കായം​കു​ളം: കാ​യം​കു​ളം ന​ഗ​ര​സ​ഭ​യു​ടെ 2025-26 സാ​മ്പ​ത്തി​കവ​ർ​ഷ​ത്തെ ബ​ജ​റ്റ് അ​വ​ത​രി​പ്പി​ച്ചു. മു​ന്നി​രി​പ്പ് ഉ​ൾ​പ്പെ​ടെ 70, 41,09,923 രൂ​പ വ​ര​വും 63,16,96,515 രൂ​പ ചെ​ല​വും 7,24,13,408 രൂ​പ നീ​ക്കി​യി​രി​പ്പും പ്ര​തീ​ക്ഷി​ക്കു​ന്ന ബ​ജ​റ്റ് വൈ​സ് ചെ​യ​ർ​മാ​ൻ ജെ. ​ആ​ദ​ർ​ശ് ആ​ണ് അ​വ​ത​രി​പ്പി​ച്ച​ത്.

ല​ഹ​രിവി​മു​ക്ത ന​ഗ​രം, ഉ​ത്പാ​ദ​ന, സേ​വ​ന മേ​ഖ​ല​ക​ൾ, ശു​ചി​ത്വം, മാ​ലി​ന്യ സം​സ്കര​ണം, പാ​ർ​പ്പി​ടം, ദാ​രി​ദ്ര്യ​ല​ഘൂ​ക​ര​ണം, സാ​മൂ​ഹി​ക​നീ​തി, സ്ത്രീ​സു​ര​ക്ഷ, പ​ട്ടി​ക​ജാ​തി -പ​ട്ടി​ക​വ​ർ​ഗ വി​ക​സ​നം, കു​ടി​വെ​ള്ളം, വൈ​ദ്യു​തി, അ​ടി​സ്ഥാ​ന സൗ​ക​ര്യം, പൊ​തു​വി​ദ്യാ​ഭ്യാ​സം, ആ​ശു​പ​ത്രി​ക​ൾ, ജ​ന​ക്ഷേ​മം, ക​ലാ, കാ​യി​ക, സാം​സ്‌​കാ​രി​ക മേ​ഖ​ല​ക​ൾ, പ​ശ്ചാ​ത്ത​ല മേ​ഖ​ല, ദു​ര​ന്ത​നി​വാ​ര​ണം, ന​ഗ​രാ​സൂ​ത്ര​ണം തു​ട​ങ്ങി വി​വി​ധ വി​ക​സ​ന പ​ദ്ധ​തി​ക​ൾ ബ​ജ​റ്റി​ൽ വി​ഭാ​വ​നം ചെ​യ്തി​ട്ടു​ണ്ട്.

സ​ർ​ക്കാ​രു​മാ​യി സ​ഹ​ക​രി​ച്ച് പു​ന​ർ​ജ​നി എ​ന്ന പേ​രി​ൽ ഡി ​അ​ഡി​ക‌്ഷ​ൻ സെ​ന്‍ററി​ന് 10 ല​ക്ഷം രൂപ ബ​ജ​റ്റി​ൽ വ​ക​യി​രു​ത്തി. ശു​ചി​ത്വ മാ​ലി​ന്യ സം​സ്ക​ര​ണ​ത്തി​ന് 10 കോ​ടി 80 ല​ക്ഷം, ഭൂ​ര​ഹി​ത​ർ​ക്ക് ഭൂ​മി ക​ണ്ടെ​ത്തി ഫ്ലാ​റ്റ് സ​മു​ച്ച​യ​ത്തി​ന് 5 കോ​ടി 8 ല​ക്ഷം, ആ​രോ​ഗ്യമേ​ഖ​ല​യ്ക്ക് 4 കോ​ടി 55 ല​ക്ഷ​വും ബ​ജ​റ്റി​ൽ വ​ക​യി​രു​ത്തി. പു​തി​യി​ടം കു​ള​ത്തി​നു സ​മീ​പം ഓ​പ്പ​ൺ ജിം​നേഷ്യം സ്ഥാ​പി​ക്കും.​

