ക​ണ്ണാ​റ: മ​ല​യോ​ര​ ഹൈ​വേ​യി​ൽ ക​ണ്ണാ​റ സെ​ന്‍റ​റി​ൽ കെ​എ​ഫ്ആ​ർ​ഐ​യു​ടെ പ​മ്പി​ംഗ്് പൈ​പ്പ്‌ലൈ​ൻ ത​ക​ർ​ന്നു. ഇ​തോ​ടെ അ​റ്റ​കു​റ്റ പ്പണി​ക​ൾ​ക്കാ​യി പു​തി​യ റോ​ഡ് വെ​ട്ടി​പ്പൊ​ളി​ക്കാ​നു​ള്ള കെ​എ​ഫ്ആ​ർ​ഐ ജീ​വ​ന​ക്കാ​രു​ടെ ശ്ര​മം നാ​ട്ടു​കാ​ർ ത​ട​ഞ്ഞു.

മ​ല​യോ​ര​ഹൈ​വേ​യു​ടെ ഉ​ദ്ഘാ​ട​ന​ത്തി​നുമു​ൻ​പുത​ന്നെ പ്ര​ദേ​ശ​ത്ത് പൈ​പ്പ് പൊ​ട്ടി വെ​ള്ളം റോ​ഡി​ലൂ​ടെ ഒ​ഴു​കു​ന്ന​ത് ശ്ര​ദ്ധ​യി​ൽ​പ്പെ​ട്ടി​രു​ന്നു. ക​ണ്ണാ​റ പു​ഴ​യോ​ര​ത്തു​ള്ള പ​മ്പ് ഹൗ​സി​ൽ നി​ന്നും കെ​എ​ഫ്ആ​ർ​ഐ​യു​ടെ വാ​ട്ട​ർ ടാ​ങ്കി​ലേ​ക്കു​ള്ള പ​മ്പി​ംഗ് പൈ​പ്പ്‌ലൈ​നാ​ണ് ത​ക​ർ​ന്ന​ത്. എ​ന്നാ​ൽ വേ​ണ്ട ന​ട​പ​ടി​ക​ൾ സ്വീ​ക​രി​ക്കാ​ൻ കെ​എ​ഫ്ആ​ർ​ഐ അ​ധി​കൃ​ത​ർ ത​യാ​റാ​യി​രു​ന്നി​ല്ല.

ഇ​ന്ന​ലെ രാ​വി​ലെ​യാ​ണ് കെ​എ​ഫ്ആ​ർ​ഐ ജീ​വ​ന​ക്കാ​ർ എ​ത്തി പു​തി​യ റോ​ഡ് വെ​ട്ടി​പ്പൊ​ളി​ക്കാ​ൻ തു​ട​ങ്ങി​യ​ത്. ഇ​തോ​ടെ പ്ര​ദേ​ശ​ത്തെ ഓ​ട്ടോ​റി​ക്ഷ തൊ​ഴി​ലാളിക​ളും നാ​ട്ടു​കാ​രും ചേ​ർ​ന്ന് പ​ണി​ക​ൾ ത​ട​യു​ക​യാ​യി​രു​ന്നു. റോ​ഡ് വെ​ട്ടി​പ്പൊ​ളി​ക്കു​ന്ന ഭാ​ഗം റീ​ട്ടാ​റിം​ഗ് ന​ട​ത്താ​ൻ സാ​ധി​ക്കി​ല്ലെ​ന്നും കോ​ൺ​ക്രീ​റ്റ് ഇ​ട്ട് നി​ര​പ്പാ​ക്കാം എ​ന്നു​മാ​ണ് ജീ​വ​ന​ക്കാ​ർ അ​റി​യി​ച്ച​ത്. എ​ന്നാ​ൽ ഉ​ദ്ഘാ​ട​നം ക​ഴി​ഞ്ഞ് ദി​വ​സ​ങ്ങ​ൾ മാ​ത്ര​മാ​യ പു​തി​യ റോ​ഡ് വെ​ട്ടി​പ്പൊ​ളി​ക്കാ​ൻ അ​നു​വ​ദി​ക്കി​ല്ലെ​ന്നും പ​ക​രം മ​റ്റു സം​വി​ധാ​ന​ങ്ങ​ൾ ന​ട​പ്പാ​ക്ക​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ടു​ക​യാ​യി​രു​ന്നു.