ഹരിപ്പാ​ട്: കേ​ന്ദ്ര​സ​ർ​ക്കാ​ർ തീ​രു​മാ​നി​ച്ചി​ട്ടു​ള്ള ക​ട​ൽ​മ​ണ​ൽ ഖ​ന​ന​ത്തി​നെ​തി​രേ കേ​ര​ള സ്റ്റേ​റ്റ് ഫി​ഷ​റീ​സ് കോ​-ഓർഡി​നേ​ഷ​ൻ ക​മ്മി​റ്റി​യു​ടെ നേ​തൃ​ത്വ​ത്തി​ൽ ന​ട​ത്തി​യ 24 മ​ണി​ക്കൂ​ർ തീ​ര​ദേ​ശ ഹ​ർ​ത്താ​ൽ ആ​റാ​ട്ടു​പു​ഴ​യി​ലും തൃ​ക്കു​ന്ന​പ്പു​ഴ​യി​ലും പൂ​ര്‍​ണമാ​യി​രു​ന്നു. വ​ലി​യ​ഴീ​ക്ക​ൽ ഹാ​ർ​ബ​റി​ൽ തൊ​ഴി​ലാ​ളി​ക​ൾ ഇ​ല്ലാ​ത്ത അ​വ​സ്ഥ​യാ​യി​രു​ന്നു. ‌

മ​ത്സ്യ​ബ​ന്ധ​ന​ത്തി​നു പോ​കാ​തെ തൊ​ഴി​ലാ​ളി​ക​ൾ സ​മ​ര​ത്തി​ന്‍റെ ഭാ​ഗ​മാ​യി. ക​ട​ക​മ്പോ​ള​ങ്ങ​ളും വി​ദ്യാ​ഭ്യാ​സ സ്ഥാ​പ​ന​ങ്ങ​ളും അ​ട​ഞ്ഞു​കി​ട​ന്നു. സ്വ​കാ​ര്യബ​സു​ക​ൾ സ​ർ​വീ​സ് ന​ട​ത്തി​യി​ല്ല.

സ​മ​ര​ത്തി​ൽ പ​ങ്കെ​ടു​ത്ത തൊ​ഴി​ലാ​ളി​ക​ൾ സ​മ​ര​സ​മി​തി​യു​ടെ നേ​തൃ​ത്വ​ത്തി​ൽ വ​ലി​യ​ഴീ​ക്ക​ൽ പ്ര​ക​ട​ന​വും യോ​ഗ​വും ന​ട​ത്തി. മ​ത്സ്യ​ത്തൊ​ഴി​ലാ​ളി കോ​ൺ​ഗ്ര​സ് ജി​ല്ലാ പ്ര​സി​ഡന്‍റ് ബി​നു പൊ​ന്ന​ൻ ഉ​ദ്ഘാ​ട​നം ചെ​യ്തു. സി​ഐ​ടി​യു കാ​ർ​ത്തി​ക​പ്പ​ള്ളി ഏ​രി​യ സെ​ക്ര​ട്ട​റി ജി.​ ബി​ജു കു​മാ​ർ അ​ധ്യ​ക്ഷ​ത വഹിച്ചു. ജോ​ൺ ​തോ​മ​സ്, കെ. ​ശ്രീ​കൃ​ഷ്ണ​ൻ, ബി.​ ദി​ലീ​പ്കു​മാ​ർ, ഷം​സു​ദ്ദീ​ൻ കാ​യി​പ്പു​റം, അ​നി​ൽ ബി.​ ക​ള​ത്തി​ൽ, എം.​ ഉ​ത്ത​മ​ൻ, ജി.​എ​സ്.​ സ​ജീ​വ​ൻ, സു​ഭ​ഗ​ൻ എ​ന്നി​വ​ർ പ്രസംഗി ച്ചു.

പ​തി​യാ​ങ്ക​ര​യി​ൽനി​ന്നും ആ​രം​ഭി​ച്ച പ്ര​ക​ട​നം തൃ​ക്കു​ന്ന​പ്പു​ഴ ജം​ഗ്ഷ​നി​ൽ എ​ത്തി​ച്ചേ​ർ​ന്ന​തി​നുശേ​ഷം ന​ട​ന്ന പൊ​തു​സ​മ്മേ​ള​നം മ​ത്സ്യ​ത്തൊ​ഴി​ലാ​ളി ഫെ​ഡ​റേ​ഷ​ൻ (സി​ഐ​ടി​യു) സം​സ്ഥാ​ന ക​മ്മി​റ്റി​യം​ഗം സി.​ ര​ത്ന​കു​മാ​ർ ഉ​ദ്ഘാ​ട​നം ചെ​യ്തു. ​ധീ​വ​ര​സ​ഭ 71-ാം ന​മ്പ​ർ ക​ര​യോ​ഗം പ്ര​സി​ഡന്‍റ് ത​മ്പി പ​തി​യാ​ങ്ക​ര അ​ധ്യ​ക്ഷ​നാ​യി. സി.​വി.​ രാ​ജീ​വ്, എ​സ്.​ സു​ധീ​ഷ്, പ്ര​സ​ന്ന​ൻ, എം. ​ഹ​രി​മോ​ൻ, സി.​എ​ച്ച്.​ സാ​ലി എ​ന്നി​വ​ർ സം​സാ​രി​ച്ചു.

