ആ​ല​പ്പു​ഴ: ഭീ​ഷ​ണി​യെത്തുട​ര്‍​ന്ന് കേ​ര​ള​ത്തി​ല്‍ അ​ഭ​യം തേ​ടി​യ ജാ​ര്‍​ഖ​ണ്ഡ് സ്വ​ദേ​ശി​ക​ളാ​യ ആ​ശാ വ​ര്‍​മയ്ക്കും മു​ഹ​മ്മ​ദ് ഗാ​ലി​ബി​നും സം​ര​ക്ഷ​ണ​മൊ​രു​ക്കു​മെ​ന്ന് പോലീ​സ്. നി​യ​മ​പ​ര​മാ​യ എ​ല്ലാ സു​ര​ക്ഷ​യും കേ​ര​ള പോലീ​സ് ന​ല്‍​കു​മെ​ന്ന് ജി​ല്ലാ പോലീ​സ് മേ​ധാ​വി എം.​പി. മോ​ഹ​ന​ച​ന്ദ്ര​ന്‍ പ​റ​ഞ്ഞു. ഹൈ​ക്കോ​ട​തി​യു​ടെ ഇ​ട​പെ​ട​ലുണ്ടാ​യ സാ​ഹ​ച​ര്യ​ത്തി​ല്‍ മ​റ്റാ​ര്‍​ക്കും അ​വ​രെ കൊ​ണ്ടു​പോ​കാ​ന്‍ ആ​കി​ല്ലെ​ന്നും അ​ദ്ദേ​ഹം വ്യ​ക്ത​മാ​ക്കി.

നേ​ര​ത്തെ, ആ​ശാ വ​ര്‍​മയ്ക്കും മു​ഹ​മ്മ​ദ് ഗാ​ലി​ബി​നും സം​ര​ക്ഷ​ണ​മൊ​രു​ക്ക​ണ​മെ​ന്ന് പോലീ​സി​നോ​ട് കേ​ര​ള ഹൈ​ക്കോ​ട​തി നിർദേശം നല്കിയിരുന്നു. ആ​ല​പ്പു​ഴ ജി​ല്ലാ പോലീ​സ് മേ​ധാ​വി​ക്കാ​ണ് സിം​ഗി​ള്‍ ബെ​ഞ്ച് നി​ര്‍​ദേ​ശം ന​ല്‍​കി​യ​ത്.

സം​ര​ക്ഷ​ണ കാ​ല​യ​ള​വി​ല്‍ ന​വ​ദ​മ്പ​തി​ക​ളെ സ്വ​ദേ​ശ​ത്തേ​ക്ക് മ​ട​ക്കി അ​യ​യ്ക്ക​രു​തെ​ന്നും ഹൈ​ക്കോ​ട​തി നി​ര്‍​ദേ​ശി​ച്ചു. ഇ​ക്കാ​ര്യ​വും കാ​യം​കു​ളം എ​സ്എ​ച്ച്ഒ ഉ​റ​പ്പു​വ​രു​ത്ത​ണ​മെ​ന്നും ഹൈ​ക്കോ​ട​തി ഉ​ത്ത​ര​വി​ട്ടു. ജാ​ര്‍​ഖ​ണ്ഡ് സ്വ​ദേ​ശി​ക​ളാ​യ ആ​ശാ വ​ര്‍​മ​യും ഗാ​ലി​ബും ന​ല്‍​കി​യ ഹ​ര്‍​ജി​യി​ലാ​ണ് ഹൈ​ക്കോ​ട​തി​യു​ടെ ഇ​ട​പ​ടെ​ല്‍. സം​ര​ക്ഷ​ണം തേ​ടി​യു​ള്ള ഹ​ര്‍​ജി​യി​ല്‍ പോലീ​സി​നോ​ട് ഹൈ​ക്കോ​ട​തി വി​ശ​ദീ​ക​ര​ണം തേ​ടി​യി​ട്ടു​ണ്ട്.

ആ​ശ​യും ഗാ​ലി​ബും വ​ര്‍​ഷ​ങ്ങ​ളാ​യി സ്നേ​ഹ​ബ​ന്ധ​ത്തി​ലു​ള്ള​വ​രാ​ണ്. വി​വാ​ഹശേ​ഷ​വും ഇ​രു​വ​രും മ​തം മാ​റി​യി​ട്ടി​ല്ല. ഇ​രു​വ​രു​ടെ​യും മ​ത വി​ശ്വാ​സ​ങ്ങ​ളി​ല്‍ തു​ട​രു​ന്നു.

ആ​ശ ഗാ​ലി​ബി​നൊ​പ്പം എ​ത്തി​യ​ത് സ്വ​ന്തം ഇ​ഷ്ട​പ്ര​കാ​ര​മെ​ന്ന് അ​ന്വേ​ഷ​ണ​ത്തി​ല്‍ ബോ​ധ്യ​മാ​യ​താ​യും ഇ​ക്കാ​ര്യം ജാ​ര്‍​ഖ​ണ്ഡ് പോലീ​സി​നെ അ​റി​യി​ച്ചി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.