ട്രാ​ൻ​സ്ജെ​ൻ​ഡ​ർ വി​ഭാ​ഗ​ത്തി​ന് സ്വ​യം​തൊ​ഴി​ൽ പ​ദ്ധ​തി ഉ​ൾ​പ്പെ​ടെ സാ​മൂ​ഹ്യക്ഷേ​മ​ത്തി​നാ​യി 2.95 കോടി, സ്ത്രീ സു​ര​ക്ഷാ ന​ഗ​രം പ​ദ്ധ​തി​ക്കാ​യി 1.92 കോടി, പ​ട്ടി​ക​ജാ​തി പ​ട്ടി​ക​വ​ർ​ഗ ക്ഷേ​മ പ​ദ്ധ​തി​ക​ൾ​ക്കാ​യി മൂന്നു കോ​ടി, പ​ശ്ചാ​ത്ത​ല മേ​ഖ​ല​യ്ക്കാ​യി 10 കോ​ടി 43 ല​ക്ഷ​വും ബ​ജ​റ്റി​ൽ വ​ക​യി​രു​ത്തി​യി​ട്ടു​ണ്ട് ന​ഗ​ര​സ​ഭാ ചെ​യ​ർ​പേ​ഴ്സ​ൺ പി. ​ശ​ശി​ക​ല അ​ധ്യ​ക്ഷ​ത വ​ഹി​ച്ചു. ബ​ജ​റ്റി​ൻ​മേ​ലു​ള്ള ച​ർ​ച്ച നാ​ളെ ന​ട​ക്കും.

പ്ര​തി​പ​ക്ഷം ബ​ഹി​ഷ്കരി​ച്ചു

കാ​യം​കു​ളം: ന​ഗ​ര​സ​ഭ​യു​ടെ ബ​ജ​റ്റ് അ​വ​ത​ര​ണ​ത്തി​നിടെ പ്ര​തി​പ​ക്ഷ പ്ര​തി​ഷേ​ധം. മു​ദ്രാ​വാ​ക്യം വി​ളി​ക​ളോ​ടെ ബ​ജ​റ്റ് അ​വ​ത​ര​ണം ത​ട​സ​പ്പെ​ടു​ത്താ​ൻ ശ്ര​മി​ച്ച പ്ര​തി​പ​ക്ഷ യു​ഡി​എ​ഫ് കൗ​ൺ​സി​ല​ർ​മാ​ർ അ​രമ​ണി​ക്കൂ​ർ മു​ദ്രാ​വാ​ക്യം വി​ളി​ച്ച് പ്ര​തി​ഷേ​ധം ഉ​യ​ർ​ത്തി​യശേ​ഷം ബ​ജ​റ്റ് അ​വ​ത​ര​ണം ബ​ഹി​ഷ്കരി​ച്ച് പു​റ​ത്തി​റ​ങ്ങി. എ​ൽഡിഎ​ഫ് അ​ഴി​മ​തി ഭ​ര​ണ​ത്തി​ന്‍റെ അ​വ​സാ​ന ബ​ജ​റ്റാ​ണി​തെ​ന്നും യു​ഡി​എ​ഫ് കു​റ്റ​പ്പെ​ടു​ത്തി. ന​ഗ​ര​സ​ഭാ പ്ര​തി​പ​ക്ഷ നേ​താ​വ് സി.എ​സ്. ബാ​ഷ, യു​ഡി​എ​ഫ് കൗ​ൺ​സി​ല​ർ​മാ​രാ​യ എ. ​പി. ഷാ​ജ​ഹാ​ൻ, അ​ൻ​സാ​രി കോ​യി​ക്ക​ലേ​ത്ത്, ബി​ജു ന​മ്പ​റു​ള്ള, ബി​ദു രാ​ഘ​വ​ൻ, പി.​കെ. അ​മ്പി​ളി തു​ട​ങ്ങി​യ​വ​ർ പ്ര​തി​ഷേ​ധ​ത്തി​നു നേ​തൃ​ത്വം ന​ൽ​കി.