വേ​ത​ന വ​ര്‍​ധ​ന​വി​ല്ല, പ​ണി​യും കു​റ​വ് : തൊ​ഴി​ലു​റ​പ്പി​ന് തൊ​ഴി​ലാ​ളി ക്ഷാ​മം
Friday, September 20, 2024 3:23 AM IST
കൊ​ച്ചി: വേ​ത​ന വ​ര്‍​ധ​ന​വി​ന് പു​റ​മേ പ​ണി​യും കു​റ​ഞ്ഞ​തോ​ടെ ജി​ല്ല​യി​ല്‍ തൊ​ഴി​ലു​റ​പ്പി​ന് തൊ​ഴി​ലാ​ളി​ക​ളെ കി​ട്ടാ​തെ​യാ​യി. പ​ല പ​ഞ്ചാ​യ​ത്തു​ക​ളി​ലും ആ​ളി​ല്ലാ​ത്ത അ​വ​സ്ഥ​യാ​ണ്. നേ​ര​ത്തെ മൂ​ന്ന​ര ല​ക്ഷ​ത്തി​ല​ധി​കം തൊ​ഴി​ലാ​ളി​ക​ളാ​ണ് ജി​ല്ല​യി​ല്‍ തൊ​ഴി​ലു​റ​പ്പി​ന്‍റെ ഭാ​ഗ​മാ​യി​രു​ന്ന​തെ​ങ്കി​ല്‍ നി​ല​വി​ല്‍ ഇ​ത് ഒ​ന്ന​ര ല​ക്ഷ​ത്തോ​ളം മാ​ത്ര​മാ​യി ചു​രു​ങ്ങി​യി​രി​ക്കു​ക​യാ​ണ്.

നി​യ​മ​പ്ര​കാ​രം ഒ​രു ജോ​ലി ക​ഴി​ഞ്ഞാ​ല്‍ 15 ദി​വ​സ​ത്തി​നു​ള്ളി​ല്‍ തൊ​ഴി​ലാ​ളി​ക​ളു​ടെ അ​ക്കൗ​ണ്ടി​ല്‍ പ​ണ​മെ​ത്ത​ണ​മെ​ന്നാ​ണ് വ്യ​വ​സ്ഥ. എ​ന്നാ​ല്‍ മൂ​ന്നു​മു​ത​ല്‍ ആ​റു​മാ​സം വ​രെ വൈ​കി​യാ​ണ് നി​ല​വി​ല്‍ തൊ​ഴി​ലാ​ളി​ക​ള്‍​ക്ക് പ​ണം ല​ഭി​ക്കു​ന്ന​ത്. ഇ​തി​നു​പു​റ​മേ വേ​ത​നം വ​ര്‍​ധി​ക്കാ​ത്ത​തും തൊ​ഴി​ലാ​ളി ക്ഷാ​മ​ത്തി​ന് കാ​ര​ണ​മാ​യി​ട്ടു​ണ്ട്.

പ്ര​തി​ദി​നം 346 രൂ​പ​യാ​ണ് വേ​ത​നം. നേ​ര​ത്തെ ഇ​ത് 333 രൂ​പ​യാ​യി​രു​ന്നു. ബ​ഡ്ജ​റ്റി​ല്‍ 13 രൂ​പ വ​ര്‍​ധി​പ്പി​ച്ചി​രു​ന്നു. എ​ന്നാ​ല്‍ പ​ല​പ്പോ​ഴും ഇ​ത് കു​ടി​ശി​ക​യാ​ണെ​ന്നും തൊ​ഴി​ലാ​ളി​ക​ള്‍ പ​റ​യു​ന്നു.


ഒ​രു ഭൂ​വു​ട​മ​യു​ടെ സ്ഥ​ല​ത്ത് ഒ​രു​ത​വ​ണ ജോ​ലി ചെ​യ്താ​ല്‍ അ​ടു​ത്ത മൂ​ന്നു​വ​ര്‍​ഷ​ത്തേ​ക്ക് ജോ​ലി ചെ​യ്യാ​ന്‍ പാ​ടി​ല്ലെ​ന്നാ​ണ് പു​തി​യ നി​ര്‍​ദേ​ശം. പ​ണി കു​റ​യു​ന്ന​തി​ന് ഈ ​പു​തി​യ നി​ര്‍​ദേ​ശ​വും കാ​ര​ണ​മാ​യി​ട്ടു​ണ്ട്. കൃ​ഷി, പ​റ​മ്പ് വൃ​ത്തി​യാ​ക്ക​ല്‍, മ​ഴ​ക്കു​ഴി നി​ര്‍​മാ​ണം, കി​ണ​ര്‍ നി​ര്‍​മാ​ണം, തൊ​ഴു​ത്ത് നി​ര്‍​മാ​ണം, കൈ​യാ​ല നി​ര്‍​മാ​ണം, കെ​ട്ടി​ട നി​ര്‍​മാ​ണം തു​ട​ങ്ങി​യ​വ​യാ​ണ് ജി​ല്ല​യി​ലെ പ്ര​ധാ​ന തൊ​ഴി​ലു​ക​ള്‍.

മു​മ്പ് റ​ബ​ര്‍ തോ​ട്ട​ങ്ങ​ളി​ല്‍ വ​ള​മി​ടാ​നാ​യി ചെ​റി​യ കു​ഴി​ക​ള്‍ എ​ടു​ത്താ​ല്‍ മ​തി​യാ​യി​രു​ന്നു. ഇ​പ്പോ​ള്‍ മൂ​ന്ന് മീ​റ്റ​ര്‍ ആ​ഴ​ത്തി​ല്‍ വ​രെ കു​ഴി എ​ടു​ക്ക​ണം. ഇ​ത്ര​യും ആ​ഴ​ത്തി​ല്‍ കു​ഴി എ​ടു​ക്കാ​ന്‍ സ്ഥ​ല​യു​ട​മ​ക​ള്‍ സ​മ്മ​തി​ക്കാ​ത്ത​തും ജോ​ലി ന​ഷ്ട​ത്തി​നു കാ​ര​ണ​മാ​യി​ട്ടു​ണ്ട്.