കാ​യം​കു​ളം: ചേ​രാ​വ​ള്ളി​യി​ൽ റെ​യി​ൽ​വേ കോ​ൺ​ട്രാ​ക്റ്റ് പ​ണി​ക്കാ​യി വ​ന്ന ത​മി​ഴ്നാ​ട് സ്വ​ദേ​ശി​യെ ത​ട്ടി​ക്കൊ​ണ്ടു പോ​യി മ​ർ​ദി ക്കു​ക​യും ല​ക്ഷ​ങ്ങ​ൾ ക​വ​ർ​ച്ച ന​ട​ത്തു​ക​യും ചെ​യ്ത കേ​സി​ൽ ര​ണ്ടു പ്ര​തി​ക​ൾ കൂ​ടി അ​റ​സ്റ്റി​ൽ. ക​ന്യാ​കു​മാ​രി സ്വ​ദേ​ശി വൈ​സി​ലി​നെയാണ് ത​ട്ടി​ക്കൊ​ണ്ടു പോ​യി മ​ർ​ദിക്കു​ക​യും കുത്തി പരി ക്കേൽപ്പിക്കുകയും ചെയ്തത്.

പ​ഴ്സ് ത​ട്ടി​യെ​ടു​ക്കു​ക​യും മൊ​ബൈ​ൽ ഫോ​ൺ പി​ടി​ച്ചുവാ​ങ്ങി ഭീ​ഷ​ണി​പ്പെ​ടു​ത്തി പി​ൻ ന​മ്പ​ർ വാ​ങ്ങി ല​ക്ഷ​ങ്ങ​ൾ അ​ക്കൗ​ണ്ടി​ൽ നി​ന്നു പി​ൻ​വ​ലി​ച്ച കേ​സി​ലാ​ണ് ചേ​രാ​വ​ള്ളി ക​ളി​ക്ക​ൽ പു​ത്ത​ൻവീ​ട്ടി​ൽ സ​ൽ​മാ​ൻ (27), ചേ​ടു​വ​ള്ളി​ൽ ത​റ​യി​ൽ തു​പ്പാ​ക്കി എ​ന്നു വി​ളി​ക്കു​ന്ന അ​ൽ​ത്താ​ഫ് (25) എ​ന്നി​വ​രെ അ​റ​സ്റ്റ് ചെ​യ്ത​ത്. ഇ​വ​ർ കേ​സി​ലെ അ​ഞ്ചും ആ​റും പ്ര​തി​ക​ൾ ആ​ണെ​ന്നും കേ​സി​ലെ ര​ണ്ടും മൂ​ന്നും നാ​ലും പ്ര​തി​ക​ളെ നേ​ര​ത്തേ അ​റ​സ്റ്റ് ചെ​യ്തി​രു​ന്ന​താ​യും പോ​ലീ​സ് പ​റ​ഞ്ഞു.

പ്ര​തി​ക​ൾ കാ​യം​കു​ളം എ​സ് ബിഐയു​ടെ എ​ടിഎ​മ്മി​ൽനി​ന്നു പ​ണം പി​ൻ​വ​ലി​ക്കു​ന്ന ദൃ​ശ്യ​ങ്ങ​ൾ പോ​ലീ​സി​ന് ല​ഭി​ച്ചി​രു​ന്നു. പ്ര​തി​ക​ൾ കാ​യം​കു​ളം പോ​ലീ​സ് സ്റ്റേ​ഷ​നി​ൽ കൊ​ല​പാ​ത​ക​ശ്ര​മ കേ​സി​ലും അ​ഞ്ചാം പ്ര​തി​യാ​യ സ​ൽ​മാ​ൻ ഹ​രി​പ്പാ​ട് പോ​ലീ​സ് സ്റ്റേ​ഷ​നി​ലും ആ​റാം പ്ര​തി​യാ​യ അ​ൽ​ത്താ​ഫ് കാ​യം​കു​ളം പോ​ലീ​സ് സ്റ്റേ​ഷ​നി​ലും മ​യ​ക്കു​മ​രു​ന്ന് കേ​സു​ക​ളി​ലും പ്ര​തി​യാ​ണ​ന്നും ആ​റാം പ്ര​തി​യാ​യ അ​ൽ​ത്താ​ഫ് ചേ​രാ​വ​ള്ളി​യി​ലെ വീ​ട്ടി​ൽനി​ന്ന് ആ​റ് ഗ്രാം ​ച​ര​സ് പി​ടി​കൂ​ടി​യ കേ​സി​ലും ഉ​ൾ​പ്പെ​ട്ടി​രു​ന്ന​താ​യി പോ​ലീ​സ് പ​റ​ഞ്ഞു.

കാ​യം​കു​ളം ഡി​വൈ​എ​സ്പി ​ബാ​ബു​ക്കു​ട്ട​ന്‍റെ മേ​ൽ​നോ​ട്ട​ത്തി​ൽ സി​ഐ അ​രു​ൺ ഷാ, ​എ​സ്ഐ ര​തീ​ഷ് ബാ​ബു, പോ​ലീ​സു​ദ്യോ​ഗ​സ്ഥ​രാ​യ ബി​ജു, സ​ജീ​വ് കു​മാ​ർ, അ​ഖി​ൽ മു​ര​ളി, ഷി​ബു, വി​ഷ്ണു, അ​നു എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​ക​ളെ അ​റ​സ്റ്റ് ചെ​യ്ത​ത്. കാ​യം​കു​ളം കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ ജ്യു​ഡീ​ഷ്യ​ൽ ക​സ്റ്റ​ഡി​യി​ൽ റി​മാ​ൻ​ഡ് ചെ​യ്തു.