ഹരിപ്പാ​ട്: താ​മ​ല്ലാ​ക്ക​ൽ സ്വ​ദേ​ശി​യാ​യ രാ​കേ​ഷി​നെ കൊ​ല​പ്പെ​ടു​ത്തി മൃ​ത​ദേ​ഹം മ​റ​വ് ചെ​യ്ത​താ​ണെ​ന്നാ​രോ​പി​ച്ച് രാ​കേ​ഷിന്‍റെ മാ​താ​വ് ഫ​യ​ൽ ചെ​യ്ത ഹ​ർ​ജി​യി​ൽ പോ​ലീസ് കോ​ട​തി​യി​ൽ റി​പ്പോ​ർ​ട്ട് ഹാ​ജ​രാ​ക്കി​യി​ല്ല.

പോ​ലീസ് റി​പ്പോ​ർ​ട്ടി​നാ​യി കേ​സ് ഇ​ന്ന​ലെ ഹ​രി​പ്പാ​ട് ജു​ഡീ​ഷൽ ഒ​ന്നാം ക്ലാ​സ് മ​ജി​സ്ട്രേ​റ്റ് മ​നീ​ഷ കെ.​ഭ​ദ്ര​ൻ മു​മ്പാ​കെ പ​രി​ഗ​ണി​ച്ച​പ്പോ​ഴാ​ണ് അ​ന്വേ​ഷ​ണ ചു​മ​ത​ല​യു​ള്ള പോ​ലീസ് ഉ​ദ്യോ​ഗ​സ്ഥ​ർ റി​പ്പോ​ർ​ട്ട് ഹാ​ജ​രാ​ക്കാ​തി​രു​ന്ന​ത്.

ത​ന്‍റെ മ​ക​നെ കൊ​ല​പ്പെ​ടു​ത്തു​വാ​ൻ നേ​തൃ​ത്വം കൊ​ടു​ത്ത പ്ര​തി​ക​ളു​ടെ പേ​രും കൊ​ല​പ്പെ​ടു​ത്തു​വാ​നു​ള്ള കാ​ര​ണ​വും കാ​ണി​ച്ച് കോ​ട​തി​യി​ൽ സ​മ​ർ​പ്പി​ച്ച ഹ​ർ​ജി​യി​ൽ റി​പ്പോ​ർ​ട്ടു​പോ​ലും ഫ​യ​ൽ ചെ​യ്യാ​തെ തി​ക​ച്ചും നി​രു​ത്ത​ര​വാ​ദി​ത്വ​പ​ര​മാ​യ നി​ല​പാ​ടാ​ണ് പോ​ലീസ് ഉ​ദ്യോ​ഗ​സ്ഥ​ർ സ്വീ​ക​രി​ച്ച​തെന്നും ​പ്ര​തി​ക​ളി​ലേ​ക്ക് അ​ന്വേ​ഷ​ണം തി​രി​യു​ന്ന ഘ​ട്ട​ത്തി​ൽ അ​വ​രെ ര​ക്ഷ​പ്പെ​ടു​ത്താ​ൻ ചി​ല​ർ ബോ​ധ​പൂ​ർ​വം ശ്ര​മി​ക്കു​ന്ന​തായി ​സം​ശ​യി​ക്കു​ന്നു​വെ​ന്നും രാ​കേ​ഷി​ന്‍റെ അ​മ്മ അ​റി​യി​ച്ചു. അ​ഭി​ഭാ​ഷ​ക​നു​മാ​യി ആ​ലോ​ചി​ച്ച ശേ​ഷം ത​ന്‍റെ മ​ക​ന്‍റെ കൊ​ല​യാ​ളി​ക​ളെ നി​യ​മ​ത്തി​നു മു​ന്നി​ൽ കൊ​ണ്ടു​വ​രാ​നു​ള്ള എ​ല്ലാ തു​ട​ർ ന​ട​പ​ടി​ക​ളുമായി ശ​ക്ത​മാ​യി​ത്ത​ന്നെ മു​ന്നോ​ട്ട് പോ​കു​മെ​ന്ന് രാ​കേ​ഷിന്‍റെ അ​മ്മ പ​റ​ഞ്ഞു.

നേ​ര​ത്തെ, രാ​കേ​ഷിന്‍റെ തി​രോ​ധാ​നം കൊ​ല​പാ​ത​ക​മാ​ണെ​ന്നും അ​തി​ന് നേ​തൃ​ത്വം കൊ​ടു​ത്ത​വ​ർ​ക്ക് തോ​ക്ക് ഉ​ൾ​പ്പെ​ടെ​യു​ള്ള​ആ​യു​ധ​ങ്ങ​ൾ കൈ​വ​ശ​മു​ണ്ടെ​ന്നും അ​ഡ്വ. പ്ര​താ​പ് ജി.​ പ​ടി​ക്ക​ൽ മു​ഖേ​ന സ​മ​ർ​പ്പി​ച്ച ഹ​ർ​ജി​യി​ൽ രാ​കേ​ഷി​ന്‍റെ മാ​താ​വ് ആ​രോ​പി​ച്ചി​രു​ന്നു. ‌

തു​ട​ർ​ന്ന് പ്ര​തി​ക​ളെന്ന് ആ​രോ​പി​ക്ക​പ്പെ​ടു​ന്ന​വ​രു​ടെ വീ​ടു​ക​ളി​ൽ പോ​ലീസ് ന​ട​ത്തി​യ റെ​യ്ഡി​ൽ വി​ദേ​ശനി​ർ​മി​ത തോ​ക്കും തി​ര​ക​ളും ആ​യു​ധ​ങ്ങ​ളും ക​ണ്ടെ​ത്തി​യി​രു​ന്നു.

കേ​സി​ൽ രാ​കേ​ഷി​ന്‍റെ മാ​താ​വി​ന് വേ​ണ്ടി പ്ര​താ​പ് ജി.​ പ​ടി​ക്ക​ലി​നോ​ടൊ​പ്പം അ​ഭി​ഭാ​ഷ​ക​രാ​യ ശ്രീ​ദേ​വി പ്ര​താ​പ്, ശി​ല്പ ശി​വ​ൻ, ഹ​രീ​ഷ് കാ​ട്ടൂ​ർ എ​ന്നി​വ​രാ​ണ് ഹാ​ജ​രാ​കു​ന്ന​ത്.