കു​മ​ളി: പു​തു​ത​ല​മു​റ​യ്ക്ക് ഫു​ട്ബോ​ൾ ത​ല​യി​ലേ​റ്റി അ​വ​രെ ഉ​യ​ര​ങ്ങ​ളി​ലേ​ക്ക് സ്വ​പ്നം കാ​ണാ​ൻ പ​ഠി​പ്പി​ച്ചി​രു​ന്ന കു​മ​ളി കാ​ലാ​പ്പ​ള്ളി കെ.​ജെ. യാ​സിൻ കു​മ​ളി​ക്ക​ര​യെ ക​ണ്ണീ​രി​ലാ​ക്കി ലോ​ക​ത്തോ​ട് വി​ട പ​റ​ഞ്ഞു. ഉ​റ​ക്ക​ത്തി​ലു​ണ്ടാ​യ ഹൃ​ദ​യാ​ഘാ​ത​മാ​ണ് മരണകാരണം.

വ്യാ​ഴാ​ഴ്ച വൈ​കു​ന്നേ​രം സു​ഹൃ​ത്തു​ക്ക​ളു​മാ​യി ഒ​ത്തുചേ​ർ​ന്ന​പ്പോ​ഴും ഫു​ട്ബോ​ളി​നേ​പ്പ​റ്റി​യാ​ണ് യാ​സി​ൻ സം​സാ​രി​ച്ചി​രു​ന്ന​തെ​ന്ന് സു​ഹൃ​ത്തു​ക്ക​ൾ ഓ​ർ​ക്കു​ന്നു. മാ​സ്റ്റ​ർ പീ​സ് ഫു​ട്ബോ​ൾ അ​ക്കാ​ഡ​മി ത​ന്നെ യാ​സി​ൻ കു​ട്ടി​ക​ൾ​ക്കാ​യി രൂ​പീ​ക​രി​ച്ചു. അ​ക്കാ​ഡ​മി എ​ല്ലാ വ​ർ​ഷ​വും ഫു​ട്ബോ​ൾ മ​ത്സ​ര​ങ്ങ​ളും സം​ഘ​ടി​പ്പി​ച്ചി​രു​ന്നു.

ചെ​റു​പ്പം മു​ത​ൽ കാ​ലി​ൽ ബൂ​ട്ട് കെ​ട്ടി മു​തി​ർ​ന്ന​വ​രു​ടെ കൂ​ടെ ക​ളി​ച്ചി​രു​ന്ന യാ​സി​ന്‍റെ ഫു​ട്ബോ​ളി​ലു​ള്ള മി​ക​വ് ഏ​വ​രി​ൽനി​ന്നും വ്യ​ത്യ​സ്ത​നാ​ക്കി. മി​ക​ച്ച താ​ര​ങ്ങ​ളു​ടെ ടെ​ക്നി​ക്കു​ക​ൾ വീ​ഡി​യോ​ക​ളി​ൽനി​ന്ന് യാ​സി​ൻ മ​ന​‌​സി​ലാ​ക്കി. ഫു​ട്ബോ​ൾ അ​ക്കാ​ഡ​മി സ്ഥാ​പി​ച്ച് നൂ​റു​ക​ണ​ക്കി​ന് കു​ട്ടി​ക​ളെ ഫു​ട്ബോ​ൾ പ​രി​ശീ​ലി​പ്പി​ച്ചു. യാ​സി​ൻ പരിശീലിപ്പിച്ച കു​ട്ടി​ക​ൾ പോ​ലീ​സ്, എ​ക്സൈ​സ് വ​കു​പ്പു​ക​ളി​ലും ഇ​ടം നേ​ടി.

അ​ദ്ദേ​ഹം പ​രി​ശീ​ലി​പ്പി​ച്ച സ്കൂ​ൾ ഗ്രൗ​ണ്ടി​ൽ അ​ദ്ദേ​ഹ​ത്തി​ന്‍റെ ചേ​ത​ന​യ​റ്റ ശ​രീ​രം പൊ​തു ദ​ർ​ശ​ന​ത്തി​നു വ​ച്ച​ത് നാ​ടി​ന്‍റെ ആ​ദ​ര​വാ​യി മാ​റി. പി​താ​വി​ന്‍റെ കൂ​ടെ ഫു​ട്ബോ​ൾ ക​ള​ര​ിയി​ലി​റ​ങ്ങി​യ മ​ക​ൻ അ​ബു​താ​ഹി​ർ മി​ലി​ട്ട​റി​യി​ലാ​ണ്. മ​റ്റൊ​രു മ​ക​ൻ അ​ബി​യാ​സി​നും മ​ക​ൾ ആ​ലി​യ​യും ഫു​ട്ബോ​ൾ കോ​ച്ചു​മാ​രാ​ണ്. ഭാ​ര്യ അ​നീ​ഷ. രാ​ത്രി വൈ​കി​യാ​ണ് യാ​സി​ന്‍റെ ക​ബ​റ​ട​ക്കം ന​ട​ത്തി​യ​ത്.