വ​ട​ക്ക​ഞ്ചേ​രി: കു​ടി​വെ​ള്ള​ക്ഷാ​മം പ​രി​ഹ​രി​ക്കാ​ൻ വേ​ഗ​ത്തി​ലു​ള്ള ന​ട​പ​ടി​ക​ൾ വേ​ണ​മെ​ന്നാ​വ​ശ്യ​പ്പെ​ട്ട് പ്ര​ദേ​ശ​വാ​സി​ക​ൾ ഗ്രാ​മ​സ​ഭ ബ​ഹി​ഷ്ക​രി​ച്ച​പ്പോ​ൾ ന​ട​പ​ടി​ക​ൾ​ക്ക് വേ​ഗ​ത വ​ന്നു. കി​ഴ​ക്ക​ഞ്ചേ​രി പ​ഞ്ചാ​യ​ത്തി​ലെ കൊ​ടും​പാ​ല, വെ​ള്ളികു​ള​മ്പ്, വാ​ൽ​ക്കു​ള​മ്പ്, പ​നം​കു​റ്റി, ല​വ​ണ​പാ​ടം തു​ട​ങ്ങി​യ പ്ര​ദേ​ശ​ത്തു​കാ​രു​ടെ കൂ​ട്ടാ​യ്മ​യാ​ണ് ഫ​ലം ക​ണ്ട​ത്. പ​ല ത​വ​ണ ബ​ന്ധ​പ്പെ​ട്ട​വ​ർ​ക്കെ​ല്ലാം പ​രാ​തി ന​ൽ​കി​യി​ട്ടും ന​ട​പ​ടി​ക​ളി​ലേ​ക്ക് നീ​ങ്ങാ​താ​യ​പ്പോ​ഴാ​ണ് നി​സ​ഹ​ക​ര​ണ​ത്തി​ലേ​ക്ക് നീ​ങ്ങി​യ​ത്.

പ്ര​ദേ​ശ​ത്ത് മാ​സ​ങ്ങ​ളാ​യി കു​ടി​വെ​ള്ളം വി​രു​ന്നു​കാ​രെ പോ​ലെ​യാ​ണ്. പി​ട്ടു​കാ​രി​കു​ള​മ്പി​ൽ നി​ന്നു​ള്ള ബോ​ർ​വെ​ല്ലി​ൽ നി​ന്നാ​യി​രു​ന്നു പ്ര​ദേ​ശത്തേ​ക്കു​ള്ള ജ​ല​വി​ത​ര​ണം ന​ട​ന്നി​രു​ന്ന​ത്. എ​ന്നാ​ൽ അ​വി​ടു​ത്തെ ബോ​ർ​വെ​ല്ലി​ൽ വെ​ള്ളം കു​റ​ഞ്ഞ​തോ​ടെ കൂ​ടു​ത​ൽ പ്ര​ദേ​ശ​ത്തേ​ക്കു​ള്ള ജ​ല​വി​ത​ര​ണം ക​ഴി​യാ​താ​യി. പി​ന്നീ​ട് ചീ​ര​ക്കു​ഴി​യി​ൽ നി​ന്നാ​ണ് വെ​ള്ളം വ​ന്നി​രു​ന്ന​ത്.

വെ​ള്ളം കി​ട്ടു​ന്ന​തും താ​ഴ്ന്ന പ്ര​ദേ​ശ​ത്തെ കു​ടും​ബ​ങ്ങ​ൾ​ക്ക് മാ​ത്ര​മാ​യി ചു​രു​ങ്ങി. കു​ടി​വെ​ള്ളപ്ര​ശ്നം ഗ്രാ​മ​സ​ഭ​യി​ൽ ച​ർ​ച്ച ചെ​യ്യാം എ​ന്നാ​യി​രു​ന്നു അ​ധി​കൃ​ത​രു​ടെ നി​ല​പാ​ട്. എ​ന്നാ​ൽ കു​ടി​വെ​ള്ളം എ​ത്തി​ച്ചി​ട്ട് മ​തി ഗ്രാ​മ​സ​ഭ എ​ന്ന നി​ല​പാ​ടി​ൽ പ്ര​ദേ​ശ​വാ​സി​ക​ളും ഉ​റ​ച്ചുനി​ന്നു.​ തുടർന്ന് പ​ത്താം വാ​ർ​ഡ് കൊ​ട്ട​ടി​യി​ൽ ഇ​ന്ന​ലെ ബോ​ർ​വെ​ൽ കു​ഴി​ച്ചു.

240 അ​ടി​യി​ൽ ത​ന്നെ യ​ഥേ​ഷ്ടം വെ​ള്ളം ലഭിച്ചു. ക​റ​ന്‍റ് ക​ണ​ക്ഷ​നും മോ​ട്ടോ​ർ പു​ര​യു​മെ​ല്ലാം ഒ​രു​ക്കി ജ​ല​വി​ത​ര​ണം വൈ​കാ​തെ ന​ട​ത്താ​നാ​കു​മെ​ന്നാ​ണ് വാ​ട്ട​ർ അ​ഥോ​റി​റ്റി നാ​ട്ടു​കാ​ർ​ക്ക് ഉ​റ​പ്പു ന​ൽ​കി​യി​ട്ടു​ള്ള​ത്. പു​തി​യ ബോ​ർ​വെ​ല്ലി​ൽ നി​ന്നു​ള്ള വെ​ള്ളം ഇ​രു​ന്നൂ​റി​ലേ​റെ കു​ടും​ബ​ങ്ങ​ൾ​ക്ക് പ്ര​യോ​ജ​ന​പ്പെ​ടു​ം.