ആ​ല​പ്പു​ഴ: ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ വാ​ര്‍​ഷി​ക പ​ദ്ധ​തി​ക​ള്‍​ക്ക് അം​ഗീ​കാ​രം ന​ല്‍​കു​ന്ന​തു​മാ​യി ബ​ന്ധ​പ്പെ​ട്ട് ജി​ല്ലാ ആ​സൂ​ത്ര​ണസ​മി​തി ഹാ​ളി​ല്‍ ചേ​ര്‍​ന്ന യോ​ഗ​ത്തി​ല്‍ ജി​ല്ലാ പ​ഞ്ചാ​യ​ത്തി​ന്‍റെ ഉ​ള്‍​പ്പെ​ടെ എ​ട്ടു ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ 2025-26 വാ​ര്‍​ഷി​ക പ​ദ്ധ​തി​ക​ള്‍​ക്ക് അം​ഗീ​കാ​രം. ഇ​തോ​ടെ ജി​ല്ല​യി​ലെ 38 ത​ദ്ദേ​ശ സ്ഥാ​പ​ന​ങ്ങ​ളു​ടെ 2025-2026 വാ​ര്‍​ഷി​ക പ​ദ്ധ​തി​ക​ള്‍​ക്ക് അം​ഗീ​കാ​ര​മാ​യി. സം​സ്ഥാ​ന​ത്തെ ജി​ല്ലാ പ​ഞ്ചാ​യ​ത്തു​ക​ളി​ല്‍ വാ​ര്‍​ഷി​ക പ​ദ്ധ​തി​ക്ക് അം​ഗീ​കാ​രം ല​ഭി​ച്ച ആ​ദ്യ ജി​ല്ലാ പ​ഞ്ചാ​യ​ത്താ​ണ് ആ​ല​പ്പു​ഴ.

2024-2025 വാ​ര്‍​ഷി​ക പ​ദ്ധ​തി വി​ഹി​ത വി​നി​യോ​ഗ​ത്തി​ല്‍ 79.96 ശ​ത​മാ​നം ചെ​ല​വ​ഴി​ച്ച ആ​ല​പ്പു​ഴ ജി​ല്ല സം​സ്ഥാ​ന ത​ല​ത്തി​ല്‍ ഒ​ന്നാം സ്ഥാ​ന​ത്താ​ണ്. ല​ഹ​രി​ക്കെ​തി​രെ​യു​ള്ള പോ​രാ​ട്ട​ത്തി​ല്‍ കാ​യി​ക​മേ​ഖ​ല​യെ മെ​ച്ച​പ്പെ​ടു​ത്തു​ന്ന​തി​ന് കു​ട്ടി​ക​ള്‍​ക്കാ​യി സ്പോ​ര്‍​ട്സാ​ണ് ല​ഹ​രി പ​ദ്ധ​തി​യും പാ​ലി​യേ​റ്റീ​വ് കെ​യ​ര്‍ മേ​ഖ​ല​യി​ല്‍ കൂ​ടു​ത​ല്‍ സേ​വ​ന​ങ്ങ​ള്‍ ഉ​റ​പ്പാ​ക്കു​ന്ന​തി​നു​ള്ള പ​ദ്ധ​തി​ക​ളും ജി​ല്ലാ പ​ഞ്ചാ​യ​ത്തി​ന്‍റെ വാ​ര്‍​ഷി​ക പ​ദ്ധ​തി​യി​ല്‍ ഉ​ള്‍​പ്പെ​ടു​ത്തി​യി​ട്ടു​ണ്ട്.

യോ​ഗ​ത്തി​ല്‍ ജി​ല്ലാ പ​ഞ്ചാ​യ​ത്തം​ഗം ആ​ര്‍. റി​യാ​സ് അ​ധ്യ​ക്ഷ​നാ​യി. ആ​സൂ​ത്ര​ണ​സ​മി​തി അം​ഗ​ങ്ങ​ളാ​യ ബി​നു ഐ​സ​ക് രാ​ജു, വി. ​ഉ​ത്ത​മ​ന്‍, ബി​നി​ത പ്ര​മോ​ദ്, ഡി.​പി. മ​ധു, ര​ജ​നി ജ​യ​ദേ​വ്, ജി​ല്ലാ പ്ലാ​നിം​ഗ് ഓ​ഫീ​സ​ര്‍ ലി​റ്റി മാ​ത്യു, ത​ദ്ദേ​ശ സ്വ​യം​ഭ​ര​ണ സ്ഥാ​പ​ന അ​ധ്യ​ക്ഷ​ര്‍, മ​റ്റ് ഉ​ദ്യോ​ഗ​സ്ഥ​ര്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.