ഒറ്റ​പ്പാ​ലം: റെയി​ലി​ന് സ​മീ​പ​മു​ള്ള പ​ട​വു​ക​ൾ പൊ​ളി​ച്ചു​മാ​റ്റി റെയി​ൽ​വേ അധികൃതർ. ഒ​റ്റ​പ്പാ​ലം റെ​യി​ൽ​വേ​സ്റ്റേ​ഷ​ന് സ​മീ​പ​ത്ത് റെ​യി​ൽ​പ്പാ​ള​ങ്ങ​ളു​ടെ ഭാ​ഗ​ത്തു​നി​ന്ന് വീ​ട്ടി​ലേ​ക്കി​റ​ങ്ങാ​നു​ള്ള പ​ട​വു​ക​ളാ​ണ് മു​ന്ന​റി​യി​പ്പി​ല്ലാ​തെ റെ​യി​ൽ​വേ പൊ​ളി​ച്ചു​മാ​റ്റി​യ​ത്. ഇ​തോ​ടെ സ​മീ​പ​ത്തു​ള്ള വീ​ട്ടി​ലേ​ക്ക് ക​ട​ക്കാ​നു​ള്ള വ​ഴി​യ​ട​ഞ്ഞ സ്ഥി​തി​യാ​ണ്. ഉ​പ്പാ​മൂ​ച്ചി​ക്ക​ൽ അ​മ​ൽ മ​നോ​ജി​ന്‍റെ വീ​ട്ടി​ലേ​ക്കു​ള്ള പ​ട​വു​ക​ളാ​ണ് പൊ​ളി​ച്ച​ത്. പ്ലാ​റ്റ്‌​ഫോം നി​ർ​മി​ക്കു​ന്ന​തി​നാ​യാ​ണി​തെ​ന്നാ​ണ് റെ​യി​ൽ​വേ​യി​ൽ​നി​ന്ന് കി​ട്ടി​യ വി​വ​രം. നി​ല​വി​ൽ ഈ ​വീ​ട്ടി​ൽ ആ​ൾ​ത്താ​മ​സ​മി​ല്ല. 2018, 2019, 2024 വ​ർ​ഷ​ങ്ങ​ളി​ലു​ണ്ടാ​യ വെ​ള്ള​പ്പൊ​ക്ക​ത്തി​ൽ ഇ​വി​ടെ പൂ​ർ​ണ​മാ​യും വെ​ള്ളം ക​യ​റി​യി​രു​ന്നു. അ​തോ​ടെ വീ​ട്ടു​കാ​ർ താ​മ​സം മാ​റ്റു​ക​യാ​യി​രു​ന്നു.

എ​ന്നാ​ൽ ഇ​തി​നോ​ടു​ചേ​ർ​ന്ന വാ​ട​ക​വീ​ട്ടി​ൽ പോ​ണ്ടി​ച്ചേ​രി സ്വ​ദേ​ശി​ക​ൾ താ​മ​സി​ക്കു​ന്നു​ണ്ട്. അ​വി​ടേ​ക്ക്‌ പോ​കാ​നു​ള്ള വ​ഴി​യു​മി​ല്ലാ​താ​യി. വീ​ടിന്‍റെ ഒ​രു​വ​ശ​ത്ത് ഭാ​ര​ത​പ്പു​ഴ​യും മ​റു​വ​ശ​ത്ത് റെ​യി​ൽ​പ്പാ​ള​വു​മാ​യ​തി​നാ​ൽ പു​റ​ത്തേ​ക്കി​റ​ങ്ങാ​ൻ പാ​ളം മു​റി​ച്ചു​ക​ട​ക്കു​ക​യ​ല്ലാ​തെ മ​റ്റു​വ​ഴി​ക​ളി​ല്ല. ഇ​നി പ്ലാ​റ്റ്ഫോം വ​ന്നാ​ൽ ഇ​വി​ടേ​ക്ക് ചാ​ടി​ക്ക​ട​ക്കേ​ണ്ട അ​വ​സ്ഥ​വ​രു​മെ​ന്നാ​ണ് ഉ​ട​മ​ക​ൾ പ​റ​യു​ന്ന​ത്.

പ​ടി​ക​ളു​ണ്ടാ​യി​രു​ന്ന​ത് റെ​യി​ൽ​വേ​യു​ടെ സ്ഥ​ല​ത്താ​ണ്. നി​ർ​മാ​ണ​ത്തി​ന്‍റെ ഭാ​ഗ​മാ​യി പാ​ള​ത്തി​നു​സ​മീ​പം ഒ​രു വ​ഴി നി​ർ​മി​ച്ചി​ട്ടു​ണ്ട്. ഇ​തി​ലൂ​ടെ സ​മീ​പ​ത്തെ അ​ങ്ക​ണ​വാ​ടി​യി​ലേ​ക്കു​ള്ള വ​ഴി​യു​ണ്ട്. അ​ത് അ​ട​ച്ചി​ട്ടി​ല്ല. അ​ങ്ക​ണ​വാ​ടി​യി​ലേ​ക്കു​ള്ള വ​ഴി​യാ​ണ് ഇ​പ്പോ​ൾ ഉ​പ​യോ​ഗി​ക്കു​ന്ന​ത്. സു​ര​ക്ഷ മു​ൻ​നി​ർ​ത്തി പാ​ളം മു​റി​ച്ചു​ക​ട​ക്കു​ന്ന സ്ഥ​ല​ങ്ങ​ൾ റെ​യി​ൽ​വേ അ​ട​യ്ക്കു​ന്നു​ണ്ട്. അ​തി​ന്‍റെ ഭാ​ഗ​മാ​യാ​ണ് ഒ​റ്റ​പ്പാ​ല​ത്തും വ​ഴി​യ​ട​ച്ചി​ട്ടു​ള്ള​തെ​ന്ന് റെ​യി​ൽ​വേ പിആ​ർഒ അ​റി​യി​ച്ചു.