തു​റ​വൂ​ര്‍: വ​ള​മം​ഗ​ലം മേ​ഖ​ല​യി​ല്‍ കു​ടി​വെ​ള്ള​ക്ഷാ​മം രൂ​ക്ഷ​മാ​യി​ത്തു​ട​ങ്ങി. തൈ​ക്കാ​ട്ടുശേ​രി കാ​യ​ലി​ന്‍റെ പ​ടി​ഞ്ഞാ​റ​ന്‍ പ്ര​ദേ​ശ​ത്താ​ണ് കു​ടി​വെ​ള്ള​ക്ഷാ​മം രൂ​ക്ഷ​മാ​യി​രി​ക്കു​ന്ന​ത്. പ്ര​ദേ​ശ​ത്ത് കി​ഴ​ക്ക​ന്‍ വെ​ള്ള​പ്പൊ​ക്ക​ത്തെത്തുട​ര്‍​ന്ന് ജ​ല​സ്രോ​ത​സു​ക​ള്‍ ഓ​രു​വെ​ള്ളം ക​യ​റി​യ​തി​നാ​ല്‍ നി​ത്യോ​പ​യോ​ഗ​ത്തി​ന് യോ​ഗ്യ​മ​ല്ലാ​താ​യി മാ​റി. കു​ടി​വെ​ള്ള​ത്തി​നാ​യി ജ​നം നെ​ട്ടോ​ട്ട​മോ​ടു​ക​യാ​ണ്.

തൈ​ക്കാ​ട്ടു​ശേ​രി, വ​ള​മം​ഗ​ലം വ​ട​ക്കും തെ​ക്കും ഭാ​ഗ​ങ്ങ​ളി​ലാ​ണ് രൂ​ക്ഷ​മാ​യ കു​ടി​വെ​ള്ളക്ഷാ​മം അ​നു​ഭ​വ​പ്പെ​ടു​ന്ന​ത്. ചി​ല ദി​വ​സ​ങ്ങ​ളി​ല്‍ വെ​ള്ളം ഇ​വി​ടെ എ​ത്തു​ന്നു​ണ്ടെ​ങ്കി​ലും അ​ത് ജ​ന​ങ്ങ​ള്‍​ക്ക് ഉ​പ​കാ​ര​പ്പെ​ടു​ന്നി​ല്ല. പ​ള്ളി​ത്തോ​ട് തീ​ര​പ്ര​ദേ​ശ​ത്തെ അ​വ​സ്ഥ​യും മ​റ്റൊ​ന്ന​ല്ല. കു​ത്തി​യ​തോ​ട് പ​ഞ്ചാ​യ​ത്തി​ലെ തീ​ര​പ്ര​ദേ​ശ​മാ​യ 1, 16 വാ​ര്‍​ഡു​ക​ളി​ലും മാ​സ​ങ്ങ​ളാ​യി കു​ടി​വെ​ള്ളം ല​ഭി​ച്ചി​ട്ട്. ജ​ന​ങ്ങ​ള്‍ നി​ര​വ​ധി നി​വേ​ദ​ന​ങ്ങ​ള്‍ ന​ല്‍​കി​യി​ട്ടും സ​മ​ര​പ​രി​പാ​ടി​ക​ള്‍ ന​ട​ത്തി​യി​ട്ടും അ​ധി​കൃ​ത​ര്‍ ക​ണ്ണുതു​റ​ന്നി​ട്ടി​ല്ല.

തീ​ര​ദേ​ശ മേ​ഖ​ല​യി​ലെ ഒ​ട്ടു​മി​ക്ക വീ​ടു​ക​ളി​ലും മോ​ട്ട​ര്‍ ഉ​പ​യോ​ഗി​ച്ച് വെ​ള്ളം ശേ​ഖ​രി​ക്കു​ന്ന​താ​ണ്് ചാ​പ്പ​ക്ക​ട​വ് മേ​ഖ​ല​യി​ലെ കു​ടി​വെ​ള്ള ക്ഷാ​മ​ത്തി​നു കാ​ര​ണ​മെ​ന്നാ​ണ് വാ​ട്ട​ര്‍ അ​ഥോ​റി​റ്റി ഉ​ദ്യോ​ഗ​സ്ഥ​രു​ടെ വി​ശ​ദീ​ക​ര​ണം. എ​ന്നാ​ല്‍, ഇ​ത്ത​ര​ത്തി​ല്‍ മോ​ട്ട​ര്‍ ഉ​പ​യോ​ഗി​ച്ച് വെ​ള്ളം എ​ടു​ക്കു​ന്ന​വ​രെ ത​ട​യു​ന്ന​തി​നോ ന​ട​പ​ടി സ്വീ​ക​രി​ക്കാ​നോ അ​ധി​കൃ​ത​ര്‍ ഇ​തു​വ​രെ ത​യാ​റാ​യി​ട്ടു​മി​ല്ല.

ചാ​പ്പ​ക്കാ​ട് മേ​ഖ​ല​യി​ല്‍ നൂ​റു​ക​ണ​ക്കി​നു വീ​ടു​ക​ള്‍ ആ​ണ് ഇ​പ്പോ​ഴും കു​ടി​വെ​ള്ളം ല​ഭി​ക്കാ​തെ ക​ഷ്ട​പ്പെ​ടു​ന്ന​ത്. ഗാ​ര്‍​ഹി​ക ഉ​പ​യോ​ഗ​ത്തി​ന് വ​ന്‍​തു​ക ന​ല്‍​കി വെ​ള്ളം വാ​ങ്ങേ​ണ്ട അ​വ​സ്ഥ​യാ​ണി​വി​ടു​ള്ള​ത്്. ജ​ന​കീ​യ പ്ര​ക്ഷോ​ഭ​ത്തെത്തുട​ര്‍​ന്ന് പ​ഞ്ചാ​യ​ത്ത് ലോ​റി​യി​ല്‍ പ്ര​ദേ​ശ​ത്ത് വെ​ള്ളം വി​ത​ര​ണം ചെ​യ്യു​ന്നു​ണ്ടെ​ങ്കി​ലും ഉ​ള്‍​പ്ര​ദേ​ശ​ത്തെ ജ​ന​ങ്ങ​ള്‍ വെ​ള്ളം ല​ഭി​ക്കാ​തെ ദു​രി​ത​ത്തി​ലാ​ണ്.