ഷൊർ​ണൂ​ർ: 83 കോ​ടി രൂ​പ ചെല​വി​ൽ ഷൊ​ർ​ണൂർ, പ​ട്ടാ​മ്പി, മ​ണ്ണാ​ർ​ക്കാ​ട് ഡി​വി​ഷ​നു​ക​ളി​ൽ വൈ​ദ്യു​ത​ലൈ​ൻ ക​വ​ചി​ത കേ​ബി​ളു​ക​ളാ​ക്കി മാ​റ്റു​ന്നു. വൈ​ദ്യു​തി​വി​ത​ര​ണ​ത്തി​ലെ പ്ര​ശ്ന​ങ്ങ​ൾ പ​രി​ഹ​രി​ക്കു​ന്ന​തി​ന്‍റെ ഭാ​ഗ​മാ​യി​ട്ടാ​ണ് ഷൊ​ർ​ണൂ​ർ സ​ർ​ക്കി​ൾ പ​രി​ധി​യി​ൽ ഉ​ൾ​പ്പെ​ടു​ന്ന ഷൊ​ർ​ണൂ​ർ, പ​ട്ടാ​മ്പി, മ​ണ്ണാ​ർ​ക്കാ​ട് ഡി​വി​ഷ​നു​ക​ളി​ൽ വൈ​ദ്യു​ത​ലൈ​ൻ ക​വ​ചി​ത കേ​ബി​ളു​ക​ളാ​ക്കി മാ​റ്റു​ന്ന​ത്.

മൂന്ന് ഡിവിഷനുകളാണ് ഷൊ​ർ​ണൂ​ർ സ​ർ​ക്കി​ൾ പ​രി​ധി​യി​ൽ ഉ​ൾ​പ്പെ​ടു​ന്ന​ത്. ഇ​ൻ​സു​ലേ​റ്റ​ഡ് കേ​ബി​ളാ​ണ് (ക​വേ​ഡ് ക​ണ്ട​ക്ട​ർ) ഇ​വി​ട​ങ്ങ​ളി​ൽ സ്ഥാ​പി​ക്കു​ന്ന​ത്. ഒ​രു ത​ട​സവു​മി​ല്ലാ​തെ സു​ഗ​മ​മാ​യി വൈ​ദ്യു​തി വി​ത​ര​ണ​ത്തി​നാ​യാ​ണ് ഈ ​പ​ദ്ധ​തി ന​ട​പ്പി​ലാ​ക്കു​ന്ന​ത്.

പ്ര​ധാ​ന​മാ​യി ഷൊ​ർ​ണൂ​രും മ​ണ്ണാ​ർ​ക്കാ​ടും ഏ​രി​യ​ക​ളി​ലാ​ണ് കൂ​ടു​ത​ൽ പ്ര​വ​ർ​ത്ത​ന​ങ്ങ​ൾ ഇ​തി​നാ​യി ന​ട​ക്കു​ന്ന​ത്. 29 സെ​ക്ഷ​നു​ക​ളാ​ണ് സ​ർ​ക്കി​ൾ പ​രി​ധി​യി​ലു​ള്ള​ത്. ഇ​തി​ൽ വാ​ണി​യം​കു​ളം സെ​ക്ഷ​ൻ പ​രി​ധി​യി​ൽ ഒ​ന്നാം​ഘ​ട്ട പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​യി. ഷൊ​ർ​ണൂ​ർ സ​ബ് സ്റ്റേ​ഷ​ൻ മു​ത​ൽ കൂ​ന​ത്ത​റ വ​രെ​യു​ള്ള 2.8 കി​ലോ​മീ​റ്റ​ർ ദൂ​ര​ത്തി​ൽ പ​ദ്ധ​തി പൂ​ർ​ത്തീ​ക​രി​ച്ചു ക​ഴി​ഞ്ഞു.​ വൈ​ദ്യു​തി​വി​ത​ര​ണ​ത്തി​ന്‍റെ ഗു​ണ​നി​ല​വാ​ര​വും വി​ശ്വാ​സ്യ​ത​യും മെ​ച്ച​പ്പെ​ടു​ത്തു​ന്ന​തി​നാ​യി കേ​ന്ദ്ര​സ​ർ​ക്കാ​ർ ന​ട​പ്പാ​ക്കു​ന്ന ആ​ർഡിഎ​സ്എ​സ് പ​ദ്ധ​തി​യി​ൽ ഉ​ൾ​പ്പെ​ടു​ത്തി​യാ​ണ് ന​ട​പ​ടി​ക​ൾ. കേ​ബി​ളു​ക​ൾ വ​ലി​ക്കു​ന്ന​തി​നൊ​പ്പം വൈ​ദ്യു​ത​ത്തൂ​ണു​ക​ളി​ൽ വ​യ​റു​ക​ൾ ഘ​ടി​പ്പി​ക്കു​ന്ന കോ​മ്പോ​സി​റ്റ് പി​ന്നു​ക​ളും ഇ​തോ​ടൊ​പ്പം മാ​റ്റു​ന്നു​ണ്ട്.

