തൃ​പ്പൂ​ണി​ത്തു​റ: ചി​ട്ടി സ്ഥാ​പ​ന ഉ​ട​മ​യെ ആ​ക്ര​മി​ച്ച് സ്വ​ർ​ണ​വും പ​ണ​വും ക​വ​ർ​ന്ന കേ​സി​ലെ പ്ര​തി പി​ടി​യി​ലാ​യി. പാ​ല​ക്കാ​ട് ക​രി​മ്പു​ഴ പ​ടി​ഞ്ഞാ​റേ​തി​ൽ ഫാ​സി​ല​യെ (36) യാ​ണ് ഹി​ൽ​പാ​ല​സ് പോ​ലീ​സ് അ​റ​സ്റ്റ് ചെ​യ്ത​ത്.

പ​ഴ​യ ബ​സ് സ്റ്റാ​ൻ​ഡി​നു സ​മീ​പ​മു​ള്ള സാ​ൻ പ്രീ​മി​യ​ർ ചി​ട്ടി സ്ഥാ​പ​ന ഉ​ട​മ കീ​ഴ​ത്ത് വീ​ട്ടി​ൽ കെ.​എ​ൻ. സു​കു​മാ​ര​മേ​നോ​ൻ സ്ഥാ​പ​ന​ത്തി​ൽ ത​നി​ച്ചാ​യി​രു​ന്ന സ​മ​യം ക​ഴി​ഞ്ഞ 21ന് ​രാ​വി​ലെ 9.30യോ​ടെ പ​ർ​ദ ധ​രി​ച്ചു​വ​ന്ന പ്ര​തി സോ​സും മു​ള​കു​പൊ​ടി​യും ക​ല​ർ​ത്തി കു​ഴ​മ്പ് രൂ​പ​ത്തി​ലാ​ക്കി​യ മി​ശ്രി​തം ദേ​ഹ​ത്തൊ​ഴി​ച്ച് ശേ​ഷം മ​ർ​ദി​ച്ച് മൂ​ന്നു പ​വ​ന്‍റെ സ്വ​ർ​ണ​മാ​ല​യും 10,000 രൂ​പ​യു​മാ​യി ക​ട​ന്നു ക​ള​യു​ക​യാ​യി​രു​ന്നു.

ക​വ​ർ​ച്ച​യ്ക്ക് ശേ​ഷം ഓ​ട്ടോ​റി​ക്ഷ​യി​ൽ ക​ണ്ണ​ൻ​കു​ള​ങ്ങ​ര​യി​ൽ വ​ന്നി​റ​ങ്ങി പ​ർ​ദ അ​ഴി​ച്ച് മാ​റ്റി ഓ​ടു​ന്ന​തും തി​രി​ച്ചു ന​ട​ന്നു വ​രു​ന്ന​തു​ൾ​പ്പെ​ടെ​യു​ള്ള ദൃ​ശ്യ​ങ്ങ​ൾ സി​സി​ടി​വി കാ​മ​റ​യി​ൽ പ​തി​ഞ്ഞി​രു​ന്നു.

ഇ​തു​ൾ​പ്പെ​ടെ ഒ​ട്ടേ​റെ സി​സി​ടി​വി കാ​മ​റ​ക​ൾ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​യെ തി​രി​ച്ച​റി​ഞ്ഞ് പാ​ല​ക്കാ​ടു​ള്ള വീ​ട്ടി​ൽ​നി​ന്നു ചൊ​വ്വാ​ഴ്ച രാ​വി​ലെ പി​ടി​കൂ​ടി​യ​ത്. ര​ണ്ടു വ​ർ​ഷ​മാ​യി ചി​ട്ടി സ്ഥാ​പ​ന ഉ​ട​മ​യു​ടെ വീ​ടി​ന് സ​മീ​പ​മു​ള്ള ഫ്ലാ​റ്റി​ൽ വാ​ട​ക​യ്ക്ക് താ​മ​സി​ക്കു​ന്ന ഫാ​സി​ല ഇ​യാ​ളു​ടെ ചി​ട്ടി സ്ഥാ​പ​ന​ത്തി​ൽ മ​റ്റൊ​രാ​ളു​ടെ പേ​രി​ൽ നാ​ലു ചി​ട്ടി ചേ​ർ​ന്നി​രു​ന്നു.

നി​ര​വ​ധി ത​വ​ണ സ്ഥാ​പ​ന​ത്തി​ൽ വ​രി​ക​യും മൂ​ന്നു ത​വ​ണ അ​ക്ര​മം ന​ട​ത്തി​യ കാ​ബി​നി​ലി​രി​ക്കു​ക​യും ചെ​യ്തി​ട്ടു​ള്ള ഫാ​സി​ല, സു​കു​മാ​ര​ന്‍റെ വീ​ട്ടി​ൽ സ്ഥി​ര​മാ​യെ​ത്തി ഭ​ക്ഷ​ണ​മു​ൾ​പ്പെ​ടെ ക​ഴി​ക്കാ​റു​മു​ണ്ടാ​യി​രു​ന്നു.

ഓ​ഫീ​സി​ലെ സാ​ഹ​ച​ര്യ​മെ​ല്ലാം മ​ന​സി​ലാ​ക്കി​യാ​ണ് ഇ​വ​ർ രാ​വി​ലെ ഓ​ഫീ​സി​ൽ മ​റ്റു ജീ​വ​ന​ക്കാ​രി​ല്ലാ​ത്ത സ​മ​യം ക​വ​ർ​ച്ച​യ്ക്കാ​യി തെ​ര​ഞ്ഞെ​ടു​ത്ത​ത്. വി​വി​ധ സ്റ്റേ​ഷ​നു​ക​ളി​ലാ​യി നി​ര​വ​ധി മോ​ഷ​ണ​ക്കേ​സു​ക​ളി​ൽ പ്ര​തി​യാ​യ ഫാ​സി​ല​യെ പാ​ല​ക്കാ​ട് ഒ​റ്റ​പ്പാ​ല​ത്ത് കൂ​ട​ത്താ​യി മോ​ഡ​ൽ കൊ​ല​പാ​ത​ക ശ്ര​മ​ത്തി​ന് കോ​ട​തി ക​ഠി​ന ത​ട​വി​നും ശി​ക്ഷി​ച്ചി​ട്ടു​ണ്ട്. ഹി​ൽ​പാ​ല​സ് സ്റ്റേ​ഷ​ൻ എ​സ്എ​ച്ച്ഒ ആ​ന​ന്ദ് ബാ​ബു​വി​ന്‍റെ നേ​തൃ​ത്വ​ത്തി​ലുള്ള സംഘമാണ് പ്രതിയെ പിടികൂടിയത്.