ചാ​രും​മൂ​ട്: ഭ​ര​ണി​ക്കാ​വ് ബ്ലോ​ക്ക്പ​ഞ്ചാ​യ​ത്തി​ന്‍റെ നി​യ​ന്ത്ര​ണ​ത്തി​ല്‍ പ്ര​വ​ര്‍​ത്തി​ക്കു​ന്ന ചു​ന​ക്ക​ര സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ല്‍ വേ​ണ്ട​ത്ര ഡോ​ക്ട​ര്‍​മാ​ര്‍ ഇ​ല്ലാ​ത്ത​തു രോ​ഗി​ക​ളെ ദു​രി​ത​ത്തി​ലാ​ക്കു​ന്നു. അ​ഞ്ചു ഡോ​ക്ട​ര്‍​മാ​ര്‍ സേ​വ​നം ന​ട​ത്തു​ന്നു​ണ്ടെ​ന്ന് അ​വ​കാ​ശ​പ്പെ​ടു​ന്ന ഇ​വി​ടെ പ​ല​പ്പോ​ഴും ഡോ​ക്ട​ര്‍​മാ​ര്‍ ഇ​ല്ലാ​ത്ത​തി​ന്‍റെ പേ​രി​ല്‍ ഒ​പി പ്ര​വ​ര്‍​ത്ത​നം വെ​ട്ടി​ച്ചു​രു​ക്കേ​ണ്ട അ​വ​സ്ഥ​യാ​ണ്.

ഉ​ച്ച​യ്ക്കു​ശേ​ഷം എ​ത്തു​ന്ന രോ​ഗി​ക​ളെ പ​രി​ശോ​ധി​ക്കാ​ന്‍ ഡോ​ക്ട​ര്‍​മാ​ര്‍ പ​ല​പ്പോ​ഴും ഉ​ണ്ടാ​വാ​റി​ല്ല. ഇ​തേ​ത്തു​ട​ര്‍​ന്ന് ഉ​ച്ച​യ്ക്കു​ശേ​ഷം ഒ​പി പ്ര​വ​ര്‍​ത്തി​ക്കു​ന്ന​ത​ല്ലെ​ന്ന് ചൂ​ണ്ടി​ക്കാ​ണി​ച്ചു പ​ല​പ്പോ​ഴും ഗേ​റ്റി​ല്‍ ബോ​ര്‍​ഡും സ്ഥാ​പി​ക്കാ​റു​ണ്ട്. ക​ഴി​ഞ്ഞ ദി​വ​സ​വും ഉ​ച്ച​യ്ക്കു​ശേ​ഷം ഒ​പി ഉ​ണ്ടാ​യി​രി​ക്കു​ന്ന​ത​ല്ല എ​ന്ന ബോ​ര്‍​ഡ് സ്ഥാ​പി​ച്ചു. ഇ​ത് ചി​കി​ത്സ തേ​ടി​യെ​ത്തി​യ രോ​ഗി​ക​ളെ ദു​രി​ത​ത്തി​ലാ​ക്കി.
ചാ​രും​മൂ​ട് മേ​ഖ​ല​യി​ലെ നാ​ല് പ​ഞ്ചാ​യ​ത്തു​ക​ളി​ല്‍​നി​ന്നാ​യി പ്ര​തി​ദി​നം അ​ഞ്ഞൂ​റി​ല​ധി​കം പേ​ര്‍ ഇ​വി​ടെ ചി​കി​ത്സ തേ​ടി എ​ത്താ​റു​ണ്ട്.

