കൊ​ച്ചി: വി​ച്ഛേ​ദി​ച്ച വാ​ട്ട​ര്‍ ക​ണ​ക്ഷ​ന്‍ പു​ന​സ്ഥാ​പി​ച്ചു കി​ട്ടാ​ൻ കൈ​ക്കൂ​ലി ആ​വ​ശ്യ​പ്പെ​ട്ട ജീ​വ​ന​ക്കാ​ര​ൻ കൈ​ക്കൂ​ലി വാ​ങ്ങു​ന്ന​തി​നി​ടെ അ​റ​സ്റ്റി​ലാ​യി. തോ​പ്പും​പ​ടി വാ​ട്ട​ര്‍ അ​ഥോ​റി​റ്റി​യി​ലെ പ്ലം​ബ​ര്‍ പി. ​ഷാ​ജി​മോ​നെ വി​ജി​ല​ന്‍​സ് എ​റ​ണാ​കു​ളം യൂ​ണി​റ്റ് ഡി​വൈ​എ​സ്പി എ​ന്‍.​ആ​ര്‍. ജ​യ​രാ​ജി​ന്‍റെ നേ​തൃ​ത്വ​ത്തി​ലു​ള്ള വി​ജി​ല​ന്‍​സ് സം​ഘം അ​റ​സ്റ്റ് ചെ​യ്ത​ത്. ഇ​യാ​ളു​ടെ പ​ക്ക​ല്‍ നി​ന്നും കൈ​ക്കൂ​ലി​യാ​യി വാ​ങ്ങി​യ 7,000 രൂ​പ ക​ണ്ടെ​ടു​ത്തു.

വെ​ള്ള​ക്ക​രം അ​ട​യ്ക്കാ​ത്ത​തി​നാ​ല്‍ പ​ള്ളു​രു​ത്തി സ്വ​ദേ​ശി​നി​യാ​യ പ​രാ​തി​ക്കാ​രി​യു​ടെ വാ​ട്ട​ര്‍ ക​ണ​ക്ഷ​ന്‍ ഒ​രു വ​ര്‍​ഷം മു​മ്പ് വി​ശ്ചേ​ദി​ച്ചി​രു​ന്നു. കു​ടി​ശി​ക അ​ട​ച്ചെ​ങ്കി​ലും ക​ണ​ക്ഷ​ൻ പു​ന​സ്ഥാ​പി​ച്ചു കി​ട്ടി​യി​ല്ല. തു​ട​ര്‍​ന്ന് പ​രാ​തി​ക്കാ​രി ഇ​ന്ന​ലെ പ്ലം​ബ​റെ ഫോ​ണി​ല്‍ വി​ളി​ച്ച​പ്പോ​ള്‍ 7,000 രൂ​പ കൈ​ക്കൂ​ലി ന​ല്‍​കി​യാ​ല്‍ മാ​ത്ര​മേ വാ​ട്ട​ര്‍ ക​ണ​ക്ഷ​ന്‍ പു​ന​സ്ഥാ​പി​ച്ചു ന​ല്കാ​നാ​കൂ എ​ന്നാ​യി​രു​ന്നു മ​റു​പ​ടി.

ഈ ​വി​വ​രം പ​രാ​തി​ക്കാ​രി വി​ജി​ല​ന്‍​സി​നെ അ​റി​യി​ച്ചു. തു​ട​ര്‍​ന്ന് ഇ​ന്ന​ലെ വൈ​കി​ട്ട് 4.50ഓ​ടെ തോ​പ്പും​പ​ടി കു​രി​ശു പ​ള്ളി​ക്ക് സ​മീ​പ​ത്തു​വ​ച്ച് പ​രാ​തി​ക്കാ​രി​യി​ല്‍ നി​ന്നു 7,000 രൂ​പ കൈ​ക്കൂ​ലി വാ​ങ്ങ​വേ വി​ജി​ല​ന്‍​സ് സം​ഘം കൈ​യോ​ടെ പി​ടി​കൂ​ടു​ക​യാ​യി​രു​ന്നു. പ്ര​തി​യെ ഇ​ന്ന് തൃ​ശൂ​ര്‍ വി​ജി​ല​ന്‍​സ് കോ​ട​തി​യി​ല്‍ ഹാ​ജ​രാ​ക്കും.