വ​ട​ക്ക​ഞ്ചേ​രി: പ​ന്നി​യ​ങ്ക​ര ടോ​ൾ പ്ലാ​സ​യി​ൽ പ്ര​ദേ​ശ​വാ​സി​ക​ളു​ടെ ടോ​ൾ വി​ഷ​യ​ത്തി​ൽ ഏ​ഴ​ര കി​ലോ​മീ​റ്റ​ർ ദൂ​ര​പ​രി​ധി നി​ശ്ച​യി​ച്ച് ടോ​ൾ ക​മ്പ​നി അ​ന്തി​മ ന​ട​പ​ടി​ക​ളി​ലേ​ക്ക് നീ​ങ്ങു​മ്പോ​ഴും വി​ഷ​യ​ത്തി​ലു​ള്ള ജ​ന​പ്ര​തി​നി​ധി​ക​ളു​ടെ തീ​രു​മാ​നം വൈ​കു​ന്ന​ത് ജ​ന​ങ്ങ​ളി​ൽ ആ​ശ​യ​ക്കു​ഴ​പ്പ​മു​ണ്ടാ​ക്കു​ന്നു​ണ്ട്.

ടോ​ൾപ്ലാ​സ​യി​ൽ നി​ന്നും ഏ​ഴ​ര കി​ലോ​മീ​റ്റ​ർ ദൂ​ര​പ​രി​ധി​യി​ലു​ള്ള പ്ര​ദേ​ശ​വാ​സി​ക​ൾ​ക്ക് സൗ​ജ​ന്യ യാ​ത്ര അ​നു​വ​ദി​ക്കു​ന്ന​തി​ന്‍റെ ഭാ​ഗ​മാ​യു​ള്ള വി​വ​ര​ശേ​ഖ​ര​ണം പൂ​ർ​ത്തി​യാ​യ​താ​യി ടോ​ൾ അ​ധി​കൃ​ത​ർ പ​റ​ഞ്ഞു. രേ​ഖ​ക​ൾ സ​മ​ർ​പ്പി​ക്കാ​ത്ത​വ​ർ​ക്ക് ഏ​പ്രി​ൽ ഒ​ന്നു മു​ത​ൽ സൗ​ജ​ന്യയാ​ത്ര അ​നു​വ​ദി​ക്കു​ന്ന​ത​ല്ലെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. ക​ഴി​ഞ്ഞ 14 ന് ​പി.​പി.​ സു​മോ​ദ് എം​എ​ൽ​എ വി​ളി​ച്ചു ചേ​ർ​ത്ത സ​ർ​വ​ക​ക്ഷി യോ​ഗ​ത്തി​ൽ ടോ​ൾപ്ലാ​സ​യി​ൽ നി​ന്നും നാ​ല് ദി​ക്കി​ലേ​ക്കും സൗ​ജ​ന്യ പ്ര​വേ​ശ​നം ന​ൽ​കേ​ണ്ട സ്പോ​ട്ടു​ക​ൾ (സ്ഥ​ല​ങ്ങ​ൾ) ക​ണ്ടെ​ത്തി ദൂ​രപ​രി​ധി​ക​ളി​ൽ ഏ​റ്റ​ക്കു​റ​ച്ചി​ലു​ക​ൾ ന​ട​ത്തു​മെ​ന്ന് പ​റ​ഞ്ഞി​രു​ന്നു.

