അമ്പ​ല​പ്പു​ഴ: നാ​ട്ടു​കാ​ര്‍ കു​ടി​വെ​ള്ള​ത്തി​നാ​യി നെ​ട്ടോ​ട്ട​മോ​ടു​മ്പോ​ള്‍ വ​കു​പ്പു​ക​ള്‍ ത​മ്മി​ലു​ള്ള ത​ര്‍​ക്കം മൂ​ലം കു​ടി​വെ​ള്ളം പാ​ഴാ​കു​ന്നു. പ​രാ​തി ന​ല്‍​കി​യി​ട്ടും ഫ​ല​മു​ണ്ടാ​കാ​തെ വ​ന്ന​തോ​ടെ നി​ല്‍​പ്പുസ​മ​രം സം​ഘ​ടി​പ്പി​ച്ച് നാ​ട്ടു​കാ​ര്‍ പ്ര​തി​ഷേ​ധി​ച്ചു.

അ​മ്പ​ല​പ്പു​ഴ-തി​രു​വ​ല്ല സം​സ്ഥാ​ന പാ​ത​യി​ല്‍ ക​രു​മാ​ടി ജം​ഗ്ഷ​ന് കി​ഴ​ക്ക് പ​ട്ട​ത്താ​നം ബ​സ് സ്റ്റോ​പ്പി​നു സ​മീ​പ​മാ​ണ് പ്ര​തി​ദി​നം ആ​യി​ര​ക്ക​ണ​ക്കി​ന് ലി​റ്റ​ര്‍ കു​ടി​വെ​ള്ളം പാ​ഴാ​കു​ന്ന​ത്. ഏ​ക​ദേ​ശം നാ​ലുമാ​സം മു​ന്‍​പാ​ണ് ഇ​വി​ടെ വാ​ട്ട​ര്‍ അഥോറി​റ്റി​യു​ടെ ഉ​ട​മ​സ്ഥ​ത​യി​ലു​ള്ള പൈ​പ്പ് ലൈ​ന്‍ പൊ​ട്ടി കു​ടി​വെ​ള്ളം പാ​ഴാ​കാ​ന്‍ തു​ട​ങ്ങി​യ​ത്.

മൂ​ന്നുമാ​സം മു​ന്‍​പ് ത​ക​ഴി പ​ഞ്ചാ​യ​ത്ത് അ​ധി​കൃ​ത​ര്‍ ഇ​തി​നു പ​രി​ഹാ​രം കാ​ണ​ണ​മെ​ന്നാ​വ​ശ്യ​പ്പെ​ട്ട് വാ​ട്ട​ര്‍ അ​ഥോറി​റ്റി​ക്ക് ക​ത്ത് ന​ല്‍​കി. എ​ന്നാ​ല്‍, പി​ന്നീ​ട് യാ​തൊ​രു ന​ട​പ​ടി​യു​മു​ണ്ടാ​യി​ല്ല. ക​രു​മാ​ടി ക​ള​ത്തി​ല്‍​പ്പാ​ലം പ്ര​ദേ​ശ​ത്തെ 400 ഓ​ളം കു​ടും​ബ​ങ്ങ​ള്‍​ക്ക് ല​ഭി​ക്കേ​ണ്ട കു​ടി​വെ​ള്ള​മാ​ണ് വ​ന്‍​തോ​തി​ല്‍ പാ​ഴാ​കു​ന്ന​ത്. ദേ​ശീ​യ നി​ല​വാ​ര​ത്തി​ല്‍ കോ​ടി​ക​ള്‍ ചെ​ല​വ​ഴി​ച്ചു നി​ര്‍​മി​ച്ച റോ​ഡും ഇ​തോ​ടെ ത​ക​ര്‍​ന്നു. വാ​ട്ട​ര്‍ അഥോ​റി​റ്റി പൊ​തു​മ​രാ​മ​ത്ത് വ​കു​പ്പി​ന് പ​ണം അ​ട​ച്ചാ​ല്‍ മാ​ത്ര​മേ റോ​ഡ് പൊ​ളി​ച്ച് അ​റ്റ​കു​റ്റ​പ്പ​ണി ന​ട​ത്താ​ന്‍ പൊ​തു​മ​രാ​മ​ത്ത് വ​കു​പ്പ് അ​നു​മ​തി ന​ല്‍​കു​ക​യു​ള്ളൂ. എ​ന്നാ​ല്‍, ഇ​തുസം​ബ​ന്ധി​ച്ച യാ​തൊ​രു അ​റി​യി​പ്പും ത​ങ്ങ​ള്‍​ക്ക് ല​ഭി​ച്ചി​ല്ലെ​ന്ന് പൊ​തു​മ​രാ​മ​ത്ത് വ​കു​പ്പ് ഉ​ദ്യോ​ഗ​സ്ഥ​ര്‍ അ​റി​യി​ച്ച​താ​യി ഇ​തി​നെ​ക്കു​റി​ച്ച് അ​ന്വേ​ഷി​ച്ച​പ്പോ​ള്‍ അ​റി​യാ​ന്‍ ക​ഴി​ഞ്ഞു​വെ​ന്ന് പ്ര​ദേ​ശ​വാ​സി​ക​ള്‍ പ​റ​യു​ന്നു.

