അന്പ​ല​പ്പു​ഴ: കേ​ന്ദ്രസ​ർ​ക്കാ​രി​ന്‍റെ ക​ട​ൽ​മ​ണ​ൽ ഖ​ന​ന​ത്തി​നെ​തി​രേ ജി​ല്ല​യു​ടെ തീ​ര​ത്ത് പ്ര​തി​ഷേ​ധം ശ​ക്തം. ഫി​ഷ​റീ​സ് കോ-ഓ​ർ​ഡി​നേ​ഷ​ൻ ക​മ്മിറ്റി ആ​ഹ്വാ​നം ചെ​യ്ത 24 മ​ണി​ക്കൂ​ർ ഹ​ർ​ത്താ​ൽ അ​ർ​ധ​രാ​ത്രി മു​ത​ൽ ആ​രം​ഭി​ച്ചു.

ക​ട​ലി​ലും ക​ര​യി​ലും ഒ​രേ പോ​ലെ​യാ​ണ് പ്ര​തി​ഷേ​ധം അ​ല​യ​ടി​ക്കു​ക. സം​സ്ഥാ​ന​ത്തെ പ്ര​ധാ​ന​പ്പെ​ട്ട 25 കേ​ന്ദ്ര​ങ്ങ​ളി​ൽ ഹ​ർ​ത്താ​ലി​നോ​ട​നു​ബ​ന്ധി​ച്ചു ഇ​ന്ന് പൊ​തു​സ​മ്മേ​ള​ന​ങ്ങ​ൾ ന​ട​ക്കും. ജി​ല്ല​യി​ൽ 13 കേ​ന്ദ്ര​ങ്ങ​ളി​ലാ​ണ് സ​മ​ര​പ്ര​ഖ്യാ​പ​നം ന​ട​ത്തു​ന്ന​ത്.

അ​ന്ധ​കാ​ര​ന​ഴി, ചെ​ത്തി, പൊ​ള്ളേ​തൈ, തു​മ്പോ​ളി, ഇ​എ​സ്ഐ, പ​റ​വൂ​ർ, പു​ന്ന​പ്ര, വ​ള​ഞ്ഞ​വ​ഴി, പു​റ​ക്കാ​ട്, തോ​ട്ട​പ്പ​ള്ളി, തൃ​ക്കു​ന്ന​പ്പു​ഴ, വ​ലി​യ​ഴീ​ക്ക​ൽ, അ​ർ​ത്തു​ങ്ക​ൽ എന്നിവിടങ്ങളിലാണ് പ്ര​തി​ഷേ​ധ സ​മ്മേ​ള​നം ന​ട​ക്കു​ന്ന​ത്. മ​ത്സ്യബ​ന്ധ​ന യാ​ന​ങ്ങ​ൾ പ​ണി​ക്കു പോ​കാ​തെ​യും ക​ട​ക​മ്പോ​ള​ങ്ങ​ൾ അ​ട​ച്ചു​മാ​ണ് തീ​ര​ദേ​ശ​ത്തിന്‍റെ തീ​ര​ജ​ന​ത പ്ര​തി​ഷേ​ധി​ക്കു​ന്ന​ത്. മത്സ്യത്തൊ​ഴി​ലാ​ളി​ക​ളെ കൂ​ടാ​തെ അ​നു​ബ​ന്ധ മേ​ഖ​ല​യാ​യ ചെ​മ്മീ​ൻ പീ​ലിം​ഗ്, ഐ​സ് നി​ർ​മാ​ണ ക​മ്പ​നി​ക​ൾ, മ​ത്സ്യ വി​ല്പന ശാ​ല​ക​ൾ, ക​യ​റ്റി​യിറ​ക്കു തൊ​ഴി​ലാ​ളി​ക​ൾ തു​ട​ങ്ങി​യ​വ​രും ഹ​ർ​ത്താ​ലി​ൽ പ​ങ്കാ​ളി​ക​ളാ​കും.
യുഡിഎ​ഫ്, എ​ൽഡിഎ​ഫ് തൊ​ഴി​ലാ​ളി സം​ഘ​ട​ന​ക​ൾ​ക്കൊ​പ്പം, ല​ത്തീ​ൻ രൂ​പ​ത, ധീ​വ​ര​സ​ഭ, വി​വി​ധ മു​സ്‌ലിം ജ​മാ​അ​ത്തു​ക​ളു​ടെ പി​ന്തു​ണ​യും സ​മ​ര​ക്കാ​ർ​ക്കു​ണ്ട്.

തീ​ര​ദേ​ശ ജ​ന​ത​യു​ടെ ആ​ശ​ങ്ക​യെ മ​റ​ന്ന് സ്വ​കാ​ര്യ ക​മ്പ​നി​ക​ൾ​ക്കു ക​ട​ൽ ഖ​ന​ന​ത്തി​ന് അ​നു​മ​തി ന​ൽ​കി​യ കേ​ന്ദ്രസ​ർ​ക്കാ​രി​ന്‍റെ ന​യം തി​രു​ത്തു​ന്ന​തു​വ​രെ പ്ര​തി​ഷേ​ധം ക​ടു​പ്പി​ക്കാ​നാ​ണ് ഫി​ഷ​റി​സ് കോ-​ഓ​ഡി​നേ​ഷ​ൻ ക​മ്മിറ്റി​യു​ടെ തീ​രു​മാ​നം. ഇ​തി​നു പി​ന്തു​ണ അ​റി​യി​ച്ച് ഇ​ന്ന​ലെ പു​ന്ന​പ്ര ന​ർ​ബോ​ന മു​ത​ൽ വാ​ട​യ്ക്ക​ൽ വ​രെ കെ​എ​ൽ​സി​എയു​ടെ നേ​തൃ​ത്വ​ത്തി​ൽ ന​ട​ത്തി​യ ഐ​ക്യ​ദാ​ർ​ഢ്യ റാ​ലി​യി​ൽ സ്ത്രീ​ക​ളും കു​ട്ടി​ക​ളും വൈ​ദി​ക​രും ഉ​ൾ​പ്പെടെ നൂ​റു​ക​ണ​ക്കി​നു പേ​ർ പ​ങ്കെ​ടു​ത്തു.