പാ​ല​ക്കാ​ട്: ഐ​പി​എ​ൽ ക്രി​ക്ക​റ്റ് ഉ​ത്സ​വം പു​തു​മ​യു​ടെ​യും ആ​വേ​ശ​ത്തി​ന്‍റെ​യും പു​തി​യ അ​ധ്യാ​യം എ​ഴു​താ​ൻ ഒ​രു​ങ്ങു​ന്നു. ആ​രാ​ധ​ക​ർ ക്രി​ക്ക​റ്റി​ന്‍റെ മാ​യാ​ജാ​ലം അ​നു​ഭ​വി​ക്കാ​നാ​യി ഫാ​ൻ​പാ​ർ​ക്കു​ക​ൾ ഒ​രു​ക്കി​യാ​ണ് കു​ട്ടി​ക്രി​ക്ക​റ്റി​നെ വ​ര​വേ​ൽ​ക്കു​ന്ന​ത്. പാ​ല​ക്കാ​ട് കോ​ട്ട​മൈ​താ​ന​ത്താ​ണ് ഫാ​ൻ പാ​ർ​ക്ക് ഒ​രു​ക്കി​യി​രി​ക്കു​ന്ന​തെ​ന്ന് ബി​സി​സി​ഐ പ്ര​തി​നി​ധി സു​മി​ത് മ​ല്ല​പു​കാ​ർ പ​ത്ര​സ​മ്മേ​ള​ന​ത്തി​ൽ പ​റ​ഞ്ഞു.

ആ​ധു​നി​ക സാ​ങ്കേ​തി​ക വി​ദ്യ ഉ​പ​യോ​ഗി​ച്ച് പ്രേ​ക്ഷ​ക​ർ​ക്ക് സ്റ്റേ​ഡി​യ​ത്തി​ലി​രി​ക്കു​ന്ന​തു​പോ​ലെ​യു​ള്ള അ​നു​ഭ​വം ന​ൽ​കു​ന്ന​തി​നാ​യി വ​ലി​യ സ്ക്രീ​നു​ക​ളി​ലൂ​ടെ​യും ത​ത്സ​മ​യ വി​ശ​ക​ല​ന​ങ്ങ​ളി​ലൂ​ടെ​യും ക​ളി കാ​ണാ​ൻ ക​ഴി​യും. സ്വ​ന്തം ടീ​മു​ക​ളു​ടെ ക​ളി നേ​രി​ട്ട് കാ​ണും​വി​ധ​മു​ള്ള വി​രു​ന്നൊ​രു​ക്കി ആ​രാ​ധ​ക​ർ​ക്ക് ക്രി​ക്ക​റ്റി​നോ​ടു​ള്ള സ്നേ​ഹം പ​ങ്കി​ടു​ന്ന​തി​നു​ള്ള വേ​ദി​യു​മാ​കും. 10 ല​ക്ഷ​ത്തി​ല​ധി​കം ക്രി​ക്ക​റ്റ് ആ​രാ​ധ​ക​ർ ഇ​ത്ത​വ​ണ ഫാ​ൻ പാ​ർ​ക്കു​ക​ളി​ലേ​ക്ക് എ​ത്തി​ച്ചേ​രു​മെ​ന്നാ​ണ് പ്ര​തീ​ക്ഷ​യെ​ന്ന് സു​മി​ത് പ​റ​ഞ്ഞു. ശ​നി, ഞാ​യ​ർ ദി​വ​സ​ങ്ങ​ളി​ലെ മ​ത്സ​ര​ങ്ങ​ളാ​ണ് കോ​ട്ട​മൈ​താ​ന​ത്തെ ഫാ​ൻ പാ​ർ​ക്കി​ൽ കാ​ണാ​നാ​വു​ക.

ശ​നി​യാ​ഴ്ച വൈ​കു​ന്നേ​രം 6.30ന് ​ഗു​ജ​റാ​ത്ത് ടൈ​റ്റ​ൻ​സും മും​ബൈ ഇ​ന്ത്യ​ൻ​സും ഏ​റ്റു​മു​ട്ടും. ഞാ​യ​റാ​ഴ്ച ര​ണ്ട് മ​ത്സ​ര​ങ്ങ​ൾ ഫാ​ൻ പാ​ർ​ക്കി​ലൂ​ടെ കാ​ണാ​ൻ ക​ഴി​യും. ഉ​ച്ച​യ്ക്ക് 2.30ന് ​ഡ​ൽ​ഹി ക്യാ​പി​റ്റ​ൽ​സ് സ​ണ്‍​റൈ​സേ​ഴ്സ് ഹൈ​ദ​രാ​ബാ​ദു​മാ​യു​ള്ള മ​ത്സ​ര​വും തു​ട​ർ​ന്ന് രാ​ജ​സ്ഥാ​ൻ റോ​യ​ൽ​സ് ചെ​ന്നൈ സൂ​പ്പ​ർ കിം​ഗ്സു​മാ​യു​ള്ള മ​ത്സ​ര​വും ന​ട​ക്കും. കാ​ണി​ക​ൾ​ക്ക് പ്ര​വേ​ശ​നം സൗ​ജ​ന്യ​മാ​യി​രി​ക്കു​മെ​ന്നും സം​ഘാ​ട​ക​ർ അ​റി​യി​ച്ചു.

പ​ത്ര​സ​മ്മേ​ള​ന​ത്തി​ൽ കെ​സി​എ അം​ഗം സി​യാ​വു​ദ്ദീ​ൻ, ക്രി​ക്ക​റ്റ് അ​സോ​സി​യേ​ഷ​ൻ ജി​ല്ലാ സെ​ക്ര​ട്ട​റി ടി. ​അ​ജി​ത്കു​മാ​ർ എ​ന്നി​വ​രും പ​ങ്കെ​ടു​ത്തു.