അമ്പ​ല​പ്പു​ഴ: ക​ട​ൽമ​ണ​ൽ ഖ​ന​ന​ത്തി​നെ​തി​രേ മ​ത്സ്യത്തൊ​ഴി​ലാ​ളി കോ​-ഓർ​ഡി​നേ​ഷ​ൻ ക​മ്മി​റ്റി വി​വി​ധ കേ​ന്ദ്ര​ങ്ങ​ളി​ൽ ന​ട​ത്തി​യ തീ​ര​ദേ​ശ ഹ​ർ​ത്താ​ൽ പൂ​ർ​ണം. ക​ട​ൽ സ​മ്പ​ത്തും ധാ​തു​മ​ണ​ലും കോ​ർ​പറേ​റ്റു​ക​ൾ​ക്ക് തീ​റെ​ഴു​താ​ൻ അ​നു​വ​ദി​ക്കി​ല്ല എ​ന്ന ഉ​റ​ച്ച പ്ര​ഖ്യാ​പ​ന​വു​മാ​യി ന​ട​ത്തി​യ ഹ​ർ​ത്താ​ലി​ൽ മു​ഴു​വ​ൻ മ​ത്സ്യ​ത്തൊ​ഴി​ലാ​ളി​ക​ളും പ​ണി​മു​ട​ക്കി.

50 ല​ധി​കം പീ​ലിം​ഗ് ഷെ​ഡു​ക​ൾ അ​ട​ഞ്ഞു​കി​ട​ന്നു. അ​നു​ബ​ന്ധ മേ​ഖ​ല​യി​ലെ തൊ​ഴി​ലാ​ളി​ക​ളും പ​ണി​മു​ട​ക്കി ഹ​ർ​ത്താ​ലി​ന്‍റെ ഭാ​ഗ​മാ​യി. ബോ​ട്ടു​ക​ളും ചെ​റു​വ​ള്ള​ങ്ങ​ൾ ഉ​ൾപ്പെടെ​യു​ള്ള​വ​യും പ​ണി​ക്കി​റ​ക്കി​യി​ല്ല. മ​ത്സ്യ​ത്തൊ​ഴി​ലാ​ളി​ക​ളും അ​നു​ബ​ന്ധ മേ​ഖ​ല​യി​ലെ തൊ​ഴി​ലാ​ളി​ക​ളു​മ​ട​ക്കം നൂ​റു​ക​ണ​ക്കി​നുപേ​ർ പ​ങ്കെ​ടു​ത്ത് പ്ര​തി​ഷേ​ധ റാ​ലി​ക​ളും ന​ട​ത്തി.

വ​ണ്ടാ​നം മാ​ധ​വ​മു​ക്കി​ൽ നി​ന്ന് വ​ള​ഞ്ഞ​വ​ഴി തീ​ര​ത്തേ​ക്ക് ന​ട​ത്തി​യ റാ​ലി​യി​ൽ സ്ത്രീ​ക​ള​ട​ക്ക​മു​ള്ള​വ​ർ പ​ങ്കെ​ടു​ത്തു. ഫി​ഷ് ലാ​ൻ​ഡി​ംഗ് സെന്‍ററി​നു സ​മീ​പം ചേ​ർ​ന്ന സ​മ്മേ​ള​നം എ​ച്ച്. സ​ലാം എംഎ​ൽഎ ​ഉ​ദ്ഘാ​ട​നം ചെ​യ്തു. ആ​ർ. അ​ർ​ജു​ന​ൻ അ​ധ്യ​ക്ഷ​നാ​യി. സ​ലാം അ​മ്പ​ല​പ്പു​ഴ, ഡി. ​ദി​ലീ​ഷ് എന്നിവർ പ്രസം ഗിച്ചു.

തോ​ട്ട​പ്പ​ള്ളി ഹാ​ർ​ബ​റി​നു സ​മീ​പം സ​മീ​പം ചേ​ർ​ന്ന യോ​ഗം മ​ത്സ്യ​ത്തൊ​ഴി​ലാ​ളി കോ​-ഓർ​ഡി​നേ​ഷ​ൻ ക​മ്മി​റ്റി ജ​ന​റ​ൽ ക​ൺ​വീ​ന​ർ ടി. ​ജെ. ആ​ഞ്ച​ലോ​സ് ഉ​ദ്ഘാ​ട​നം ചെ​യ്തു. പി. ​ഗോ​പാ​ല​കൃ​ഷ്ണ​ൻ അ​ധ്യ​ക്ഷ​നാ​യി.

പു​ന്ന​പ്ര മേ​ഖ​ല ക​മ്മി​റ്റി വി​യാ​നി സെ​ന്‍റ് ജൂ​ഡ് ചാ​പ്പ​ലി​നു സ​മീ​പം നി​ന്നു പു​ന്ന​പ്ര ഫി​ഷ് ലാ​ൻഡിംഗ് സെ​ന്‍റ​റി​ലേ​ക്ക് സ​ർ​വ ക​ക്ഷി പ്ര​തി​ഷേ​ധ പ്ര​ക​ട​നം ന​ട​ത്തി. തു​ട​ർ​ന്നു ചേ​ർ​ന്ന യോ​ഗം വി​യാ​നി പള്ളി വി​കാ​രി ഫാ. ​ക്ലീ​റ്റ​സ് ക​ര​ക്കാ​ട്ട് ഉ​ദ്ഘാ​ട​നം ചെ​യ്തു.

പ്ര​സി​ഡ​ന്‍റ് ര​തീ​ഷ് അ​ധ്യ​ക്ഷ​ത വഹിച്ചു. വി​വി​ധ സം​ഘ​ട​നാ ഭാ​ര​വാ​ഹി​ക​ളാ​യ കെ. ​ആ​ർ. ഗോ​പാ​ല​കൃ​ഷ്ണ​ൻ, അ​ഖി​ലാ​ന​ന്ദ​ൻ, എം. ​ഷീ​ജ, സു​ബൈ​ദ, അ​ഷ്‌​ക​ർ, സ​ത്താ​ർ എ​ന്നി​വ​ർ പ്രസംഗിച്ചു.