ചെ​ങ്ങ​ന്നൂ​ർ: മ​ധ്യ​തി​രു​വി​താം​കൂ​റി​ന്‍റെ സാം​സ്കാ​രി​ക മ​ഹോ​ത്സ​വ​മാ​യ ചെ​ങ്ങ​ന്നൂ​ർ ഫെ​സ്റ്റിന് (അ​ഖി​ലേ​ന്ത്യാ ട്രേ​ഡ് ഫെ​യ​റും പു​ഷ്പ​ഫ​ല പ്ര​ദ​ർ​ശ​ന​വും) ​നി​റ​പ്പ​കി​ട്ടാ​ർ​ന്ന വി​ളം​ബ​ര ഘോ​ഷ​യാ​ത്ര​യോ​ടെ തുടക്കം. ഇ​നി​യു​ള്ള 12 നാ​ളു​ക​ൾ ചെ​ങ്ങ​ന്നൂ​രി​ന് കാ​ഴ്ച​യു​ടെ വ​സ​ന്തോ​ത്സ​വ​മാ​ണ്.

ഫെ​സ്റ്റ് ന​ഗ​റാ​യ ബി​സി​ന​സ് ഇ​ന്ത്യ ഗ്രൗ​ണ്ടി​ലെ ഉ​ദ്ഘാ​ട​ന​ത്തി​ന് മു​ന്നോ​ടി​യാ​യി ന​ട​ന്ന വി​ളം​ബ​ര ഘോ​ഷ​യാ​ത്ര എം​സി റോ​ഡി​ൽ പു​ത്ത​ൻപ​ടി​യി​ൽ ആ​രം​ഭി​ച്ചു .

ചെ​ങ്ങ​ന്നൂ​ർ സ്റ്റേ​ഷ​ൻ എ​സ് എ​ച്ച്ഒ എ.​സി. വി​പി​ൻ ഫ്ലാ​ഗ് ഓ​ഫ് ചെ​യ്തു. ഫെ​സ്റ്റ് ചെ​യ​ർ​മാ​ൻ പി .​എം. തോ​മ​സ് , ന​ഗ​ര​സ​ഭാ​ധ്യ​ക്ഷ അ​ഡ്വ.​ശോ​ഭ വ​ർ​ഗീ​സ്, കെ. ​ഷി​ബു​രാ​ജ​ൻ, അ​ശോ​ക് പ​ടി​പ്പു​ര​യ്ക്ക​ൽ, സു​ജ ജോ​ൺ , ജോ​സ് കെ.​ജോ​ർ​ജ്, കെ.​ജി. ക​ർ​ത്ത, കെ. ​ശ​ശി​കു​മാ​ർ, എ​സ്.​വി. പ്ര​സാ​ദ്, പ്ര​തി​പാ​ൽ പു​ളി​മൂ​ട്ടി​ൽ തു​ട​ങ്ങി ന​ഗ​ര​സ​ഭാം​ഗ​ങ്ങ​ൾ , സാ​മൂ​ഹി​ക സാം​സ്കാ​രി​ക രാ​ഷ്‌ട്രീയരം​ഗ​ത്തെ ഒ​ട്ട​ന​വ​ധി ആ​ളു​ക​ൾ പ​ങ്കെ​ടു​ത്തു.

ഫെ​സ്റ്റി​ന്‍റെ ഭാ​ഗ​മാ​യി പു​ഷ്പ​മേ​ള, വി​വി​ധ മ​ത്സ​ര​ങ്ങ​ൾ, അ​മ്യൂ​സ്മെ​ന്‍റ് പാ​ർ​ക്ക്. ശ്വാ​ന​പ്ര​ദ​ർ​ശ​നം, നൂ​റി​ലേ​റെ സ്റ്റാ​ളു​ക​ൾ സാം​സ്‌​കാ​രി​ക സ​മ്മേ​ള​ന​ങ്ങ​ൾ, ക​ലാ​പ​രി​പാ​ടി​ക​ൾ എ​ന്നി​വ​യു​ണ്ട്. പാ​സ് മൂ​ല​മാ​ണു പ്ര​വേ​ശ​നം. ഫെ​സ്റ്റ് 15നു ​സ​മാ​പി​ക്കും. ഫെ​സ്റ്റി​ൽ ഇ​ന്ന് വൈ​കി​ട്ട് 7.30ന് ​ഗാ​ന​മേ​ള.