പൂ​ച്ചാ​ക്ക​ൽ: പു​ന​രാ​രം​ഭി​ച്ച മാ​ക്കേ​ക്ക​ട​വ്-നേ​രേ​ക​ട​വ് പാ​ല​ത്തി​ന്‍റെ 88 ഗ​ർ​ഡ​റു​ക​ളി​ൽ 44 എ​ണ്ണ​ത്തി​ന്‍റെ നി​ർ​മാ​ണം പൂ​ർ​ത്തി​യാ​ക്കി മാ​ക്കേ​ക്ക​ട​വ്- നേ​രേ​ക​ട​വ് പാ​ലം പ​ണി ത​കൃ​തി​യാ​യി ന​ട​ക്കു​ന്നു. പൂ​ർ​ത്തി​യാ​ക്കി​യ 44 ഗ​ർ​ഡ​റു​ക​ളി​ൽ 33 എ​ണ്ണം സ്ഥാ​പി​ച്ചു ക​ഴി​ഞ്ഞു. ആ​കെ 22 സ്പാ​നു​ക​ളാ​ണ് വ​രു​ന്ന​ത്.

മാ​ക്കേ​ക്ക​ട​വ് ഭാ​ഗ​ത്ത് 10 എ​ണ്ണ​വും നേ​രേ​ക​ട​വ് ഭാ​ഗ​ത്ത് 10 എ​ണ്ണ​വും ന​ടു​വി​ലാ​യി രണ്ടുമാ​ണ് വ​രു​ന്ന​ത്. 22 സ്പാ​നു​ക​ളി​ൽ 8 സ്ഥാ​പി​ച്ചു. ഇ​തി​ൽ അഞ്ച് സ്പാ​നു​ക​ളു​ടെ കോ​ൺ​ക്രീ​റ്റി​ംഗ് പൂ​ർ​ത്തി​യാ​യി. ആ​റാ​മ​ത്തെ സ്പാ​നി​ന്‍റെ കോ​ൺ​ക്രീ​റ്റി​ംഗ് ന​ട​ക്കു​ക​യാ​ണ്. മാ​ക്കേ​ക്ക​ട​വ് ഭാ​ഗ​ത്തു​നി​ന്നു നേ​രേ​ക​ട​വി​ലേ​ക്ക് 200 മീ​റ്റ​റോ​ളം നീ​ള​ത്തി​ൽ കോ​ൺ​ക്രീ​റ്റി​ംഗ് ക​ഴി​ഞ്ഞി​ട്ടു​ണ്ട്. 800 മീ​റ്റ​റാ​ണ് പാ​ല​ത്തി​ന്‍റെ നീ​ളം.

7.5 മീ​റ്റ​ർ വീ​തി

അ​തി​വേ​ഗ​ത്തി​ലാ​ണ് നി​ർ​മാ​ണം ന​ട​ക്കു​ന്ന​ത്. കാ​ലാ​വ​സ്ഥ അ​നു​കൂ​ല​മാ​യ​തി​നാ​ൽ വേ​ഗ​ത്തി​ൽ നി​ർ​മാ​ണം പൂ​ർ​ത്തി​ക​രി​ക്കാ​നാ​കും എ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. മാ​ക്കേ​ക്ക​ട​വ്‌– നേ​രേ​ക​ട​വ്‌ പാ​ലം വേ​മ്പ​നാ​ട്‌ കാ​യ​ലി​നു​കു​റു​കെ 800 മീ​റ്റ​ർ നീ​ള​ത്തി​ലാ​ണ്. ആ​ല​പ്പു​ഴ ജി​ല്ല​യി​ലെ തൈ​ക്കാ​ട്ടു​ശേ​രി പ​ഞ്ചാ​യ​ത്തി​നെ​യും കോ​ട്ട​യം ജി​ല്ല​യി​ലെ ഉ​ദ​യ​നാ​പു​രം പ​ഞ്ചാ​യ​ത്തി​നെ​യും ബ​ന്ധി​പ്പി​ക്കു​ന്ന​താ​ണ് പാ​ലം. 7.5 മീ​റ്റ​ർ വീ​തി​യാ​ണു​ള്ള​ത്.

തു​റ​വൂ​ർ-പ​മ്പ പാ​ത​യി​ലെ ര​ണ്ടാ​മ​ത്തെ പാ​ല​മാ​ണി​ത്‌. തു​റ​വൂ​രി​ല്‍നി​ന്ന് ആ​രം​ഭി​ച്ച് തൈ​ക്കാ​ട്ടു​ശേ​രി, ഉ​ദ​യ​നാ​പു​രം, വൈ​ക്കം, ക​ടു​ത്തു​രു​ത്തി, കു​റ​വി​ല​ങ്ങാ​ട്, പാ​ലാ, പൊ​ന്‍​കു​ന്നം, എ​രു​മേ​ലി വ​ഴി പ​മ്പ​യി​ല്‍ എ​ത്തു​ന്ന​താ​ണ് പാ​ത.

തു​റ​വൂ​ര്‍ ക്ഷേ​ത്രം, വൈ​ക്കം, ക​ടു​ത്തു​രു​ത്തി, ഏ​റ്റു​മാ​നൂ​ര്‍, എ​രു​മേ​ലി തു​ട​ങ്ങി ഒ​ട്ടേ​റെ തീ​ര്‍​ഥാ​ട​ന കേ​ന്ദ്ര​ങ്ങ​ളെ ബ​ന്ധി​പ്പി​ച്ചാ​ണ് പാ​ത ക​ട​ന്നുപോ​കു​ന്ന​ത്. ത​ണ്ണീ​ർ​മു​ക്കം ബ​ണ്ട് വ​ഴി ചു​റ്റിക്കറ​ക്കി​യാ​ണ് ഇ​പ്പോ​ൾ ജ​ന​ങ്ങ​ൾ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പോ​കു​ന്ന​ത്. പാ​ലം പൂ​ർ​ത്തി​യാ​കു​ന്ന​തോ​ടെ വേ​ഗ​ത്തി​ൽ ആ​ശു​പ​ത്രി​യി​ൽ എ​ത്താ​നാ​കും. 2026 ജ​നു​വ​രി​യി​ൽ നി​ർ​മാ​ണം പൂ​ർ​ത്തി​യാ​ക്കാ​നാ​കും എ​ന്നാ​ണ് പ്ര​തീ​ക്ഷ. വി​വി​ധ കാ​ര​ണ​ങ്ങ​ളാ​ൽ വ​ർ​ഷ​ങ്ങ​ളോ​ളം നി​ല​ച്ച നി​ർ​മാ​ണം ആറുമാ​സം മു​ൻ​പാ​ണ് പു​ന​രാ​രം​ഭി​ച്ച​ത്. പാ​ലം പ​ണി ത​കൃ​തി​യാ​യി ന​ട​ക്കു​ന്ന​തി​ൽ ആ​ശ്വ​സി​ച്ച് പ്ര​തീ​ക്ഷ​യോ​ടെ യാ​ത്ര​ക്കാ​ർ പൂ​ർ​ത്തി​ക​ര​ണ​ത്തി​നാ​യി കാ​ക്കു​ന്നു.