കാ​യം​കു​ളം: നി​ല​വി​ലു​ള്ള അ​ലൈ​ൻമെ​ന്‍റിൽ മാ​റ്റം വ​രു​ത്തി കാ​യം​കു​ള​ത്ത് മൂ​ന്ന് അ​ടി​പ്പാ​ത​ക​ൾകൂ​ടി നി​ർ​മി​ക്കാ​നു​ള്ള തീ​രു​മാ​ന​ത്തി​ന്‍റെ ഭാ​ഗ​മാ​യി ദേ​ശീ​യ​പാ​ത​യി​ൽ കാ​യം​കു​ളം ഒഎ​ൻ കെ ​ജം​ഗ്ഷ​നി​ൽ അ​ടി​പ്പാ​ത നി​ർ​മാ​ണം തു​ട​ങ്ങി.

ഇ​തേ​ത്തു​ട​ർ​ന്ന് ഇ​വി​ടെ ഗ​താ​ഗ​ത​ത്തി​ര​ക്ക് രൂ​ക്ഷ​മാ​യി. വേ​ണ്ട​ത്ര മു​ൻ​ക​രു​ത​ൽ സ്വീ​ക​രിക്കാ​തെ അ​ടി​പ്പാ​ത നി​ർ​മാ​ണം ആ​രം​ഭി​ച്ച​തോ​ടെ യാ​ത്ര​ക്കാ​ർ ദു​രി​ത​ത്തി​ലാ​യി. നാ​ലു ഭാ​ഗ​ത്തുനി​ന്നു ഒ​രു​പോ​ലെ വാ​ഹ​ന​ങ്ങ​ൾ വ​രു​ന്ന ജം​ഗ്ഷ​നാ​ണി​ത്. കാ​ർ​ത്തി​ക​പ്പ​ള്ളി - കാ​യം​കു​ളം തീ​ര​ദേ​ശ റോ​ഡ് ദേ​ശീ​യപാ​ത​യി​ലേ​ക്ക് ബ​ന്ധി​പ്പി​ക്കു​ന്ന ജം​ഗ്ഷ​ൻ കൂ​ടി​യാ​ണി​ത്. ദേ​ശീ​യ​പാ​ത​യി​ലൂ​ടെ വാ​ഹ​ന​ങ്ങ​ൾ പോ​കു​മ്പോ​ൾ തീ​ര​ദേ​ശ​പാ​ത​യി​ൽനി​ന്ന് ദേ​ശീ​യ​പാ​തയി​ലേ​ക്കു ക​യ​റാ​ൻ ക​ഴി​യാ​തെ വാ​ഹ​ന​ങ്ങ​ൾ ഇ​പ്പോ​ൾ കാ​ത്തു​കി​ട​ക്കേ​ണ്ട സ്ഥി​തി​യു​ണ്ട്.

ദേ​ശീ​യ​പാ​ത നി​ർ​മാ​ണ​വു​മാ​യി ബ​ന്ധ​പ്പെ​ട്ട് നി​ല​വി​ലു​ണ്ടാ​യി​രു​ന്ന സി​ഗ്ന​ൽലൈ​റ്റ് നീ​ക്കം ചെ​യ്‌​ത​തി​നാ​ൽ ട്രാ​ഫി​ക് സം​വി​ധാ​നം ത​ക​ർ​ന്നി​രി​ക്കു​ക​യാ​ണ്. ട്രാ​ഫി​ക് നി​യ​ന്ത്രി​ക്കാ​ൻ പോ​ലീ​സി​നെ​യും വി​ന്യ​സി​ച്ചി​ട്ടി​ല്ല. ഇ​തോ​ടെ ജം​ഗ്ഷ​നി​ൽ ഏ​തുനി​മി​ഷ​വും അ​പ​ക​ട​മു​ണ്ടാ​കാ​വു​ന്ന അ​വ​സ്ഥ​യാ​ണ്. വാ​ഹ​ന​ങ്ങ​ൾ നാ​ലു​വ​ശ​ത്തേ​ക്കും ചീ​റി​പ്പാ​യു​ന്ന​തി​നാ​ൽ കാ​ൽ​ന​ട യാ​ത്ര​ക്കാ​ർ ജീ​വ​ൻ പ​ണ​യം വ​ച്ചാ​ണ് ജം​ഗ്ഷ​ൻ ക​ട​ക്കു​ന്ന​ത്. വാ​ഹ​ന​ങ്ങ​ൾ നി​യ​ന്ത്രി​ക്കു​ന്ന​തി​ന് ഉ​ട​ൻ സി​ഗ്ന​ൽ സം​വി​ധാ​നം ഏ​ർ​പ്പെ​ടു​ത്ത​ണ​മെ​ന്നാ​ണ് ആ​വ​ശ്യം.

രാ​ത്രി ഇ​തു​വ​ഴി​യു​ള്ള യാ​ത്ര കൂ​ടു​ത​ൽ അ​പ​ക​ട​ക​ര​മാ​ണ്. താ​ത്കാലി​ക​മാ​യി തെ​രു​വു​വി​ള​ക്കു​ക​ൾ സ്ഥാ​പി​ക്കാ​ൻ ദേ​ശീ​യ​പാ​ത ക​രാ​ർ വി​ഭാ​ഗം ത​യാ​റാ​ക​ണ​മെ​ന്നും ആ​വ​ശ്യം ഉ​യ​ർ​ന്നി​ട്ടു​ണ്ട്. കാ​യം​കു​ളം മ​ണ്ഡ​ല​ത്തി​ൽ ദേ​ശീ​യ​പാ​ത 66ന്‍റെ ​നി​ർ​മാ​ണ​വു​മാ​യി ബ​ന്ധ​പ്പെ​ട്ട് എ​ട്ട് അ​ടി​പ്പാ​ത​ക​ളാ​ണ് നി​ർ​മി​ക്കു​ന്ന​ത്. ഓ​ച്ചി​റ കൃ​ഷ്ണ​പു​രം, കു​ന്ന​ത്താ​ലും​മൂ​ട് ജം​ഗ്ഷ​ൻ, ജി​ഡി​എം ജം​ഗ്ഷ​ൻ, പു​ത്ത​ൻ റോ​ഡ് ജം​ഗ്ഷ​ൻ രാ​മ​പു​രം ഹൈ​സ്കൂ​ൾ ജം​ഗ്ഷ​ൻ കൂ​ടാ​തെ പു​തി​യ​താ​യി കെ​എ​സ് ആ​ർ​ടി​സി ജം​ഗ്ഷ​ൻ, ഒ​എ​ൻ​കെ ജം​ഗ്ഷ​ൻ എ​ന്നി​വി​ട​ങ്ങ​ളി​ലാ​ണ് അ​ടി​പ്പാ​ത നി​ർ​മി​ക്കു​ന്ന​ത്. മൂ​ന്നൂ​റ് മീ​റ്റ​ർ വ്യ​ത്യാ​സ​ത്തി​ൽ മൂ​ന്ന് അ​ടി​പ്പാ​ത​ക​ൾ നി​ർ​മി​ക്കു​ന്നു​ണ്ട്.