ചി​റ്റൂ​ർ: കോ​ണ്‍​ഗ്ര​സും ബി​ജെ​പി​യും അ​ട​ങ്ങു​ന്ന മ​ഴ​വി​ൽ സ​ഖ്യം എ​ൽ​ഡി​എ​ഫി​നെ ആ​ക്ര​മി​ക്ക​ൽ മാ​ത്രം ല​ക്ഷ്യ​മാ​ക്കു​ന്നു​വെ​ന്ന് സി​പി​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ൻ. ത​ത്ത​മം​ഗ​ലം രാ​ജീ​വ് ഗാ​ന്ധി ക​ൺ​വ​ൻ​ഷ​ൻ സെ​ന്‍റ​റി​ൽ സി​പി​എം ജി​ല്ലാ സ​മ്മേ​ള​ന​ത്തി​ന് തു​ട​ക്കം കു​റി​ച്ച് പ്ര​തി​നി​ധി സ​മ്മേ​ള​നം ഉ​ദ്ഘാ​ട​നം ചെ​യ്ത് പ്ര​സം​ഗി​ക്കു​ക​യാ​യി​രു​ന്നു അ​ദ്ദേ​ഹം.

ന​വ​കേ​ര​ളം സൃ​ഷ്ടി​ക്ക​ലാ​ണ് എ​ൽ​ഡി​എ​ഫ് ല​ക്ഷ്യം. അ​ന്ധ​വി​ശ്വാ​സ​ങ്ങ​ളെ വെ​ല്ലു​വി​ളി​ച്ചാ​ണ് കേ​ര​ളം മു​ന്നേ​റി​യ​തെ​ന്നും സ്ത്രീ​ക​ൾ​ക്ക​ട​ക്കം പൊ​തു​സ​മൂ​ഹ​ത്തി​ൽ ഉ​ന്ന​തി​യി​ൽ എ​ത്താ​ൻ കേ​ര​ള​ത്തി​ന് സാ​ധി​ച്ചു എ​ന്നും എം.​വി. ഗോ​വി​ന്ദ​ൻ പ​റ​ഞ്ഞു. കേ​ര​ള​ത്തി​ൽ പ്ര​തി​പ​ക്ഷ​വും ബി​ജെ​പി​യും മാ​ധ്യ​മ​ങ്ങ​ളും ഇ​ട​തു​പ​ക്ഷ​ത്തെ ആ​ക്ര​മി​ച്ചു കൊ​ണ്ടി​രി​ക്കു​ക​യാ​ണ്. ഇ​തി​നെ അ​തി​ജീ​വി​ച്ചാ​ണ് എ​ൽ​ഡി​എ​ഫ് മു​ന്നേ​റുന്ന​ത്.

ഒ​രു വി​ക​സ​ന​വും അ​നു​വ​ദി​ക്കി​ല്ലെ​ന്ന നി​ല​പാ​ടാ​ണ് പ്ര​തി​പ​ക്ഷ​ത്തി​നും ബി​ജെ​പി​ക്കു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. മു​ഖ്യ​മ​ന്ത്രിസ്ഥാ​ന​ത്തെ ചൊ​ല്ലി കോ​ണ്‍​ഗ്ര​സി​ന​ക​ത്ത് ന​ട​ക്കു​ന്ന ക​ല​ഹം വെ​റു​തെ​യാ​കു​ം. ഇ​നി വ​രു​ന്ന നി​യ​മ​സ​ഭാ തെ​രഞ്ഞെടു​പ്പി​ലും സം​സ്ഥാ​ന​ത്ത് ഇ​ട​തുമു​ന്ന​ണി അ​ധി​കാ​ര​ത്തി​ൽ വ​രും. ഇ​ത്ത​ര​മൊ​രു സാ​ഹ​ച​ര്യ​ത്തി​ൽ കോ​ണ്‍​ഗ്ര​സി​ലെ നേ​താ​ക്ക​ൾ ത​മ്മി​ൽ മു​ഖ്യ​മ​ന്ത്രി സ്ഥാ​ന​ത്തി​ന് വേ​ണ്ടി ന​ട​ത്തു​ന്ന മ​ത്സ​രം തെര​ഞ്ഞെടു​പ്പ് ക​ഴി​ഞ്ഞാ​ൽ വ്യ​ർ​ഥ​മാ​യി തീ​രു​മെ​ന്നും അ​ദ്ദേ​ഹം ഓ​ർ​മി​പ്പിച്ചു.​

പ്ര​തി​നി​ധി സ​മ്മേ​ള​ന ന​ഗ​രി​യി​ൽ മു​തി​ർ​ന്ന അം​ഗം വി.​കെ. ജ​യ​പ്ര​കാ​ശ് പ​താ​ക ഉ​യ​ർ​ത്തി.
തു​ട​ർ​ന്ന് ര​ക്ത​സാ​ക്ഷി​ക​ൾ​ക്ക് ആ​ദ​ര​മ​ർ​പ്പി​ച്ചു. ര​ക്ത​സാ​ക്ഷി​പ്ര​മേ​യം പി. ​മ​മ്മി​ക്കു​ട്ടി​യും അ​നു​ശോ​ച​ന​പ്ര​മേ​യം എ. ​പ്ര​ഭാ​ക​ര​നും അ​വ​ത​രി​പ്പി​ച്ചു.

