ചെ​ങ്ങ​ന്നൂ​ര്‍: മു​ള​ക്കു​ഴ പ​ഞ്ചാ​യ​ത്തി​ലെ പ​ത്താം വാ​ര്‍​ഡി​ല്‍ ചാ​ങ്ങ​പ്പാ​ടം ചാ​ലി​ല്‍ എം​ബാ​ങ്കു​മെ​ന്‍റ് മ​ത്സ്യ​കൃ​ഷി പ​ദ്ധ​തി​ക്കു തു​ട​ക്ക​മാ​യി. ഫി​ഷ​റീ​സ് വ​കു​പ്പി​ന്‍റെ നേ​തൃ​ത്വ​ത്തി​ല്‍ ആ​രം​ഭി​ച്ച പ​ദ്ധ​തി മ​ന്ത്രി സ​ജി ചെ​റി​യാ​ന്‍ ഉ​ദ്ഘാ​ട​നം ചെ​യ്തു. മു​ള​ക്കു​ഴ പ​ഞ്ചാ​യ​ത്ത് പ്ര​സി​ഡ​ന്‍റ് കെ.​കെ. സ​ദാ​ന​ന്ദ​ന്‍ അ​ധ്യ​ക്ഷ​നാ​യി. ഒ​രു ഹെ​ക്ട​ര്‍ സ്ഥ​ല​ത്ത് ന​ട​പ്പാ​ക്കു​ന്ന പ​ദ്ധ​തി ജ​ല​നി​ധി മ​ത്സ്യ ക​ര്‍​ഷ​ക ഗ്രൂ​പ്പി​ന്‍റെ നേ​തൃ​ത്വ​ത്തി​ലു​ള്ള സ്വ​യം സ​ഹാ​യ സം​ഘ​മാ​ണ് ന​ട​ത്തു​ന്ന​ത്.

പ​രി​സ്ഥി​തി സൗ​ഹൃ​ദ​പ​ര​മാ​യ രീ​തി​യി​ല്‍ താ​ത്കാലി​ക ചി​റ​ക​ളും ത​ട​യ​ണ​ക​ളും നി​ര്‍​മി​ച്ച് ത​ദ്ദേ​ശീ​യ മ​ത്സ്യ​വി​ത്തു​ക​ള്‍ നി​ക്ഷേ​പി​ച്ച് ശാ​സ്ത്രീ​യ പ​രി​പാ​ല​ന​ത്തി​ലൂ​ടെ വ​ള​ര്‍​ത്തി​യെ​ടു​ക്കു​ന്ന എം​ബാ​ങ്കു​മെ​ന്‍റ് പ​ദ്ധ​തി​ക്ക് ഹെ​ക്ട​റി​ന് 15 ല​ക്ഷം രൂ​പ​യാ​ണ് യൂ​ണി​റ്റ് ചെല​വ്. ഇ​തി​ന്‍റെ 60 ശ​ത​മാ​നം തു​ക ഫി​ഷ​റീ​സ് വ​കു​പ്പ് സ​ബ്‌​സി​ഡി​യാ​യി ന​ല്‍​കും.

ബാ​ക്കി തു​ക ഗു​ണ​ഭോ​ക്താ​ക്ക​ള്‍ വ​ഹി​ക്ക​ണം. കൃ​ത്യ​മാ​യ ശാ​സ്ത്രീ​യ പ​രി​ച​ര​ണ​ത്തി​ലൂ​ടെ നാ​ലു മു​ത​ല്‍ ആ​റുമാ​സ​ത്തി​നു​ള്ളി​ല്‍ 300 മു​ത​ല്‍ 400 ഗ്രാം ​വ​രെ​യു​ള്ള മ​ത്സ്യ​ക്കു​ഞ്ഞു​ങ്ങ​ളെ വി​ള​വെ​ടു​ക്കാം. ഒ​രു ഹെ​ക്ട​ര്‍ സ്ഥ​ല​ത്ത് 1000 ക​രി​മീ​ന്‍ കു​ഞ്ഞു​ങ്ങ​ളെ​യും 9000 വ​രാ​ല്‍ കു​ഞ്ഞു​ങ്ങ​ളെ​യു​മാ​ണ് നി​ക്ഷേ​പി​ച്ചി​ട്ടു​ള്ള​ത്.

