പ​റ​വൂ​ർ: ലോ​ട്ട​റി​യി​ൽ സ​മ്മാ​ന​മ​ടി​ച്ചെ​ന്ന് വി​ശ്വ​സി​പ്പി​ച്ച് വ്യാ​ജ ടി​ക്ക​റ്റുകൾ ന​ൽ​കി ക​ബ​ളി​പ്പി​ച്ച് പ​ണം ത​ട്ടി​യെ​ടു​ത്തു. പ​റ​വൂ​ർ വെ​സ്റ്റ് സ​ഹ​ക​ര​ണ ബാ​ങ്കി​ന് മു​ന്നി​ൽ സ്ഥി​ര​മാ​യി ലോ​ട്ട​റി വി​ല്പ​ന ന​ട​ത്തു​ന്ന വാ​വ​ക്കാ​ട് പ​ള്ള​ത്ത് ഹ​രി (68) ഇ​തു​സം​ബ​ന്ധി​ച്ച് പ​റ​വൂ​ർ പോ​ലീ​സി​ൽ പ​രാ​തി ന​ൽ​കി.

ഇ​ന്ന​ലെ രാ​വി​ലെ 10നും 11​നു​മി​ട​യി​ൽ ഇ​രു​ച​ക്ര​വാ​ഹ​ന​ത്തി​ലെ​ത്തി​യ യു​വാ​വ് ത​നി​ക്ക് ര​ണ്ടു ലോ​ട്ട​റി ടി​ക്ക​റ്റു​ക​ളി​ൽ 5000 രൂ​പ വീ​തം സ​മ്മാ​നം അ​ടി​ച്ചെ​ന്നും, സ​മ്മാ​ന​ത്തു​ക ന​ൽ​ക​ണ​മെ​ന്നും ആ​വ​ശ്യ​പ്പെ​ട്ട് ടി​ക്ക​റ്റുകൾ ഹ​രി​ക്കു ന​ൽ​കി. ത​ന്‍റെ കൈ​വ​ശ​മു​ണ്ടാ​യി​രു​ന്ന സ​മ്മാ​നം അ​ടി​ച്ച ന​മ്പ​റു​ക​ൾ പ​രി​ശോ​ധി​ച്ച​പ്പോ​ൾ ടി​ക്ക​റ്റി​ലെ ന​മ്പ​ർ കൃ​ത്യ​മാ​യി​രു​ന്ന​തി​നാ​ൽ ഹ​രി ടി​ക്ക​റ്റു​ക​ൾ വാ​ങ്ങി 10,000 രൂ​പ ന​ൽ​കി.

1,600 രൂ​പ​യ്ക്ക് ഹ​രി​യു​ടെ കൈ​യി​ൽ നി​ന്നും വേ​റെ ടി​ക്ക​റ്റു​ക​ളും യു​വാ​വ് എ​ടു​ത്തു.​സ​മ്മാ​നം അ​ടി​ച്ചെ​ന്നു വി​ശ്വ​സി​പ്പി​ച്ചു യു​വാ​വു ന​ൽ​കി​യ ടി​ക്ക​റ്റു​ക​ളു​മാ​യി ഹ​രി പ​തി​വാ​യി ടി​ക്ക​റ്റെ​ടു​ക്കു​ന്ന കൊ​ടു​ങ്ങ​ല്ലൂ​രി​ലെ ഏ​ജ​ൻ​സി​യി​ൽ ചെ​ന്ന​പ്പോ​ഴാ​ണ് ത​ട്ടി​പ്പു ന​ട​ന്ന​താ​യി മ​ന​സി​ലാ​യ​ത്. തു​ട​ർ​ന്നാ​ണ് പ​രാ​തി ന​ൽ​കി​യ​ത്. യ​ഥാ​ർ​ഥ ടി​ക്ക​റ്റി​ന്‍റെ അ​തേ വ​ലി​പ്പ​ത്തി​ൽ ത​ന്നെ​യാ​ണ് വ്യാ​ജ ടി​ക്ക​റ്റും ത​യാ​റാ​ക്കി​യി​രി​ക്കു​ന്ന​ത്. ടി​ക്ക​റ്റി​ലെ നി​റ​ങ്ങ​ളി​ൽ വ്യ​ത്യാ​സം ഉ​ണ്ടാ​യി​രു​ന്നെ​ങ്കി​ലും ന​മ്പ​ർ കൃ​ത്യ​മാ​യി​രു​ന്ന​തി​നാ​ൽ ഹ​രി​യു​ടെ ശ്ര​ദ്ധ​യി​ൽ​പ്പെ​ട്ടി​ല്ല.

പ​ണം ത​ട്ടി​യ ആ​ൾ ഹെ​ൽ​മ​റ്റ് വ​ച്ചി​രു​ന്ന​തി​നാ​ൽ മു​ഖം കൃ​ത്യ​മാ​യി കാ​ണാ​നാ​യി​ല്ല. എ​ന്നാ​ൽ, ഇ​യാ​ൾ ഹ​രി​യു​മാ​യി സം​സാ​രി​ക്കു​ന്ന​തി​ന്‍റെ ദൃ​ശ്യ​ങ്ങ​ൾ സ​മീ​പ​ത്തെ സ​ഹ​ക​ര​ണ ബാ​ങ്കി​ന്‍റെ സി​സി​ടി​വി​യി​ൽ പ​തി​ഞ്ഞി​ട്ടു​ണ്ട്.