അ​ഞ്ചു ഡോ​ക്ട​ര്‍​മാ​രി​ല്‍ ഒ​രാ​ള്‍ ഇ​പ്പോ​ള്‍ അ​വ​ധി​യി​ലാ​ണ്. താ​ത്കാ​ലി​ക നി​യ​മ​നം കി​ട്ടി​യ ഒ​രു ഡോ​ക്ട​റും ബാ​ക്കി​യു​ള്ള മൂ​ന്നു ഡോ​ക്ട​ര്‍​മാ​രും ചേ​ര്‍​ന്നാ​ല്‍ നാ​ലു​പേ​ര്‍ നി​ല​വി​ല്‍ ഡ്യൂ​ട്ടി​യി​ല്‍ കാ​ണ​ണം.

എ​ന്നാ​ല്‍, ഡോ​ക്ട​ര്‍ അ​വ​ധി​യി​ലാ​ണെ​ന്ന സൂ​ച​ന ന​ല്‍​കി​യാ​ണ് ഒ​പി മു​ട​ക്കു​ന്ന​ത്. ആ​രോ​ഗ്യ വ​കു​പ്പും ജി​ല്ലാ പ​ഞ്ചാ​യ​ത്തും എം​എ​ല്‍​എ​യു​ടെ ആ​സ്തി വി​ക​സ​ന ഫ​ണ്ടും കേ​ന്ദ്ര സ​ഹാ​യ​വും എ​ല്ലാം ഉ​പ​യോ​ഗി​ച്ച് സാ​മൂ​ഹ്യാ​രോ​ഗ്യ കേ​ന്ദ്ര​ത്തി​നു​വേ​ണ്ടി വി​വി​ധ പ​ദ്ധ​തി​ക​ള്‍ ആ​വി​ഷ്‌​ക​രി​ക്കു​ന്നു​ണ്ടെ​ങ്കി​ലും രോ​ഗി​ക​ളു​ടെ ചി​കി​ത്സാ​സൗ​ക​ര്യം മെ​ച്ച​പ്പെ​ടു​ത്താ​ന്‍ സാ​മൂ​ഹ്യാ​രോ​ഗ്യ കേ​ന്ദ്ര​ത്തി​ന് ആ​ദ്യം അ​ടി​യ​ന്ത​ര ചി​കി​ത്സ അ​നി​വാ​ര്യ​മാ​യി​രി​ക്കു​ക​യാ​ണ്.

കി​ട​ത്തി ചി​കി​ത്സ​യ്ക്കു​വേ​ണ്ടി പ്ര​ത്യേ​ക ബ്ലോ​ക്കും എ​ല്ലാ സൗ​ക​ര്യ​ങ്ങ​ളോ​ടെ​യു​ള്ള ആ​ധു​നി​ക കെ​ട്ടി​ട​ങ്ങ​ളും ഇ​വി​ടെ​യു​ണ്ടെ​ങ്കി​ലും രാ​ത്രി ഡ്യൂ​ട്ടി​ക്കു ഡോ​ക്ട​മാ​രെ നി​യോ​ഗി​ച്ചി​ട്ടി​ല്ല. ഡ്യൂ​ട്ടി ഡോ​ക്ട​ര്‍​മാ​ര്‍​ക്ക് രാ​ത്രി​യി​ല്‍ താ​മ​സി​ക്കാ​നു​ള്ള പ്ര​ത്യേ​ക കെ​ട്ടി​ട​ങ്ങ​ളും ഇ​വി​ടെ​യു​ണ്ട്. എ​ന്നി​ട്ടും കി​ട​ത്തി ചി​കി​ത്സ ആ​രം​ഭി​ച്ചി​ട്ടി​ല്ല.

കൊ​ല്ലം-​തേ​നി ദേ​ശീ​യ​പാ​ത​യോ​ടു ചേ​ര്‍​ന്നു സ്ഥി​തി ചെ​യ്യു​ന്ന ചു​ന​ക്ക​ര സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ന്‍റെ പ്ര​വ​ര്‍​ത്ത​നം മെ​ച്ച​പ്പെ​ടു​ത്തി രോ​ഗി​ക​ളു​ടെ ദു​രി​ത​ത്തി​നു പ​രി​ഹാ​രം കാ​ണ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.