വാ​ട്ട​ര്‍ അഥോ​റി​റ്റി​യും പൊ​തു​മ​രാ​മ​ത്ത് വ​കു​പ്പും ത​മ്മി​ലു​ള്ള ത​ര്‍​ക്ക​ത്തെ​ത്തു​ട​ര്‍​ന്ന് മാ​സ​ങ്ങ​ളാ​യി കു​ടി​വെ​ള്ളം റോ​ഡി​ല്‍ പാ​ഴാ​കു​ക​യാ​ണ്. രാ​ത്രി കാ​ല​ങ്ങ​ളി​ല്‍ ഈ ​കു​ഴി​യി​ല്‍ വീ​ണ് ഇ​രു​ച​ക്ര വാ​ഹ​ന​ക്കാ​ര്‍​ക്ക് പ​രി​ക്കേ​ല്‍​ക്കു​ന്ന​തും നി​ത്യ സം​ഭ​വ​മാ​ണ്.

വാ​ട്ട​ര്‍ അഥോ​റി​റ്റി എ​ട​ത്വ സ​ബ് ഡി​വി​ഷ​ന് കീ​ഴി​ലാ​ണ് ഈ ​പ്ര​ദേ​ശം. പ്ര​തി​ദി​നം ആ​യി​ര​ക്ക​ണ​ക്കി​ന് ലി​റ്റ​ര്‍ കു​ടി​വെ​ള്ളം പാ​ഴാ​യി​ട്ടും ഇ​തി​നു പ​രി​ഹാ​രം കാ​ണാ​ത്ത അ​ധി​ക്യ​ത​രു​ടെ നി​ല​പാ​ടി​നെ​തി​രെ​യാ​ണ് വി​വി​ധ സം​ഘ​ട​ന​ക​ളു​ടെ നേ​തൃ​ത്വ​ത്തി​ല്‍ ഇ​വി​ടെ നി​ല്‍​പ്പ് സ​മ​രം സം​ഘ​ടി​പ്പി​ച്ച​ത്.

പ്ര​ദേ​ശ​വാ​സി​ക​ളാ​യ വ​നി​ത​ക​ള​ട​ക്ക​മു​ള്ള​വ​ര്‍ ഈ ​പ്ര​തി​ഷേ​ധ​ത്തി​ല്‍ ക​ണ്ണി​ക​ളാ​യി. ദേ​ശീ​യ മ​നു​ഷ്യാ​വ​കാ​ശ സ​മി​തി സം​സ്ഥാ​ന അ​ധ്യ​ക്ഷ​ന്‍ അ​ഡ്വ. ദി​ലീ​പ് ചെ​റി​യ​നാ​ട് സ​മ​രം ഉ​ദ്ഘാ​ട​നം ചെ​യ്തു. ക​രു​മാ​ടി മോ​ഹ​ന​ന്‍ അ​ധ്യ​ക്ഷ​നാ​യി​രു​ന്നു.​ വി​വി​ധ സം​ഘ​ട​നാ ഭാ​ര​വാ​ഹി​ക​ളാ​യ ടി.​സു​രേ​ഷ്, കെ. ​സോ​മ​ന്‍, ച​മ്പ​ക്കു​ളം രാ​ധാ​കൃ​ഷ്ണ​ന്‍, വി.​ ശ്യാം​കു​മാ​ര്‍, ബൈ​ജു നാ​റാ​ണ​ത്ത്, പ്ര​ദീ​പ് കു​മാ​ർ.പി, എ​സ്. ​മ​തികു​മാ​ര്‍, വി. ​സു​രേ​ന്ദ്ര​ന്‍ ഭ​ജ​ന​മ​ഠം, ജ​യ​ശ്രീ മോ​ഹ​ന്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.