താ​ത്കാ​ലി​ക അ​ധ്യ​ക്ഷ​നാ​യി സം​സ്ഥാ​ന​ക​മ്മി​റ്റി അം​ഗം സി.​കെ. രാ​ജേ​ന്ദ്ര​നെ സ​മ്മേ​ള​നം തെ​ര​ഞ്ഞെ​ടു​ത്തു. പോ​ളി​റ്റ് ബ്യൂ​റോ അം​ഗം എ. ​വി​ജ​യ​രാ​ഘ​വ​ൻ, കേ​ന്ദ്ര​ക​മ്മി​റ്റി അം​ഗ​ങ്ങ​ളാ​യ എ.​കെ. ബാ​ല​ൻ, പി.​കെ ശ്രീ​മ​തി, കെ.​കെ. ശൈ​ല​ജ, എ​ള​മ​രം ക​രീം, കെ. ​രാ​ധാ​കൃ​ഷ്ണ​ൻ, സി.​എ​സ്. സു​ജാ​ത, സം​സ്ഥാ​ന സെ​ക്ര​ട്ട​റി​യേ​റ്റ് അം​ഗ​ങ്ങ​ളാ​യ ടി.​പി. രാ​മ​കൃ​ഷ്ണ​ൻ, കെ.​കെ. ജ​യ​ച​ന്ദ്ര​ൻ, ആ​നാ​വൂ​ർ നാ​ഗ​പ്പ​ൻ, പു​ത്ത​ല​ത്ത് ദി​നേ​ശ​ൻ, പി.​കെ. ബി​ജു, എം. ​സ്വ​രാ​ജ് തു​ട​ങ്ങി​യ​വ​ർ പ​ങ്കെ​ടു​ത്തു.

ഇ​ന്നും പ്ര​തി​നി​ധി സ​മ്മേ​ള​ന​ത്തി​ൻമേ​ൽ ച​ർ​ച്ച ന​ട​ക്കും. നാ​ളെ വൈ​കു​ന്നേ​രം അ​ഞ്ചി​ന് മേ​ട്ടു​പ്പാ​ള​യ​ത്തു ന​ട​ക്കു​ന്ന സ​മാ​പ​ന പൊ​തു​സ​മ്മേ​ള​നം മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ദ്ഘാ​ട​നം ചെ​യ്യും.

എൻ.എൻ. കൃഷ്ണദാസിനെതിരേ രൂക്ഷവിമർശനം

ചിറ്റൂർ: മു​ൻ എം​പി​യും ജി​ല്ല​യി​ലെ മു​തി​ർ​ന്ന നേ​താ​വു​മാ​യ എ​ൻ.​എ​ൻ. കൃ​ഷ്ണ​ദാ​സി​നെ​തി​രെ സി​പി​എം ജി​ല്ലാ സ​മ്മേ​ള​ന​ത്തി​ലെ പ്ര​വ​ർ​ത്ത​ന റി​പ്പോ​ർ​ട്ടി​ൽ രൂ​ക്ഷവി​മ​ർ​ശ​നം. പാ​ല​ക്കാ​ട് നി​യ​മ​സ​ഭാ ഉ​പ​തെ​ര​ഞ്ഞെ​ടു​പ്പ് കാ​ല​ത്തെ പ്ര​സ്താ​വ​ന​യു​മാ​യി ബ​ന്ധ​പ്പെ​ട്ടാ​ണ് രൂ​ക്ഷ വി​മ​ർ​ശ​നം. എ​ൻ.​എ​ൻ. കൃ​ഷ്ണ​ദാ​സി​ന്‍റെ പ്ര​സ്താ​വ​ന പാ​ർ​ട്ടി​യു​ടെ നേ​താ​ക്ക​ൾ​ക്കി​ട​യി​ൽ ഭി​ന്ന​ത​യു​ണ്ടെ​ന്ന പ്ര​തീ​തി​യു​ണ്ടാ​ക്കി​യെ​ന്ന് റി​പ്പോ​ർ​ട്ടി​ൽ കു​റ്റ​പ്പെ​ടു​ത്തു​ന്നു.

മാ​ധ്യ​മ​ങ്ങ​ൾ​ക്കെ​തി​രെ ന​ട​ത്തി​യ ഇ​റ​ച്ചി​ക്ക​ട പ്ര​യോ​ഗം അ​ന​വ​സ​ര​ത്തി​ലാ​യി​പ്പോ​യെ​ന്നാ​ണ് വി​മ​ർ​ശ​നം. ഇ​റ​ച്ചി​ക്ക​ട പ്ര​യോ​ഗം ഉ​പ​തെ​ര​ഞ്ഞെ​ടു​പ്പി​ൽ മാ​ധ്യ​മ​ങ്ങ​ളെ പാ​ർ​ട്ടി​ക്കെ​തി​രാ​ക്കി​യെ​ന്നും റി​പ്പോ​ർ​ട്ടി​ലു​ണ്ട്. നേ​തൃ​ത്വ​ത്തി​ന്‍റെ നി​ല​പാ​ടി​ന് എ​തി​രാ​യ കൃ​ഷ്ണ​ദാ​സി​ന്‍റെ പ​രാ​മ​ർ​ശ​ങ്ങ​ൾ സാ​ധാ​ര​ണ പ്ര​വ​ർ​ത്ത​ക​രെ വോ​ട്ട​ർ​മാ​ർ​ക്കി​ട​യി​ൽ പ്ര​തി​സ​ന്ധി​യി​ലാ​ക്കി​യെ​ന്നും സ​മ്മേ​ള​ന പ്ര​തി​നി​ധി​ക​ൾ അ​ഭി​പ്രാ​യ​പ്പെ​ട്ടു. കെ​ടി​ഡി​സി ചെ​യ​ർ​മാ​നും മു​ൻ എം​എ​ൽ​എ​യു​മാ​യ പി.​കെ. ശ​ശി​ക്കെ​തി​രാ​യ ന​ട​പ​ടി​യും പ്ര​വ​ർ​ത്ത​ന റി​പ്പോ​ർ​ട്ടി​ൽ പ​റ​യു​ന്നു​ണ്ട്.