നെ​ടു​ങ്ക​ണ്ടം: വ​ന്യ​മൃ​ഗ​ങ്ങ​ള്‍ മ​നു​ഷ്യ​രെ പി​ച്ചി ചീ​ന്തു​മ്പോ​ഴും സം​സ്ഥാ​ന സ​ര്‍​ക്കാ​ര്‍ ജ​ന​ങ്ങ​ളെ വെ​ല്ലു​വി​ളി​ക്കു​ക​യാ​ണെ​ന്ന് മാ​ത്യു കു​ഴ​ല്‍​നാ​ട​ന്‍ എം​എ​ല്‍​എ. ഫോ​റ​സ്റ്റ് ഉ​ദ്യോ​ഗ​സ്ഥ​ര്‍​ക്ക് അ​നി​യ​ന്ത്രി​ത​മാ​യ അ​ധി​കാ​രം ന​ല്‍​കി​യു​ള്ള വ​ന നി​യ​മ ഭേ​ദ​ഗ​തി ഇ​തി​ന് ഉ​ദാ​ഹ​ര​ണ​മാ​ണെ​ന്നും നെ​ടു​ങ്ക​ണ്ട​ത്ത് കേ​ര​ള സ്‌​റ്റേ​റ്റ് സ​ര്‍​വീ​സ് പെ​ന്‍​ഷ​നേ​ഴ്‌​സ് അ​സോ​സി​യേ​ഷ​ന്‍ ജി​ല്ലാസ​മ്മേ​ള​നം ഉ​ദ്ഘാ​ട​നം ചെ​യ്തു പ്രസംഗിക്കുകയായിരുന്നു അദ്ദേഹം.

കു​ട്ടം​പു​ഴ​യി​ലും ചി​ന്ന​ക്ക​നാ​ലി​ലും മൂ​ന്നാ​റി​ലും വ​ന്യ​മൃ​ഗ​ങ്ങ​ളു​ടെ ആ​ക്ര​മ​ണ​ത്തി​ല്‍ നി​ര​വ​ധി ആ​ളു​ക​ളാ​ണ് മ​രി​ച്ച​ത്. വ​ന്യ​മൃ​ഗ​ങ്ങ​ളു​ടെ ശ​ല്യ​ത്തി​ല്‍നി​ന്നു ക​ര്‍​ഷ​ക​രെ ര​ക്ഷി​ക്കു​ന്ന​തി​ന് പ​ക​രം വ​ന്യ​മൃ​ഗ​ങ്ങ​ള്‍​ക്ക് സു​ര​ക്ഷ​യൊ​രു​ക്കാ​നു​ള്ള നീ​ക്ക​ത്തി​ലാ​ണ് സം​സ്ഥാ​ന സ​ര്‍​ക്കാ​രും വ​നം​വ​കു​പ്പും.

ധൃ​തി​പി​ടി​ച്ച് കാ​ബി​ന​റ്റ് അം​ഗീ​കാ​ര​ത്തോ​ടെ വ​ന​നി​യ​മം ഭേ​ദ​ഗ​തി ചെ​യ്ത് ഉ​ദ്യോ​ഗ​സ്ഥ​ര്‍​ക്ക് എ​ന്തും ചെ​യ്യാ​നു​ള്ള ലൈ​സ​ന്‍​സ് ഒ​രു​ക്കു​ക​യാ​ണ് സ​ര്‍​ക്കാ​ര്‍. ഇ​ടു​ക്കി​യി​ൽ​നി​ന്നു​ള്ള മ​ന്ത്രി റോ​ഷി അ​ഗ​സ്റ്റി​ന്‍ ഉ​ള്‍​പ്പെ​ട്ട കാ​ബി​ന​റ്റാ​ണ് ഈ ​തീ​രു​മാ​നം എ​ടു​ത്ത​ത്.​

വ​ന്യ​മൃ​ഗ ആ​ക്ര​മ​ണ​ങ്ങ​ളു​മാ​യി ബ​ന്ധ​പ്പെ​ട്ട് നി​യ​മ​സ​ഭ​യി​ല്‍ വ​രു​ന്ന ച​ര്‍​ച്ച​ക​ളി​ല്‍ മ​ന്ത്രി​മാ​ര്‍ പു​ച്ഛ​ത്തോ​ടെ​യാ​ണ് മ​റു​പ​ടി പ​റ​യു​ന്ന​തെ​ന്നും ജി​ല്ല​യി​ലെ കു​ടി​യേ​റ്റ ക​ര്‍​ഷ​ക​രെ കൈ​യേ​റ്റ​ക്കാ​രാ​യി മാ​ത്ര​മാ​ണ് ഇ​വ​ര്‍ കാ​ണു​ന്ന​തെ​ന്നും മാ​ത്യു കു​ഴ​ല്‍​നാ​ട​ന്‍ ആ​രോ​പി​ച്ചു. നെ​ടു​ങ്ക​ണ്ടം പ​ഞ്ചാ​യ​ത്ത് ക​മ്യൂ​ണി​റ്റി ഹാ​ളി​ല്‍ ന​ട​ന്ന സ​മ്മേ​ള​ന​ത്തി​ല്‍ സ്വാ​ഗ​ത സം​ഘം ചെ​യ​ര്‍​മാ​ന്‍ അ​ഡ്വ. എം.​എ​ന്‍. ഗോ​പി അധ്യ​ക്ഷ​ത വ​ഹി​ച്ചു.

നേ​താ​ക്ക​ളാ​യ ഇ​ബ്രാ​ഹിം​കു​ട്ടി ക​ല്ലാ​ര്‍, തോ​മ​സ് രാ​ജ​ന്‍, ജോ​യി വെ​ട്ടി​ക്കു​ഴി, അ​ഡ്വ. സേ​നാ​പ​തി വേ​ണു, മു​കേ​ഷ് മോ​ഹ​ന​ന്‍, സി.​എ​സ്. യ​ശോ​ദ​ര​ന്‍, വി.​എ. ജോ​സ​ഫ്, പി.​കെ. ഷാ​ജി, അ​ഡ്വ. പി.​ആ​ര്‍. കു​റു​പ്പ്, കെ.​എ. മാ​ത്യു, ഷി​ഹാ​ബ് പ​രീ​ത് തു​ട​ങ്ങി​യ​വ​ര്‍ പ്ര​സം​ഗി​ച്ചു. സ​മ്മേ​ള​ന​ത്തി​ന് മു​ന്നോ​ടി​യാ​യി പ​ടി​ഞ്ഞാ​റേ​ക്ക​വ​ല​യി​ല്‍നി​ന്നു പ്ര​ക​ട​ന​വും ന​ട​ന്നു.