ചെ​ങ്ങ​ന്നൂ​ര്‍ മ​ണ്ഡ​ല​ത്തി​ല്‍ ജ​ന​കീ​യ മ​ത്സ്യ​കൃ​ഷി, പി​എം​എം​എ​സ് വൈ ​പ​ദ്ധ​തി തു​ട​ങ്ങി നി​ര​വ​ധി പ​ദ്ധ​തി​ക​ള്‍ ഫി​ഷ​റീ​സ് വ​കു​പ്പ് ന​ട​പ്പി​ലാ​ക്കിവ​രു​ന്നു. കു​ള​ങ്ങ​ളി​ലെ വി​വി​ധ മ​ത്സ്യ​കൃ​ഷി രീ​തി​ക​ള്‍, കൂ​ട് മ​ത്സ്യ​കൃ​ഷി, മ​ത്സ്യ​വി​ത്തു​ല്പാ​ദ​ന യൂ​ണി​റ്റു​ക​ള്‍, വ​ള​പ്പ് മ​ത്സ്യ​കൃ​ഷി, അ​ല​ങ്കാ​ര മ​ത്സ്യ​കൃ​ഷി യൂ​ണി​റ്റു​ക​ള്‍, നൂ​ത​ന മ​ത്സ്യ​കൃ​ഷി രീ​തി​ക​ളാ​യ ബ​യോ​ഫ്‌​ലോ​ക്ക് തു​ട​ങ്ങി​യ പ​ദ്ധ​തി​ക​ളും ഇ​തി​ല്‍ ഉ​ള്‍​പ്പെ​ടു​ന്നു. ക​ഴി​ഞ്ഞ ര​ണ്ടുവ​ര്‍​ഷ​ത്തി​നു​ള്ളി​ല്‍ ഒ​ന്ന​ര​ക്കോ​ടി​യോ​ളം രൂ​പ​യു​ടെ മ​ത്സ്യ​കൃ​ഷി പ​ദ്ധ​തി​ക​ളാ​ണ് മ​ണ്ഡ​ല​ത്തി​ല്‍ ന​ട​പ്പി​ലാ​ക്കി​യി​ട്ടു​ള്ള​ത്.

എം​ബാ​ങ്കു​മെ​ന്‍റ് പ​ദ്ധ​തി​ക്ക് ഈ ​വ​ര്‍​ഷം 3.24 കോ​ടി രൂ​പ​യാ​ണ് വ​ക​യി​രു​ത്തി​യി​ട്ടു​ള്ള​ത്. ഇ​തി​ലൂ​ടെ 40 ഹെ​ക്ട​ര്‍ ജ​ലാ​ശ​യ​ത്തി​ല്‍ മ​ത്സ്യ​കൃ​ഷി വ്യാ​പി​പ്പി​ക്കാ​നാ​ണ് ല​ക്ഷ്യ​മി​ടു​ന്ന​ത്. വെ​ണ്‍​മ​ണി പ​ഞ്ചാ​യ​ത്ത് പ്ര​സി​ഡന്‍റ് ടി.​സി. സു​നി​മോ​ള്‍, വൈ​സ് പ്ര​സി​ഡ​ന്‍റ് പി.​ആ​ര്‍. ര​മേ​ശ് കു​മാ​ര്‍, യു​വ​ജ​ന​ക്ഷേ​മ ബോ​ര്‍​ഡ് ജി​ല്ലാ കോ​-ഓർഡി​നേ​റ്റ​ര്‍ ജ​യിം​സ് ശാ​മു​വേ​ല്‍, ബ്ലോ​ക്ക് പ​ഞ്ചാ​യ​ത്തം​ഗം ജെ​ബി​ന്‍ പി. ​വ​ര്‍​ഗീ​സ്, എ​ന്‍. പ​ത്മാ​ക​ര​ന്‍, സു​ഷ​മ സു​ത​ന്‍, കെ.​എ​സ്. ഗോ​പി​നാ​ഥ​ന്‍ എ​ന്നി​വ​ര്‍ പ്ര​സം​ഗി​ച്ചു.

എ.​കെ. ശ്രീ​നി​വാ​സ​ന്‍ പ്ര​സി​ഡന്‍റും സി​ദ്ദി​ഖ് റാ​വു​ത്ത​ര്‍ സെ​ക്ര​ട്ട​റി​യു​മാ​യു​ള്ള ജ​ല​നി​ധി മ​ത്സ്യ ക​ര്‍​ഷ​ക ഗ്രൂ​പ്പാ​ണ് പ​ദ്ധ​തി​ക്കു നേ​തൃ​ത്വം ന​ല്‍​കുന്ന​ത്.