ഉപ്പു​ത​റ: ക​ണ്ണം​പ​ടി, മേ​മാ​രി നി​വാ​സി​ക​ൾ പ​രി​ധി​യിൽ. ബിഎ​സ് എ​ൻഎ​ൽ ചൊ​റി​യ​ൻത​ണ്ടി​ൽ ട​വ​ർ സ്ഥാ​പി​ച്ച​തോ​ടെ​യാ​ണ് മേ​ഖ​ല പ​രി​ധി​ക്കു​ള്ളി​ലാ​യ​ത്. ട​വ​ർ സ്ഥാ​പി​ക്ക​ണ​മെ​ന്ന ആ​ദി​വാ​സി ജ​ന​വി​ഭാ​ഗ​ത്തി​ന്‍റെ വ​ർ​ഷ​ങ്ങ​ളാ​യു​ള​ള ആ​വ​ശ്യ​മാ​ണ് അം​ഗീ​ക​രി​ക്ക​പ്പെ​ട്ടി​രി​ക്കു​ന്ന​ത്. വ​നം വ​കു​പ്പി​ന്‍റെ എ​തി​ർ​പ്പാ​യി​രു​ന്നു ത​ട​സം.

ക​ണ്ണം​പ​ടി, മേ​മാ​രി ആ​ദി​വാ​സി സ​ങ്കേ​ത​ങ്ങ​ൾ വ​ന​ത്തിനു ന​ടു​വി​ലാ​ണ്. ഇ​വി​ടെ​യു​ള്ള​വ​ർ​ക്ക് പു​റം ലോ​ക​വു​മാ​യി ബ​ന്ധ​പ്പെ​ട​ണ​മെ​ങ്കി​ൽ മ​ര​ത്തി​ൽ ക​യ​റി റേ​ഞ്ച് പി​ടി​ക്ക​ണം. എ​ല്ലാ മ​ര​ങ്ങ​ളി​ലും റേ​ഞ്ച് ല​ഭി​ക്ക​ണ​മെ​ന്നു​മി​ല്ല. മൊ​ബൈ​ൽ നെ​റ്റ് വ​ർ​ക്ക് ല​ഭി​ക്കാ​ത്ത​തി​നാ​ൽ വ​ലി​യ ദു​രി​ത​മാ​ണ് അ​നു​ഭ​വി​ച്ചി​രു​ന്ന​ത്. കോ​വി​ഡ് കാ​ല​ത്ത് വി​ദ്യാ​ഭ്യാ​സം ഓ​ൺ​ലൈ​നാ​യ​പ്പോ​ൾ നെ​റ്റ്‌വ​ർ​ക്കി​ന്‍റെ അ​ഭാ​വം കു​ട്ടി​ക​ളു​ടെ വി​ദ്യാ​ഭ്യാ​സം മു​ട​ക്കി​. ഇ​തേത്തുട​ർ​ന്നാ​ണ് ജ​ന​പ്ര​തി​നി​ധി​ക​ൾ ട​വ​ർ സ്ഥാ​പി​ക്കാ​ൻ സ​ർ​ക്കാ​രി​ൽ സ​മ്മ​ർ​ദം ചെ​ലു​ത്തി​യ​ത്.

പ​ല ക​മ്പി​നി​ക​ളും ട​വ​ർ സ്ഥാ​പി​ക്കാ​ൻ സ​മ്മ​തം മൂ​ളി​യെ​ങ്കി​ലും വ​നം വ​കു​പ്പി​ന്‍റെ എ​തി​ർ​പ്പ് തി​രി​ച്ച​ടി​യാ​യി. ഒ​ടു​വി​ൽ സ​ർ​ക്കാ​രി​ന്‍റെ സ​മ്മ​ർ​ദ​ത്തി​ൽ വ​നംവ​കു​പ്പ് വ​ഴ​ങ്ങു​ക​യാ​യി​രു​ന്നു.​ അ​നു​മ​തി ല​ഭി​ച്ച​തോ​ടെ ബിഎ​സ്എ​ൻഎ​ൽ ട​വ​ർ സ്ഥാ​പിച്ചു. ​

ആ​ന​യും മ​റ്റ് വ​ന്യ​മൃ​ഗ​ങ്ങ​ളും ക​യ​റാ​തി​തി​രി​ക്കാ​ൻ സോ​ളാ​ർ വേ​ലി​യും സ്ഥാ​പി​ച്ചു. 4 ജി ​ട​വ​റാ​ണ്ണ് ഇ​വി​ടെ സ്ഥാ​പി​ച്ചി​രി​ക്കു​ന്ന​ത്.​ ഇ​നി ക​ണ്ണം​പി​ടി​ക്കാ​ർ​ക്ക് പു​റം​ലോ​ക​വു​മാ​യി ബ​ന്ധ​പ്പെ​ടാം.