നാ​ണ് കേ​സ്.

ഭാ​ര്യ രേ​ഷ്മ​യെ ആ​ക്ര​മി​ക്കാ​ന്‍ കി​ട്ടാ​ത്ത വൈ​രാ​ഗ്യ​മാ​ണ് പ്ര​തി മാ​താ​പി​താ​ക്ക​ള്‍​ക്കു​മേ​ല്‍ തീ​ര്‍​ത്ത​തെ​ന്നാ​ണ് നി​ഗ​മ​നം. സം​ഭ​വം​ന​ട​ന്ന് മ​ണി​ക്കൂ​റു​ക​ള്‍ ക​ഴി​ഞ്ഞി​ട്ടും പ്ര​തി​യെ ക​ണ്ടെ​ത്താ​ന്‍ പോ​ലീ​നാ​യി​ട്ടി​ല്ല.

ഗുരു​ത​ര പ​രി​ക്കേ​റ്റ് ജി​ല്ലാ​ശു​പ​ത്രി​യി​ല്‍ ക​ഴി​യു​ന്ന വൃ​ദ്ധ​ദ​മ്പ​തി​ക​ള്‍ അ​പ​ക​ട​നി​ല ത​ര​ണം​ചെ​യ്ത​താ​യി ആ​ശു​പ​ത്രി അ​ധി​കൃ​ത​ര്‍ അ​റി​യി​ച്ചു.

ഭാ​ര്യ രേ​ഷ്മ റി​നോ​യു​മാ​യു​ള്ള വി​വാ​ഹ​ബ​ന്ധം വേ​ര്‍​പ്പെ​ടു​ത്തു​ന്ന​തി​നാ​യി കേ​സ് ഫ​യ​ല്‍ ചെ​യ്തി​രു​ന്നു. ഇ​തി​നു​ശേ​ഷം റി​നോ​യ് സ്ഥി​ര​മാ​യി വ​ധ​ഭീ​ഷ​ണി ഉ​യ​ര്‍​ത്തി​യി​രു​ന്ന​താ​യി ബ​ന്ധു​ക്ക​ള്‍ പോ​ലീ​സി​നു മൊ​ഴി​ന​ല്‍​കി​യി​ട്ടു​ണ്ട്.

സം​ഭ​വശേ​ഷം 14 വ​യ​സു​ള്ള കു​ട്ടി​യെ​യും​കൊ​ണ്ടു പ്ര​തി ഒ​ളി​വി​ൽ പോ​വു​ക​യാ​യി​രു​ന്നു. ആ​ക്ര​മ​ണം ന​ട​ന്ന വീ​ടി​നു സ​മീ​പ​ത്തെ സി​സി ടി​വി​ക​ളും ട​വ​ര്‍ ലൊ​ക്കേ​ഷ​നു​ക​ളും കേ​ന്ദ്രീ​ക​രി​ച്ചാ​ണ് പോ​ലീ​സ് അ​ന്വേ​ഷ​ണം ന​ട​ത്തു​ന്ന​ത്.

പ്ര​തി​യെ ഉ​ട​നെ പി​ടി​കൂ​ടു​മെ​ന്നു നോ​ര്‍​ത്ത് പോ​ലീ​സ് അ​റി​യി​ച്ചു.