ആ​ല​ത്തൂ​ർ: ഡെ​ന്‍റ​ൽ ക്ലി​നി​ക്കി​ൽ ഗു​രു​ത​ര ചി​കി​ത്സാപി​ഴ​വ്. ചി​കി​ത്സ​യ്ക്കി​ടെ യു​വ​തി​യു​ടെ നാ​ക്കി​ൽ ഡ്രി​ല്ല​ർ തു​ള​ച്ചുക​യ​റി. ആ​ല​ത്തൂ​ർ ഡെ​ന്‍റ​ൽ കെ​യ​ർ ക്ലി​നി​ക്കി​നെ​തി​രേയാ​ണ് പ​രാ​തി.

പ​ല്ലി​ന്‍റെ തു​ട​ർ​ചി​കി​ത്സ​യു​ടെ ഭാ​ഗ​മാ​യി ഗം ​എ​ടു​ക്കാ​ൻ എ​ത്തി​യ ഗാ​യ​ത്രി സൂ​ര​ജി​ന്‍റെ നാ​ക്കി​ലാ​ണ് ഡ്രി​ല്ല​ർ തു​ള​ച്ചു​ക​യ​റി​യ​ത്. സം​ഭ​വ​ത്തി​ൽ ക്ലി​നി​ക്കി​നെ​തി​രേ പോ​ലീ​സ് കേ​സെ​ടു​ത്തു. മു​റി​വ് വ​ലു​താ​യ​തോ​ടെ 21 കാ​രി ജി​ല്ലാ ആ​ശു​പ​ത്രി​യി​ൽ ചി​കി​ത്സ തേ​ടി. ചി​കി​ത്സ​യ്ക്കി​ടെ ഡ്രി​ല്ല​ർ ഉ​പ​യോ​ഗി​ച്ച് നാ​ക്കി​ന​ടി​യി​ലേ​ക്ക് തു​ള​യ്ക്കു​ക​യാ​യി​രു​ന്നു. മു​റി​വ് വ​ലു​താ​യെ​ന്ന് അ​റി​യി​ച്ചി​ട്ടും ചെ​റി​യ മു​റി​വാ​ണെ​ന്ന് പ​റ​ഞ്ഞ് ക്ലി​നി​ക്കി​ൽനി​ന്ന് വി​ടു​ക​യാ​യി​രു​ന്നു​വെ​ന്ന് യു​വ​തി പ​റ​യു​ന്നു.

സീ​നി​യ​ർ ഡോ​ക്ട​ർ​മാ​ർ ഉ​ണ്ടാ​യി​ട്ടും നോ​ക്കാ​ൻ ത​യാ​റാ​യി​ല്ലെ​ന്നു യു​വ​തി പ​റ​യു​ന്നു.
മു​റി​വ് ഗു​രു​ത​ര​മാ​ണെ​ന്നും ശ​സ്ത്ര​ക്രി​യ വേ​ണ്ടി​വ​രു​മെ​ന്നുമാണ് ജി​ല്ലാ ആ​ശു​പ​ത്രി​യി​ലെ ഡോ​ക്ട​ർ​മാ​ർ അ​റി​യി​ച്ചി​രി​ക്കു​ന്ന​ത്. 2022 മു​ത​ൽ മൂ​ന്നുവ​ർ​ഷ​മാ​യി ക്ലി​നി​ക്കി​ൽ ചി​കി​ത്സ തേ​ടി​വ​രി​ക​യാ​യി​രു​ന്നു യു​വ​തി. ഗം ​എ​ടു​ക്കു​ന്ന​തി​നി​ടെ ഡ്രി​ല്ല​ർ കൈ​തട്ടി നാ​ക്കി​ന​ടി​യി​ലേ​ക്ക് ക​യ​റി​യെ​ന്നാ​ണ് യു​വ​തി പ​റ​യു​ന്ന​ത്. നി​യ​മ​പ​ര​മാ​യ കാ​ര്യ​ങ്ങ​ൾ ഉ​ള്ള​തി​നാ​ൽ പ്ര​തി​ക​രി​ക്കാ​നി​ല്ലെ​ന്നാ​ണ് ആ​ല​ത്തൂ​ർ ഡെ​ന്‍റ​ൽ കെ​യ​ർ ക്ലി​നി​ക്കി​ലെ ഡോ​ക്ട​ർ പ്ര​തി​ക​രി​ച്ച​ത്.