കൊ​ഴി​ഞ്ഞാ​മ്പാ​റ: കോ​ര​യാ​ർ​പു​ഴ പാ​ല​ത്തി​നി​രു​വ​ശ​ത്തും മാ​ലി​ന്യം ത​ള്ളു​ന്ന​തു ത​ട​യാ​ൻ പ​ഞ്ചാ​യ​ത്ത​ധി​കൃ​ത​ർ കാ​മ​റ സ്ഥാ​പി​ച്ചെ​ങ്കി​ലും വീ​ണ്ടും മാ​ലി​ന്യം​ത​ള്ള​ൽ ആ​രം​ഭി​ച്ചു.

പാ​ല​ത്തി​ന്‍റെ തെ​ക്കു​ഭാ​ഗ​ത്താ​ണ് കാ​മ​റ സ്ഥാ​പി​ച്ചി​രി​ക്കു​ന്ന​ത്. നി​ല​വി​ൽ പാ​ല​ത്തി​ന്‍റെ വ​ട​ക്കു​ഭാ​ഗ​ത്തെ സ്ഥ​ല​ത്താ​ണ് രാ​ത്രി​സ​മ​യ​ങ്ങ​ളി​ൽ മാ​ലി​ന്യം ത​ള്ളു​ന്ന​ത്. ഈ ​മാ​ലി​ന്യം നേ​രി​ട്ടു പു​ഴ​വെ​ള്ള​ത്തി​ലാ​ണെ​ത്തു​ന്ന​ത്.

മ​ഴപെ​യ്താ​ൽ ഒ​ഴു​കു​ന്ന ജ​ലം കു​ടി​വെ​ള്ള ത​ട​യ​ണ​ക​ളി​ലു​മെ​ത്തി ജ​ല​ത്തി​ൽ ക​ല​രു​ക​യാ​ണ്. പാ​ല​ത്തി​നി​രു​വ​ശ​ത്തും മാ​ലി​ന്യം ത​ള്ളു​ന്ന​തി​നെ​തി​രെ യാ​ത്ര​ക്കാ​രു​ടെ നി​ര​ന്ത​ര പ​രാ​തി​യെതു​ട​ർ​ന്നാ​ണ് തെ​ക്ക് ഭാ​ഗ​ത്ത് കാ​മ​റ സ്ഥാ​പി​ച്ച​ത്. നി​ല​വി​ൽ ഈ ​സ്ഥ​ല​ത്ത് മാ​ലി​ന്യം ത​ള്ളു​ന്നി​ല്ല.

മാ​ലി​ന്യം ത​ള്ളു​ന്ന​ത് കാ​മ​റ​യി​ൽ പ​തി​ഞ്ഞാ​ൽ ഭീ​മ​മാ​യ സം​ഖ്യ പ​ഞ്ചാ​യ​ത്ത​ധി​കൃ​ത​ർ പി​ഴ​ചു​മ​ത്തു​മെ​ന്ന മു​ന്ന​റി​യി​പ്പ് ന​ൽ​കി​യി​രി​ക്കു​ക​യാ​ണ്. പ​ച്ച​ക്ക​റി മ​റ്റും അ​റ​വു​മാ​ലി​ന്യ​മാ​ണ് ചാ​ക്കി​ൽ കെ​ട്ടി​ൽ പു​ഴ​യി​ൽ ത​ള്ളി​യി​രി​ക്കു​ന്ന​ത്. വി​വി​ധ വേ​സ്റ്റ് ഭ​ക്ഷി​ക്കാ​നെ​ത്തു​ന്ന തെ​രു​വു​നാ​യ​ക​ളു​ടെ പ​രാ​ക്ര​മം കാ​ര​ണം പ​ല​ത​വ​ണ ഇ​രു​ച​ക്ര​വാ​ഹ​ന​ങ്ങ​ൾ നി​യ​ന്ത്ര​ണം വി​ട്ടു​മ​റി​ഞ്ഞ് യാ​ത്ര​ക്കാ​ർ​ക്ക് പ​രി​ക്കു​പ​റ്റി​യ സം​ഭ​വ​ങ്ങ​ൾ ന​ട​ന്നി​ട്ടു​ണ്ട്.

അ​ടി​യ​ന്ത​ര​മാ​യി പാ​ല​ത്തി​ന്‍റെ വ​ട​ക്കു​ഭാ​ഗ​ത്തും നി​രീ​ക്ഷ​ണ​കാ​മ​റ സ്ഥാ​പി​ക്കേ​ണ്ട​ത് അ​നി​വാ​ര്യ​മാ​യി.