രാ​ജാ​ക്കാ​ട്: ബൈ​സ​ണ്‍​വാ​ലി വി​ല്ലേ​ജി​ലെ ചൊ​ക്ര​മു​ടി​യി​ൽ ഭൂ​മി കൈ​യേ​റ്റം ന​ട​ന്ന​താ​യി പ്ര​ത്യേ​ക അ​ന്വേ​ഷ​ണ​സം​ഘ​വും റ​വ​ന്യു വ​കു​പ്പും സ്ഥി​രീ​ക​രി​ച്ച സ്ഥ​ല​ത്ത് വീ​ണ്ടും കൈ​യേ​റ്റ ശ്ര​മം. ഇ​ന്ന​ലെ രാ​വി​ലെ ഒ​ൻ​പ​തി​ന് പ​ത്തി​ല​ധി​കം പേ​ര​ട​ങ്ങു​ന്ന സം​ഘം ചൊ​ക്ര​മു​ടി​യി​ലേ​ക്ക് പ്ര​വേ​ശി​ക്കു​ന്ന റോ​ഡി​നു കു​റു​കെ​യു​ണ്ടാ​യി​രു​ന്ന ഗേ​റ്റി​ൽ നാ​ട്ടു​കാ​ർ സ്ഥാ​പി​ച്ചി​രു​ന്ന പൂ​ട്ട് പൊ​ളി​ച്ച് അ​ക​ത്തു ക​യ​റി വി​വാ​ദ ഭൂ​മി​യി​ലെ ഒ​രേ​ക്ക​റോ​ളം സ്ഥ​ല​ത്തെ പു​ല്ലും നീ​ല​ക്കു​റി​ഞ്ഞിച്ചെ​ടി​ക​ളും യ​ന്ത്രസ​ഹാ​യ​ത്തോ​ടെ വെ​ട്ടി ന​ശി​പ്പി​ച്ചു.​

സം​ഭ​വം അ​റി​ഞ്ഞ് ചൊ​ക്ര​മു​ടി സം​ര​ക്ഷ​ണ സ​മി​തി പ്ര​വ​ർ​ത്ത​ക​രും രാ​ജാ​ക്കാ​ട് പോ​ലീ​സും സ്ഥ​ല​ത്തെ​ത്തി. ഉ​ട​ൻ​ത​ന്നെ കാ​ടു വെ​ട്ടു​ന്ന യ​ന്ത്ര​ങ്ങ​ളു​മാ​യി ഏ​ഴോ​ളം പേ​ർ ഇ​വി​ടെ നി​ന്ന് വാ​ഹ​ന​ത്തി​ൽ ക​യ​റി ര​ക്ഷ​പ്പെ​ട്ടു. ​ഇ​വി​ടെ ഭൂ​മി വാ​ങ്ങി​യ അ​ടി​മാ​ലി സ്വ​ദേ​ശി​യു​ടെ​യും മ​റ്റ് സ്ഥ​ല​മു​ട​മ​ക​ളു​ടെ​യും തൊ​ഴി​ലാ​ളി​ക​ളാ​ണ് ത​ങ്ങ​ളെ​ന്ന് സം​ഘ​ത്തി​ലെ ചി​ല​ർ ചൊ​ക്ര​മു​ടി സം​ര​ക്ഷ​ണ​സ​മി​തി ഭാ​ര​വാ​ഹി​ക​ളോ​ട് പ​റ​ഞ്ഞു.
ചൊ​ക്ര​മു​ടി സം​ര​ക്ഷ​ണ സ​മി​തി ചെ​യ​ർ​മാ​നും ബൈ​സ​ണ്‍​വാ​ലി പ​ഞ്ചാ​യ​ത്തംഗ​വു​മാ​യ സ​ന്തോ​ഷ് ഭാ​സ്ക​ര​ന്‍റെ നേ​തൃ​ത്വ​ത്തി​ലു​ള്ള ഭാ​ര​വാ​ഹി​ക​ൾ വി​വ​രം സ​ബ് ക​ള​ക്ട​റെ അ​റി​യി​ച്ചു. എ​ങ്കി​ലും റ​വ​ന്യു സം​ഘം ഈ ​സ​മ​യ​ത്തൊ​ന്നും ഇ​വി​ടെ എ​ത്തി​യി​ല്ലെ​ന്ന് ഇ​വ​ർ പ​റ​യു​ന്നു.​

ചൊ​ക്ര​മു​ടി​യി​ലെ ഭൂ​മി കൈ​യേ​റ്റം സ്ഥി​രീ​ക​രി​ക്കു​ക​യും ഇ​വി​ടെ ഭൂ​മി വാ​ങ്ങി​യ​വ​രു​ടെ​യും പ​ട്ട​യ ഉ​ട​മ​ക​ളു​ടെ​യും വി​ചാ​ര​ണ പൂ​ർ​ത്തി​യാ​വു​ക​യും ചെ​യ്തി​ട്ടും തു​ട​ർ​ന​ട​പ​ടി​ക​ൾ സ്വീ​ക​രി​ക്കാ​ൻ വൈ​കു​ന്നു വെന്ന ആ​രോ​പ​ണം നി​ല​നി​ൽ​ക്കെ​യാ​ണ് വീ​ണ്ടും കൈ​യേ​റ്റശ്ര​മം ന​ട​ന്ന​ത്. സം​ഭ​വ​ത്തി​ൽ ദേ​വി​കു​ളം ത​ഹ​സീ​ൽ​ദാ​രോ​ട് റി​പ്പോ​ർ​ട്ട് ആ​വ​ശ്യ​പ്പെ​ട്ടി​ട്ടു​ണ്ടെ​ന്നും ക്രി​മി​ന​ൽ കേ​സെ​ടു​ക്കാ​ൻ നി​ർ​ദേ​ശി​ച്ചി​ട്ടു​ണ്ടെ​ന്നും ദേ​വി​കു​ളം സ​ബ് ക​ള​ക്ട​ർ വി.​എം. ജ​യ​കൃ​ഷ്ണ​ൻ അ​റി​യി​ച്ചു.