ഒ​റ്റ​പ്പാ​ലം: തെ​രു​വു​നാ​യ്ക്ക​ൾ ച​ത്തു​വീ​ഴു​ന്നു, സൂ​ര്യാ​ഘാ​ത​മാ​ണെ​ന്നു ആ​ശ​ങ്ക.​അ​ജ്ഞാ​ത​രോ​ഗ​മാ​ണെ​ന്നും സം​ശ​യം. ക​ന​ത്ത​ചൂ​ടി​ൽ നാ​ടും, ന​ഗ​ര​വും വെ​ന്തു​രു​കു​ന്ന​തി​നി​ട​യി​ലാ​ണ് ഒ​റ്റ​പ്പാ​ലം ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ അ​കാ​ര​ണ​മാ​യി തെ​രു​വു​നാ​യ്ക്ക​ൾ ച​ത്തു​വീ​ഴു​ന്ന​ത്.

ക​ഴി​ഞ്ഞ ദി​വ​സം​മാ​ത്രം എ​ട്ടു​തെ​രു​വു​നാ​യ്ക്ക​ളാ​ണ് റോ​ഡ​രി​കി​ൽ വി​വി​ധ ഭാ​ഗ​ങ്ങ​ളി​ലാ​യി ച​ത്തു​കി​ട​ന്നി​രു​ന്ന​ത്.

നാ​യ​ക്ക​ളു​ടെ മ​ര​ണ​ത്തി​നു കാ​ര​ണം സൂ​ര്യാ​ഘാ​ത​മാ​ണ​ങ്കി​ലും പ​ക​ർ​ച്ച​വ്യാ​ധി​ക​ളാ​ണെ​ങ്കി​ലും അ​തു മ​നു​ഷ്യ​രെ​യും ബാ​ധി​ക്കു​ന്ന പ്ര​ശ്നം ത​ന്നെ​യാ​ണ​ന്നാ​ണ് ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്. ന​ഗ​ര​സ​ഭാ ശു​ചീ​ക​ര​ണ വി​ഭാ​ഗം വി​വി​ധ പ്ര​ദേ​ശ​ങ്ങ​ളി​ൽ നി​ന്നാ​യി ഒ​റ്റ​ദി​വ​സം തെ​രു​വി​ൽ ച​ത്തു​കി​ട​ന്ന ഏ​ഴു​നാ​യ​്ക്ക​ളെ​യാ​ണ് ട്ര​ഞ്ചിം​ഗ് ഗ്രൗ​ണ്ടി​ലേ​ക്കു മാ​റ്റി​യ​ത്.

ഓ​രോ ദി​വ​സ​വും കൂ​ടു​ത​ൽ നാ​യക​ൾ ച​ത്തു​വീ​ഴു​ന്നു​ണ്ടെ​ന്നാ​ണ് പ​റ​യ​പ്പെ​ടു​ന്ന​ത്. ഇ​തി​ന്‍റെ കാ​ര​ണം അ​ടി​യ​ന്ത​ര​മാ​യി ക​ണ്ടെ​ത്തി പൊ​തു​ജ​ന​ത്തെ അ​റി​യി​ക്കേ​ണ്ട ഉ​ത്ത​ര​വാ​ദി​ത്വം മൃ​ഗ​സം​ര​ക്ഷ​ണ വ​കു​പ്പി​നു​ണ്ട്.

നാ​യക​ൾ ച​ത്തു​വീ​ഴു​ന്ന​തി​നു​ള്ള കാ​ര​ണം ഏ​തെ​ങ്കി​ലും ത​ര​ത്തി​ൽ മ​നു​ഷ്യ​ജീ​വ​നു​ക​ളെ​യും ബാ​ധി​ക്കു​ന്ന പ്ര​ശ്ന​മാ​ണ​ങ്കി​ൽ അ​ത് ക​ണ്ടെ​ത്തി മു​ന്ന​റി​യി​പ്പു ന​ൽ​കേ​ണ്ട​ത് അ​നി​വാ​ര്യ​മാ​ണ്.

നാ​ഥ​നി​ല്ലാ​ത്ത​തുകൊ​ണ്ട് നാ​യ​ക​ൾ ഇ​ങ്ങി​നെ തെ​രു​വി​ൽ ച​ത്തു വീ​ണോ​ട്ടെ​യെ​ന്നു ചി​ന്തി​ക്കാ​നും ക​ഴി​യി​ല്ല. ക​ഴി​ഞ്ഞ ദി​വ​സം അ​രീ​ക്ക​പ്പാ​ടം വാ​ർ​ഡി​ൽ ര​ണ്ടു​നാ​യ​ക​ളാ​ണ് ന​ടു​റോ​ഡി​ൽ ച​ത്തു​വീ​ണ​ത്.

ജീ​വ​നു​ള്ള സ​മ​യ​ത്ത് നാ​യ​യു​ടെ വാ​യി​ൽ​നി​ന്ന് നു​ര​യും​പ​ത​യും വ​ന്നി​രു​ന്നു. വി​റ​യ​ലും, ന​ട​ക്കാ​ൻ ക​ഴി​യാ​ത്ത അ​വ​സ്ഥ​യി​ലു​മാ​ണ് കാ​ണ​പ്പെ​ട്ട​ത്. കു​റ​ച്ചു​സ​മ​യ​ത്തി​ന​കം ച​ത്തു​വീ​ഴു​ക​യും ചെ​യ്തു.

ഇ​നി നാ​യ​ക​ളെ കൂ​ട്ട​ത്തോ​ടെ കൊ​ല്ലാ​ൻ ആ​രെ​ങ്കി​ലും വി​ഷം​ന​ൽ​കു​ന്നു​ണ്ടോ എ​ന്ന​തും പ​രി​ശോ​ധി​ക്ക​ണ​മെ​ന്ന ആ​വ​ശ്യ​മു​യ​രു​ന്നു​ണ്ട്.

നാ​യ​ക​ളു​ടെ ശ​ല്യം അ​തി​രൂ​ക്ഷ​മാ​ണെ​ന്ന വാ​ർ​ത്ത​ക​ൾ നി​ര​ന്ത​രം വ​ന്നു​കൊ​ണ്ടി​രി​ക്കു​മ്പോ​ൾ ഇ​ത്തരം സം​ശ​യ​ങ്ങ​ൾ ബ​ല​പ്പെ​ട്ടു​വ​രു​ക​യാ​ണ്.

മു​റി​വു​ക​ളും, പൊ​ള്ള​ലും, കൈ​കാ​ലു​ക​ൾ ഒ​ടി​ഞ്ഞ രീ​തി​യി​ലും നി​ര​വ​ധി അ​സു​ഖ​ങ്ങ​ൾ ബാ​ധി​ച്ചു​മൊ​ക്കെ നാ​യ​ക​ൾ തെ​രു​വി​ൽ തെ​ണ്ടി​ന​ട​ക്കു​ന്ന കാ​ഴ്ച നി​ത്യ​സം​ഭ​വ​മാ​ണ്.