ഒ​ഴി​വാ​ക്കേ​ണ്ട പ്ര​ദേ​ശ​ങ്ങ​ൾ ഒ​ഴി​വാ​ക്കി​യും ഉ​ൾ​പ്പെ​ടു​ത്താ​നു​ള്ള​ത് ഉ​ൾ​പ്പെ​ടു​ത്തി​യും ക്ര​മീ​ക​രി​ക്കു​മെ​ന്നാ​യി​രു​ന്നു ഉ​റ​പ്പ്.​ ഇ​തി​നാ​യി എ​ഡി​എ​മ്മി​ന്‍റെ നേ​തൃ​ത്വ​ത്തി​ൽ പ​രി​ശോ​ധ​ന​ക​ളും ന​ട​ന്നു. അ​ന്തി​മതീ​രു​മാ​നം സ​ർ​വ​ക​ക്ഷിയോ​ഗം വി​ളി​ച്ച് വ്യ​ക്ത​ത വ​രു​ത്തു​മെ​ന്നും പ​റ​ഞ്ഞി​രു​ന്നു.​ എ​ന്നാ​ൽ ടോ​ൾക​മ്പ​നി സ്വീ​ക​രി​ക്കു​ന്ന നി​ല​പാ​ടു​ക​ളും സ​ർ​വ​ക​ക്ഷിയോ​ഗ തീ​രു​മാ​ന​ങ്ങ​ളും ര​ണ്ട് വ​ഴി​ക്കാ​കു​ന്ന​താ​ണ് ആ​ശ​യ​ക്കുഴ​പ്പം സൃ​ഷ്ടി​ക്കു​ന്ന​ത്. ദൂ​ര​പ​രി​ധി ഏ​ഴ​രകി​ലോ​മീ​റ്റ​ർ ത​ന്നെ​യാ​കു​മോ അ​തോ ഒ​ഴി​വാ​ക്ക​പ്പെ​ടേ​ണ്ട സ്പോ​ട്ടു​ക​ൾ ക​ണ്ടെ​ത്തി ദൂ​ര​പ​രി​ധി പ​ത്ത് കി​ലോ​മീ​റ്റ​ർ വ​രെ കി​ട്ടു​മോ എ​ന്ന​തി​ന് വ്യ​ക്ത​ത വ​രു​ത്ത​ണ​മെ​ന്നാ​ണ് ആ​വ​ശ്യം.​

ഏ​ഴ​ര കി​ലോ​മീ​റ്റ​റി​നു​ള്ളി​ൽ ത​ന്നെ​യു​ള്ള​വ​ർ​ക്ക് ഇ​നി​യും രേ​ഖ​ക​ൾ സ​മ​ർ​പ്പി​ക്കാ​ൻ അ​വ​സ​രം കൊ​ടു​ക്കു​മോ തു​ട​ങ്ങി​യ സം​ശ​യ​ങ്ങ​ളു​മു​ണ്ട്. രേ​ഖ​ക​ൾ ഇ​നി സ്വീ​ക​രി​ക്കി​ല്ലെ​ന്നാ​ണ് ടോ​ൾക​മ്പ​നി പ​റ​യു​ന്ന​ത്. രേ​ഖ​ക​ൾ കൃ​ത്യ​മാ​യി ന​ൽ​കി​യ​വ​ർ​ക്ക് ഏ​പ്രി​ൽ ഒ​ന്നുമു​ത​ൽ നി​ല​വി​ൽ വാ​ഹ​ന​ത്തി​ലു​ള്ള ഫാ​സ്ടാ​ഗ് ഉ​പ​യോ​ഗി​ച്ച് ഏ​ത് ട്രാ​ക്കി​ലൂ​ടെ​യും പോ​കാ​നാ​കും. ക​ട​ന്നുപോ​കു​മ്പോ​ൾ റീ​ഡിം​ഗ് കാ​ണി​ക്കു​മെ​ങ്കി​ലും പ​ണം ന​ൽ​കേ​ണ്ട​തി​ല്ലെ​ന്നും ടോ​ൾ അ​ധി​കൃ​ത​ർ പ​റ​ഞ്ഞു. നി​ല​വി​ൽ ഫാ​സ്ടാ​ഗ് ഇ​ല്ലാ​ത്ത വാ​ഹ​ന​ങ്ങ​ൾ​ക്ക് ടോ​ൾപ്ലാ​സ ഓ​ഫീ​സി​ൽ നി​ന്നും ഫാ​സ്ടാ​ഗ് ന​ൽ​കും.