മ​ങ്കൊ​മ്പ്: സി​സ്റ്റ​ർ റോ​സി​ന്‍റെ വേ​ർ​പാ​ട് ആ​ദി​വാ​സി​മേ​ഖ​ല​ക​ളി​ലെ അ​തി​ദ​രി​ദ്ര​രാ​യ ജ​ന​ത​യ്ക്കു തീ​രാ​ന​ഷ്ടം. ക​ഴി​ഞ്ഞ 52 വ​ർ​ഷ​മാ​യി അ​വി​ഭ​ക്ത ബി​ഹാ​ർ, ജാ​ർ​ഖ​ണ്ഡ്, ബീ​ഹാ​ർ എ​ന്നി​വി​ട​ങ്ങ​ളി​ലെ ആ​ദി​വാ​സി മേ​ഖ​ല​ക​ളി​ൽ ആ​തു​ര​ശു​ശ്രൂ​ഷ സേ​വ​ന മാ​ർ​ഗ​മാ​യി സ്വീ​ക​രി​ച്ചു പ്രേ​ഷി​ത പ്ര​വ​ർ​ത്ത​നം ന​ട​ത്തി​വ​ന്നി​രു​ന്ന സ​ന്യാ​സി​നി​യാ​ണ് വി​ടപ​റ​ഞ്ഞ​ത്. ച​മ്പ​ക്കു​ളം ക​ല്ലൂ​ർ​ക്കാ​ട് ഇ​ട​വ​കാം​ഗമായ സി​സ്റ്റ​ർ 1943 മാ​ർ​ച്ച് 19നു ​ച​മ്പ​ക്കു​ളം ക​ള​ത്തി​പ്പ​റ​മ്പി​ൽ ചാ​ക്കോ കൊ​ച്ചൗ​സേ​പ്പി​ന്‍റെ​യും മ​റി​യാ​മ്മ​യു​ടെ​യും ര​ണ്ടാ​മ​ത്തെ മ​ക​ളാ​യി ജ​നി​ച്ചു.

ച​മ്പ​ക്കു​ളം സെ​ന്‍റ് മേ​രീ​സ് സ്‌​കൂ​ളി​ലെ വി​ദ്യാ​ഭ്യാ​സ​ത്തി​നു ശേ​ഷം ഫ്രാ​ൻ​സി​സ്‌​ക​ൻ സ​ന്യാ​സി​നീ സ​മൂ​ഹ​ത്തി​ൽ അം​ഗ​മാ​യി ചേ​ർ​ന്ന് അ​വി​ഭ​ക്ത ബി​ഹാ​ർ സേ​വ​ന മേ​ഖ​ല​യാ​യി തെ​ര​ഞ്ഞെ​ടു​ത്തു. ഹോ​മി​യോ​പ്പ​തി​യി​ൽ ബി​രു​ദം (ഡി​എ​ച്ച്എം) നേ​ടി വി​വി​ധ മി​ഷ​ൻ കേ​ന്ദ്ര​ങ്ങ​ളി​ലെ ഹെ​ൽ​ത്ത് സെ​ന്‍റ​റു​ക​ളി​ലെ സേ​വ​ന​ത്തോ​ടൊ​പ്പം ബാ​ക്കി സ​മ​യം ആ​ദി​വാ​സി ഗ്രാ​മ​ങ്ങ​ളി​ലെ സ്ത്രീ​ക​ളു​ടെ ആ​രോ​ഗ്യ പ്ര​വ​ർ​ത്ത​ന​ങ്ങ​ൾ​ക്കു നീ​ക്കി​വ​യ്ക്കു​ക​യാ​യി​രു​ന്നു. ഹോ​മി​യോ​പ​ഠ​നം കൂ​ടാ​തെ ആ​ശു​പ​ത്രി ശു​ശ്രൂ​ഷ​യി​ലൂ​ടെ നേ​ടി​യെ​ടു​ത്ത ആ​ധു​നി​ക വൈ​ദ്യ​ശാ​സ്ത്ര​ത്തി​ലെ അ​റി​വ് ഗ്രാ​മീ​ണ സ്ത്രീ​ക​ളു​ടെ ഗ​ർ​ഭ​സ്ഥ ശി​ശു സം​ര​ക്ഷ​ണം, കു​ട്ടി​ക​ളു​ടെ ആ​രോ​ഗ്യം തു​ട​ങ്ങി​യ മേ​ഖ​ല​ക​ളി​ലും ശുശ്രൂഷകൾക്കു സഹായകമായി.

ഹ​സാ​രി​ബാ​ഗ്, കൊ​ട​ർ​മ, ന​വാ​ദ എ​ന്നീ പ്ര​ദേ​ശ​ങ്ങ​ളാ​യി​രു​ന്നു പ്ര​ധാ​ന പ്ര​വ​ർ​ത്ത​ന​മേ​ഖ​ല​ക​ൾ. 1966ൽ ​സ​ഭാവ​സ്ത്രം സ്വീ​ക​രി​ച്ച സി​സ്റ്റ​ർ 1972ൽ ​നി​ത്യ​വ്ര​ത​വാ​ഗ്ദാ​നം ന​ട​ത്തി​യ​പ്പോ​ൾ മു​ത​ൽ തു​ട​ങ്ങി​യ സേ​വ​ന​ത്തി​നാ​ണ് ഇ​പ്പോ​ൾ വി​രാ​മ​മാ​കു​ന്ന​ത്. ഹൃ​ദ​യ സം​ബ​ന്ധ​മാ​യ അ​സു​ഖ​ത്തെത്തുട​ർ​ന്നാ​യി​രു​ന്നു മ​ര​ണം. ഭൗ​തീ​ക​ശ​രീ​രം 27ന് ​രാ​വി​ലെ ഒ​ൻ​പ​തി​ന് ജാ​ർ​ഖ​ണ്ഡി​ലെ കൊ​ട​ർ​മ എ​ന്ന സ്ഥ​ല​ത്തെ അ​സീസി ഭ​വ​ൻ കോ​ൺ​വ​ന്‍റി​ൽ സം​സ്‌​ക​രി​ക്കും.