കേ​ബി​ളു​ക​ളു​ടെ ഭാ​രം താ​ങ്ങാ​ൻ ക​ഴി​യാ​ത്ത കാ​ല​പ്പ​ഴ​ക്കം ചെ​ന്ന വൈ​ദ്യു​ത​ത്തൂ​ണു​ക​ൾ മാ​റ്റി​സ്ഥാ​പി​ച്ചാ​ണ് പ​ണി​ക​ൾ ന​ട​ത്തു​ന്ന​ത്. മ​ഴ​ക്കാ​ല​മാ​യാ​ൽ കെഎ​സ്ഇബി അ​നു​ഭ​വി​ച്ചി​രു​ന്ന പ്ര​യാ​സ​ങ്ങ​ൾ​ക്ക് ഒ​രു പ​രി​ധി വ​രെ ക​വ​ചി​ത​കേ​ബി​ളു​ക​ൾ സ്ഥാ​പി​ക്കു​ന്ന​തി​ലൂ​ടെ പ​രി​ഹാ​ര​മാ​കും. ക​മ്പി​ക​ൾ പൊ​ട്ടി​വീ​ണാ​ലും ജ​ന​ങ്ങ​ൾ​ക്ക് അ​പ​ക​ട​സാ​ധ്യ​ത കു​റ​യും. എ​ച്ച്.​ടി, എ​ൽ.​ടി ലൈ​നു​ക​ളാ​ണ് മാ​റ്റു​ന്ന​ത്. ഇ​ട​ക്കി​ടെ മ​ര​ങ്ങ​ൾ വീ​ണും മ​ര​ച്ചി​ല്ല​ക​ൾ വീ​ണും വൈ​ദ്യു​ത​ലൈ​നു​ക​ൾ പൊ​ട്ടു​ന്ന​ത് പ​തി​വാ​ണ്. അ​ർ​ധ​രാ​ത്രി​യി​ല​ട​ക്കം സം​ഭ​വി​ക്കു​ന്ന ഇ​ത്ത​രം പ്ര​ശ്ന​ങ്ങ​ൾ​ക്ക് ഉ​ട​ന​ടി പ​രി​ഹാ​രം കാ​ണേ​ണ്ട സ്ഥി​തി​യാ​യി​രു​ന്നു അ​ധി​കൃ​ത​ർ​ക്ക്.

ഇ​ട​ക്കി​ടെ ലൈ​നു​ക​ൾ​ക്ക് മു​ക​ളി​ൽ നി​ൽ​ക്കു​ന്ന ചി​ല്ല​ക​ൾ വെ​ട്ടി​മാ​റ്റ​ലും ഒ​രു പ​ണി​യാ​യി മാ​റി​യി​രു​ന്നു. ഇ​തി​നാ​യി ഇ​ട​ക്കി​ടെ വൈ​ദ്യു​തി​ബ​ന്ധം വി​ച്ഛേ​ദി​ക്കു​ന്ന​തോ​ടെ നാ​ട്ടു​കാ​ർ​ക്കും പ​രാ​തി​യാ​യി​രു​ന്നു. കേ​ബി​ളു​ക​ൾ ആ​കു​ന്ന​തോ​ടെ ഇ​തി​നെ​ല്ലാം ശാ​ശ്വ​ത​പ​രി​ഹാ​ര​മാ​കും.

മ​ര​ച്ചി​ല്ല​ക​ളോ മ​റ്റ് വ​ള്ളി​ക​ളോ വീ​ണാ​ലും വൈ​ദ്യു​തി ത​ട​സപ്പെ​ടി​ല്ലെ​ന്നും അ​പ​ക​ട​ങ്ങ​ൾ വ​ള​രെ​യേ​റെ കു​റ​യ്ക്കാ​ൻ ക​ഴി​യു​മെ​ന്നും അ​ധി​കൃ​ത​ർ പ​റ​ഞ്ഞു. സ​ർ​ക്കി​ൾ കീ​ഴി​ലു​ള്ള പ്രൊ​ജ​ക്ട് മാ​നേ​ജ്മെ​ന്‍റ് യൂ​ണി​റ്റി​ന്‍റെ കീ​ഴി​ലാ​ണ് പ്രവ​ർ​ത്ത​ന​ങ്ങ​ൾ ന​ട​ക്കു​ന്ന​ത്. അ​ലു​മി​നി​യം ക​മ്പി​ക​ൾ മാ​റ്റി​യാ​ണ് പു​തി​യ ഇ​ൻ​സു​ലേ​റ്റ​ഡ് കേ​ബി​ൾ വ​ലി​ക്കു​ന്ന​ത്.