മൃതദേഹവുമായി പോയ ആം​ബു​ല​ന്‍​സ് അപകടത്തിൽപ്പെട്ടു
Wednesday, September 20, 2023 5:58 AM IST
കൊ​ച്ചി: തി​രു​വ​ന​ന്ത​പു​ര​ത്തു നി​ന്ന് കോ​ഴി​ക്കോ​ട്ടേ​ക്ക് മൃ​ത​ദേ​ഹ​വു​മാ​യി പോ​കു​ക​യാ​യി​രു​ന്ന ആം​ബു​ല​ന്‍​സ് പാ​ലാ​രി​വ​ട്ടം ബൈ​പാ​സി​ല്‍ നി​യ​ന്ത്ര​ണം വി​ട്ടു​മ​റി​ഞ്ഞു. ആം​ബു​ല​ൻ​സി​ൽ ഉ​ണ്ടാ​യി​രു​ന്ന മ​രി​ച്ച​യാ​ളു​ടെ ബ​ന്ധു​വി​ന് നി​സാ​ര പ​രി​ക്കേ​റ്റു.

ഇ​ന്ന​ലെ പു​ല​ര്‍​ച്ചെ ഒ​ന്നോ​ടെ​യാ​യി​രു​ന്നു അ​പ​ക​ടം. ആം​ബു​ല​ന്‍​സ് മ​റി​ഞ്ഞ​തി​നെ തു​ട​ര്‍​ന്ന് മൃ​ത​ദേ​ഹം സൂ​ക്ഷി​ച്ചി​രു​ന്ന ഫ്രീ​സ​ര്‍ യൂ​ണി​റ്റ് റോ​ഡി​ലേ​ക്ക് തെ​റി​ച്ച് പി​ന്നി​ല്‍ വ​രി​ക​യാ​യി​രു​ന്ന കാ​റി​ന്‍റെ മു​ക​ളി​ലേ​ക്കാണ് പതി ച്ചത്. കാറിന് സാരമായ കേ​ടു​പാ​ടു​ക​ൾ സം​ഭ​വി​ച്ചിട്ടുണ്ട്.

പാ​ലാ​രി​വ​ട്ടം പോ​ലീ​സെ​ത്തി മൃ​ത​ദേ​ഹം അ​ടു​ത്തു​ള്ള സ്വ​കാ​ര്യ ആ​ശു​പ​ത്രി​യി​ല്‍ എ​ത്തി​ച്ചു. തു​ട​ർ​ന്ന് ബ​ന്ധു​ക്ക​ളെ വി​ളി​ച്ചു വ​രു​ത്തി മൃ​ത​ദേ​ഹം മ​റ്റൊ​രു ആം​ബു​ല​ന്‍​സി​ലാ​ണ് കോ​ഴി​ക്കോ​ട്ടേ​ക്ക് കൊ​ണ്ടു​പോ​യ​ത്.

ആം​ബു​ല​ന്‍​സ് ഡ്രൈ​വ​ര്‍ പെ​ട്ടെ​ന്ന് ബ്രേ​ക്ക് ചെ​യ്ത​പ്പോ​ള്‍ വാ​ഹ​നം തെ​ന്നി മ​റി​ഞ്ഞ​താ​കാ​മെ​ന്നും ആം​ബു​ല​ന്‍​സി​ന്‍റെ നാ​ല് ട​യ​റു​ക​ളും തേ​ഞ്ഞ് കാ​ലാ​വ​ധി ക​ഴി​ഞ്ഞ​താ​ണെ​ന്നും പാ​ലാ​രി​വ​ട്ടം പോ​ലീ​സ് പ​റ​ഞ്ഞു.

Copyright @ 2022 , Rashtra Deepika Ltd.